ਅੰਮ੍ਰਿਤਸਰ,2 ਸਤੰਬਰ ( ਡਾ ਬਲਜੀਤ ਸਿੰਘ ਭਗਤ) - ਜਲ ਸਰੋਤ ਵਿਭਾਗ ਪੰਜਾਬ ਦੇ ਸਥਾਨਿਕ ਦਫ਼ਤਰ ਮਜੀਠਾ ਮੰਡਲ ਤੋਂ ਬਤੌਰ ਹੈੱਡ ਰੈਵੀਨਿਊ ਕਲਰਕ ਦੇ ਅਹੁੱਦੇ ਤੋਂ ਸੇਵਾ ਮੁਕਤ ਹੋਏ ਰਣਯੋਧ ਸਿੰਘ ਢਿੱਲੋਂ ਦੇ ਸਨਮਾਨ ਵਿੱਚ ਰੱਖੇ ਇਕ ਸਾਦੇ ਅਤੇ ਪ੍ਰਭਾਵਸ਼ਾਲੀ ਸਮਾਗਮ
ਦੌਰਾਨ ਸਮੂੰਹ ਸਟਾਫ ਅਤੇ ਵੱਖ-ਵੱਖ ਮੁਲਾਜ਼ਮ ਜਥੇਬੰਦੀਆਂ ਵੱਲੋਂ ਉਨਾਂ ਨੂੰ ਯਾਦਗਾਰੀ ਚਿੰਨ੍ਹ ਤੇ ਫੁੱਲਾਂ ਦੇ ਗੁਲਦਸਤੇ ਭੇਂਟ ਕਰਕੇ ਸਨਮਾਨਿਤ ਕੀਤਾ ਗਿਆ।ਇਸ ਮੌਕੇ ਕਾਰਜਕਾਰੀ ਇੰਜੀਨੀਅਰ ਮਹੇਸ਼ ਸਿੰਘ,ਡਿਪਟੀ ਕੁਲੈਕਟਰ ਸੁਨੀਲ ਗੌਤਮ,ਨਹਿਰੀ ਪਟਵਾਰ ਯੂਨੀਅਨ ਪੰਜਾਬ ਦੇ ਸੀਨੀਅਰ ਮੀਤ ਪ੍ਰਧਾਨ ਕ੍ਰਿਪਾਲ ਸਿੰਘ ਪੰਨੂੰ ਨੇ ਐਚ ਆਰ ਸੀ ਰਣਯੋਧ ਸਿੰਘ ਢਿੱਲੋਂ ਵੱਲੋ ਮਹਿਕਮੇ ਪ੍ਰਤੀ ਨਿਭਾਈਆਂ ਬਾਖੂਬੀ ਅਤੇ ਬੇਦਾਗ ਸੇਵਾਵਾਂ ਦੀ ਭਰਪੂਰ ਪ੍ਰਸ਼ੰਸਾ ਕੀਤੀ। ਹੋਰਨਾ ਤੋਂ ਇਲਾਵਾ ਇਸ ਮੌਕੇ ਸੁਰਜੀਤ ਸਿੰਘ,ਹਰਪਾਲ ਸਿੰਘ,ਸੁਖਬੀਰ ਸਿੰਘ ਕੋਹਲੀ,ਦਿਲਬਾਗ ਸਿੰਘ,ਨਹਿਰੀ ਕਲੋਨੀ ਵੈਲਫੇਅਰ ਕਮੇਟੀ ਦੇ ਖਜ਼ਾਨਚੀ ਨਿਸ਼ਾਨ ਸਿੰਘ ਸੰਧੂ,ਸਤਨਾਮ ਸਿੰਘ ਠੇਠਰਕੇ,ਮਨਦੀਪ ਮੈਣੀ ਅਤੇ ਹੋਰ ਬਹੁਤ ਸਾਰੇ ਸਟਾਫ ਮੈਂਬਰ ਹਾਜ਼ਰ ਸਨ।
COMMENTS