ਘਰ ਬਾਹਰ ਸਕੂਟਰੀ 'ਤੇ ਖੜੀ ਔਰਤ ਦੇ ਗਲ 'ਚੋਂ ਮੋਟਰਸਾਈਕਲ ਸਵਾਰ ਦੋ ਸਨੈਚਰਾਂ ਨੇ ਸੋਨੇ ਦੀ ਚੈਨ ਖੋਹੀ, ਘਟਨਾ ਸੀ ਸੀ ਟੀ ਵੀ ਵਿੱਚ ਕੈਦ

ਬਟਾਲਾ 30 ਜੁਲਾਈ (ਬਲਜੀਤ ਸਿੰਘ .ਨੀਰਜ ਸ਼ਰਮਾ. ਬਲਵੰਤ ਭਗਤ ) ਬਟਾਲਾ ਵਿਖੇ ਲੁੱਟ ਖੈਹ ਦੇ ਮਾਮਲਿਆਂ ਵਿੱਚ ਲਗਤਾਰ ਵਾਧਾ ਹੋ ਰਿਹਾ ਹੈ ,,,,,,ਚੈਨ ਸਨੈਚਰ ਇੱਕਲੀ ਆ ਜਾ ਰਹੀ ਮਹਿਲਾਵਾਂ ਨੂੰ ਨਿਸ਼ਾਨਾ ਬਣਾ ਰਹੇ ਹਨ,,,,, ਚੈਨ ਸਨੈਚਿੰਗ ਦਾ ਤਾਜ਼ਾ ਮਾਮਲਾ ਬਟਾਲਾ ਤੋਂ ਸਾਹਮਣੇ ਆਇਆ ਹੈ ,,,,ਜਿਥੇ ਉਜਾਗਰ ਨਗਰ ਗਲੀ ਨੰਬਰ 2 ਵਿੱਚ ਸਰਬਜੀਤ ਕੌਰ ਨਾਮਕ ਇਕ ਮਹਿਲਾ ਜਦੋਂ ਆਪਣੇ ਬੱਚੇ ਨੂੰ ਸਕੂਲ ਤੋਂ ਵਾਪਿਸ ਘਰ ਲਿਆ ਰਹੀ ਸੀ ਤਾਂ ਘਰ ਦੇ ਬਾਹਰ ਹੀ ਗਲੀ ਵਿਚ ਜਦੋਂ ਉਹ ਮੋਪਡ ਖੜੀ ਕਰਨ ਲਈ ਰੁਕੀ ਤਾਂ ਪਿੱਛੋਂ ਮੋਟਰਸਾਈਕਲ ਸਵਾਰ ਦੋ ਨੌਜਵਾਨ ਆਏ ਅਤੇ ਮਹਿਲਾਂ ਦੇ ਗਲੇ ਵਿਚੋਂ ਦੋ ਤੋਲੇ ਦੀ ਸੋਨੇ ਦੀ ਚੈਨ ਖਿੱਚ ਕੇ ਫਰਾਰ ਹੋ ਗਏ ਸਾਰੀ ਘਟਨਾ ਸੀ ਸੀ ਟੀ ਵੀ ਵਿੱਚ ਕੈਦ ਹੋ ਗਈ ,,,,ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।ਉੱਥੇ ਹੀ ਪੀੜਤ ਮਹਿਲਾ ਸਰਬਜੀਤ ਕੌਰ ਅਤੇ ਉਸਦੇ ਸਹੁਰੇ ਸੋਹਣ ਸਿੰਘ ਨੇ ਘਟਨਾ ਬਾਰੇ ਦੱਸਦੇ ਹੋਏ ਕਿਹਾ ਕਿ ਹੁਣ ਲੋਕ ਆਪਣੇ ਘਰਾਂ ਵਿਚ ਵੀ ਮਹਿਫ਼ੂਜ਼ ਨਹੀਂ ਹਨ। ਉਹਨਾਂ ਕਿਹਾ ਕਿ ਮੋਟਰਸਾਈਕਲ ਦੇ ਨਾ ਤਾਂ ਅਗੇ ਨੰਬਰ ਪਲੇਟ ਸੀ ਅਤੇ ਪਿੱਛੇ ਦੀ ਨੰਬਰ ਪਲੇਟ ਵੀ ਟੁੱਟੀ ਹੋਈ ਸੀ ਸਿਰਫ 67 ਨੰਬਰ ਹੀ ਨਜਰ ਆ ਰਿਹਾ ਸੀ। ਉਹਨਾ ਕਿਹਾ ਕਿ ਬਟਾਲਾ ਪੁਲਿਸ ਪ੍ਰਸ਼ਾਸਨ ਨੂੰ ਸਖਤੀ ਵਰਤਦੇ ਹੋਏ ਐਸੇ ਗਲਤ ਅਨਸਰਾਂ ਨੂੰ ਨਕੇਲ ਕੱਸਣੀ ਚਾਹੀਦੀ ਹੈ ਅਤੇ ਐਸੇ ਮੋਇਰਸਾਈਕਲਾਂ ਜਿਹਨਾਂ ਦੇ ਨੰਬਰ ਪਲੇਟ ਨਹੀਂ ਲਗੇ ਹੋਏ ਉਹਨਾ ਦੇ ਚਲਾਣ ਕੱਟਦੇ ਹੋਏ ਮੋਟਰਸਾਈਕਲ ਬਾਂਉਡ ਕਰਨੇ ਚਾਹੀਦੇ ਹਨ। ਕਹਨਾ ਕਿਹਾ ਕਿ ਅਜਿਹੀਆਂ ਘਟਨਾਵਾਂ ਨਾਲ ਗੰਭੀਰ ਸੱਟਾਂ ਵੀ ਲਗ ਸਕਦੀਆਂ ਹਨ। ਉੱਥੇ ਹੀ ਬਟਾਲਾ ਪੁਲਿਸ ਦੀ ਅਰਬਨ ਸਟੇਟ ਪੁਲਿਸ ਚੌਂਕੀ ਦੇ ਇੰਚਾਰਜ ਨੇ ਕਿਹਾ ਕਿ ਘਟਨਾ ਦੀ ਜਾਣਕਾਰੀ ਮਿਲੀ ਸੀ ਪੀੜਤਾਂ ਦੇ ਬਿਆਨਾਂ ਦੇ ਅਧਾਰ ਤੇ ਕੇਸ ਦਰਜ ਕਰਦੇ ਹੋਏ ਤਫਤੀਸ਼ ਸ਼ੁਰੂ ਕਰ ਦਿਤੀ ਗਈ ਹੈ ਸਾਰੇ ਸੀ ਸੀ ਟੀ ਵੀ ਕੈਮਰੇ ਖੰਗਾਲੇ ਜਾ ਰਹੇ ਹਨ ਅਤੇ ਨਾਲ ਹੀ ਜਿਹੜੇ ਮੋਟਰਸਾਈਕਲ 67 ਨੰਬਰ ਵਾਲੇ ਹਨ ਉਹਨਾਂ ਦੀ ਲਿਸਟ ਵੀ ਕਢਵਾਈ ਜਾ ਰਹੀ ਹੈ ਜਲਦ ਹੀ ਸਨੇਚਰਾਂ ਨੂੰ ਕਾਬੂ ਕੀਤਾ ਜਾਵੇਗਾ।