ਸ਼੍ਰੋਮਣੀ ਕਮੇਟੀ ਦੇ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਦੇ ਬਿਆਨ ਤੇ ਮਸੀਹ ਭਾਰੀਚਾਰੇ ਚ ਭਾਰੀ ਰੋਸ

ਬਟਾਲਾ 26 ਅਕਤੂਬਰ (ਡਾ ਬਲਜੀਤ ਸਿੰਘ .ਨੀਰਜ ਸ਼ਰਮਾ. ਜਸਬੀਰ ਸਿੰਘ )। ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਵਲੋਂ ਪਾਸਟਰਾਂ ਨੂੰ ਲੈਕੇ ਦਿੱਤੇ ਗਏ ਬਿਆਨ ਤੋਂ ਬਾਅਦ ਮਸੀਹ ਭਾਈਚਾਰੇ ਵਿਚ ਰੋਸ ਪਾਇਆ ਜਾ ਰਿਹਾ ਹੈ। ਨੈਸ਼ਨਲ ਕ੍ਰਿਸਚਨ ਲੀਗ ਦੇ ਸੂਬਾ ਪ੍ਰਧਾਨ ਜਗਦੀਸ਼ ਮਸੀਹ ਨੇ ਸਾਹਮਣੇ ਆ ਕੇ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਦੇ ਬਿਆਨ ਨੂੰ ਨਿੰਦਾ ਯੋਗ ਬਿਆਨ ਕਹਿੰਦੇ ਕਿਹਾ ਹੈ ਕਿ ਏਜੰਸੀਆ ਦੇ ਕਹਿਣ 'ਤੇ ਭਾਈਚਾਰੇ ਵਿੱਚ ਵੰਡੀਆਂ ਨਾ ਪਾਓ।ਇਸ ਤਰਾਂ ਦੇ ਬਿਆਨ ਅੱਗ ਲਗਾਉ ਬਿਆਨ ਹਨ ਪੜ੍ਹੇ ਲਿਖੇ, ਸੂਝਵਾਨ ਅਤੇ ਸਿੱਖ ਕੌਮ ਦੇ ਸਿਰਮੌਰ ਆਗੂ ਵਲੋਂ ਐਸੇ ਬਿਆਨ ਮਾਹੌਲ ਖਰਾਬ ਕਰ ਸਕਦੇ ਹਨ। ਉਨਾਂ ਕਿਹਾ ਕਿ ਜਦੋਂ ਉੜੀਸਾ ਮਸੀਹ ਭਾਈਚਾਰੇ ਨੂੰ ਕੁੱਝ ਸ਼ਰਾਰਤੀ ਅਨਸਰਾਂ ਵਲੋਂ ਜਿੰਦਾ ਸਾੜ ਦਿੱਤਾ ਗਿਆ ਸੀ ਤਾਂ ਉਸ ਵੇਲੇ ਸਿਮਰਨਜੀਤ ਸਿੰਘ ਮਾਨ ਸਮੇਤ ਸਮੁੱਚਾ ਸਿੱਖ ਭਾਈਚਾਰਾ ਮਸੀਹ ਭਾਈਚਾਰੇ ਨਾਲ ਖੜ ਗਿਆ ਸੀ, ਜਿਸਤੋਂ ਸਾਫ ਸਿੱਧ ਹੋ ਗਿਆ ਸੀ ਕਿ ਸਿੱਖ ਅਤੇ ਮਸੀਹ ਭਾਈਚਾਰੇ ਦੀ ਏਕਤਾ ਨੂੰ ਕੋਈ ਤੋੜ ਨਹੀਂ ਸਕਦਾ। ਉਥੇ ਹੀ ਅਮ੍ਰਿਤਪਾਲ ਸਿੰਘ ਦੇ ਬਿਆਨਾਂ ਨੂੰ ਲੈ ਕੇ ਕਿਹਾ ਕਿ ਅਮ੍ਰਿਤਪਾਲ ਅਜੇ ਕੱਲ ਦਾ ਜਵਾਕ ਹੈ। ਉਹ 27 ਸਾਲਾਂ ਨੌਜਵਾਨ ਹੈ। ਉਸਨੂੰ ਕਿੰਨੀ ਕੁ ਸਮਝ ਹੈ ? ਉਹ ਵੀ ਏਜੰਸੀਆ ਨਾਲ ਮਿਲ ਕੇ ਇਹ ਸਭ ਕੁਝ ਕਰ ਰਿਹਾ ਹੈ ।