ਕਿਸਾਨ ਮਜ਼ਦੂਰ ਸੰਘਰਸ਼ ਕਮੇਟੀ ਦੀ ਵਿਸ਼ੇਸ਼ ਮੀਟਿੰਗ ਹੋਈ .

ਬਟਾਲਾ 4 ਅਗਸਤ ( ਬਲਜੀਤ ਸਿੰਘ ,ਨੀਰਜ ਸ਼ਰਮਾ, ਜਸਬੀਰ ਸਿੰਘ) ਅੱਜ ਕਿਸਾਨ ਮਜ਼ਦੂਰ ਸੰਘਰਸ ਕਮੇਟੀ ਪੰਜਾਬ ਦੇ ਜਿਲਾ ਗੁਰਦਾਸਪੁਰ ਦੇ ਜੋਨ ਬਾਬਾ ਮਸਤੂ ਜੀ ਅਤੇ ਜੋਨ ਬੇਬੇ ਨਾਨਕੀ ਦੇ ਸਾਰੇ ਪਿਡਾਂ ਦੀਆਂ ਇਕਾਇਆਂ ਦੀ ਮੀਟਿੰਗ ਜ਼ਿਲ੍ਹਾ ਕਮੇਟੀ ਦੇ ਸੀਨੀਅਰ ਮੀਤ ਪ੍ਰਧਾਨ ਅਨੂਪ ਸਿੰਘ ਸੁਲਤਾਨੀ ਦੀ ਅਗਵਾਈ ਵਿੱਚ ਪਿੰਡ ਹਯਾਤ ਨਗਰ ਗੁਰਦੁਆਰਾ ਸਾਹਿਬ ਵਿਖੇ ਕੀਤੀ ਗਈ। ਜਿਸ ਵਿੱਚ ਦਿੱਲੀ ਕਟੜਾ ਹਾਈਵੇਅ ਵਿੱਚ ਜੋ ਸਰਕਾਰ ਵੱਲੋ ਜਮੀਨਾਂ ਐਕਵਾਇਰ ਕਰਨ ਦਾ ਗਲਤ ਢੰਗ ਅਪਨਾਇਆ ਜਾ ਰਿਹਾ ਹੈ ਉਸ ਦੇ ਖਿਲਾਫ ਜੋ ਧਰਨਾ 8 ਅਗਸਤ ਐਸ.ਡੀ.ਐਮ. ਬਟਾਲਾ ਦਫਤਰ ਅੱਗੇ ਲੱਗ ਰਿਹਾ ਹੈ ਉਸ ਵਿਚ ਸਾਮਿਲ ਹੋਣ ਲਈ ਸਾਰੇ ਪਿਡਾਂ ਨਾਲ ਵਿਚਾਰ ਕੀਤਾ ਗਿਆ । ਅਨੂਪ ਸਿੰਘ ਸੁਲਤਾਨੀ ਵੱਲੋ ਕਿਹਾ ਗਿਆ ਕਿ ਸਰਕਾਰ ਕਿਸਾਨਾਂ ਦੀਆਂ ਜਮੀਨਾਂ ਐਕਵਾਇਰ ਕਰਨ ਦਾ ਗਲਤ ਤਰੀਕਾ ਅਪਣਾ ਰਹੀ ਹੈ । ਸਰਕਾਰ ਸਾਰੇ ਕਿਸਾਨਾਂ ਨੂੰ ਇਕਸਾਰ ਮੁਆਵਜਾ ਨਹੀ ਦੇ ਰਹੀ । ਇਕ ਪਾਸੇ ਕਿਸਾਨਾਂ ਦੀ ਜਮੀਨ ਜਾ ਰਹੀ ਹੈ ਤੇ ਸਰਕਾਰ ਵੀ ਉਸਦਾ ਸਹੀ ਬਣਦਾ ਮੁਆਵਜਾ ਨਹੀ ਦੇ ਰਹੀ । ਸਰਕਾਰ ਨੂੰ ਸਹੀ ਨੀਤੀ ਨਾਲ ਕਿਸਾਨਾਂ ਨੂੰ ਉਹਨਾਂ ਦਾ ਬਣਦਾ ਹੱਕ ਦੇਣਾ ਚਾਹਿਦਾ ਹੈ । ਇਸ ਤੋ ਬਾਅਦ ਅਨੂਪ ਸਿੰਘ ਸੁਲਤਾਨੀ ਵੱਲੋ ਦੱਸਿਆ ਗਿਆ ਕਿ 8 ਤਰੀਕ ਨੂੰ ਜੋਨ ਬਾਬਾ ਮਸਤੂ ਦੇ ਸਾਰੇ ਪਿੰਡ ਬਟਾਲਾ ਧਰਨੇ ਵਿੱਚ ਸਮੂਲਿਅਤ ਕਰਨਗੇ। ਜੋਨ ਬੇਬੇ ਨਾਨਕੀ ਦੇ ਪ੍ਰਧਾਨ ਸੁਖਦੇਵ ਕੋਰ ਵੱਲੋ ਦੱਸਿਆ ਗਿਆ ਕਿ ਬੀਬੀਆਂ ਵੀ ਇਸ ਧਰਨੇ ਵਿੱਚ ਵੱਧ ਚੜ ਕੇ ਸਮੂਲਿਅਤ ਕਰਨਗੀਆਂ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ, ਸੁਖਵਿੰਦਰ ਸਿੰਘ ਦਾਖਲਾ , ਕੁਲਜੀਤ ਸਿੰਘ ਹਯਾਤ ਨਗਰ, ਜਤਿੰਦਰ ਸਿੰਘ ਵਰਿਆ ,ਸੁਖਦੇਵ ਸਿੰਘ ਅੱਲੜ ਪਿੰਡੀ ,ਦਲਬੀਰ ਸਿੰਘ ਠੁੰਢੀ,ਰਾਮ ਮੂਰਤੀ , ਗੁਰਪ੍ਰੀਤ ਸਿੰਘ ਕਾਲਾ ਨੰਗਲ, ਸੋਹਣ ਸਿੰਘ ਕਾਲਾ ਨੰਗਲ, ਚਰਨਜੀਤ ਸਿੰਘ ਪੀਰਾਂ ਬਾਗ ,ਸੁਖਵਿੱਦਰ ਸਿੰਘ ਪੀਰਾਂ ਬਾਗ , ਅਮਰੀਕ ਸਿੰਘ ਹਯਾਤ ਨਗਰ, ਵੱਸਣ ਸਿੰਘ ਪੀਰਾਂਬਾਗ ,ਅਸਵਨੀ ਕੁਮਾਰ , ਰਮਨਦੀਪ ਕੋਰ ਕਾਲਾਨੰਗਲ , ਕੁਲਵੰਤ ਕੋਰ , ਮਨਪ੍ਰੀਤ ਕੋਰ ਆਦਿ ਹਾਜ਼ਰ ਸਨ ਜਾਰੀ ਕਰਤਾ ।