ਸਰਕਾਰੀ ਹਾਈ ਸਕੂਲ ਅਬਦਾਲ ਵਿਖੇ ਗਣਿਤ ਮੇਲਾ ਲਾਇਆ ਗਿਆ।

ਕੱਥੂਨੰਗਲ , 30 ਜੁਲਾਈ( ਹਰਵਿੰਦਰ ਵਿੱਕੀ , ਜਗਜੀਤ ਸਿੰਘ ਪੱਡਾ ) ਅੱਜ ਸਰਕਾਰੀ ਹਾਈ ਸਕੂਲ ਅਬਦਾਲ ਵਿਖੇ ਗਣਿਤ ਮੇਲਾ ਹੈੱਡਮਿਸਟ੍ਰੈਸ ਸ਼੍ਰੀਮਤੀ ਦੀਪਿਕਾ ਡੀਨ ਦੀ ਯੋਗ ਅਗਵਾਈ ਵਿੱਚ ਮੈਥ ਮਾਸਟਰ ਮਨਦੀਪ ਸ਼ਰਮਾ ਅਤੇ ਪ੍ਰੇਮਪਾਲ ਸਿੰਘ ਦੀ ਦੇਖਰੇਖ ਵਿੱਚ ਬੱਚਿਆਂ ਵੱਲੋਂ ਲਗਾਇਆ ਗਿਆ| ਮੇਲੇ ਦੌਰਾਨ ਬੱਚਿਆਂ ਨੇ ਖੇਡ ਖੇਡ ਵਿੱਚ ਅਤੇ ਕਿਰਿਆਵਾਂ ਰਾਹੀਂ ਗਣਿਤ ਸਿੱਖਣ ਦੀਆਂ ਨਵੀਆਂ ਵਿਧੀਆਂ ਤੋਂ ਆਏ ਹੋਏ ਮਹਿਮਾਨਾਂ ਨੂੰ ਜਾਣੂ ਕਰਵਾਇਆ।ਇਸ ਮੇਲੇ ਵਿੱਚ ਮੁੱਖ ਮਹਿਮਾਨ ਵਜੋਂ ਨਗਰ ਨਿਗਮ ਕਮਿਸ਼ਨਰ ਅੰਮ੍ਰਿਤਸਰ ਕੁਮਾਰ ਸੌਰਭ ਰਾਜ ਦੇ ਧਰਮ ਪਤਨੀ ਸ੍ਰੀਮਤੀ ਜਯੋਤੀ ਸੌਰਭ ਰਾਜ ਅਤੇ ਉੱਪ ਜਿਲ੍ਹਾ ਸਿੱਖਿਆ ਅਫ਼ਸਰ(ਸੈ. ਸਿੱ.)ਸ.ਬਲਰਾਜ ਸਿੰਘ ਜੀ ਨੇ ਵਿਸ਼ੇਸ਼ ਤੌਰ ਤੇ ਸ਼ਿਰਕਤ ਕੀਤੀ ਅਤੇ ਓਹਨਾ ਨੇ ਬੱਚਿਆਂ ਦੁਆਰਾ ਕਰਕੇ ਦਿਖਾਈਆਂ ਗਈਆਂ ਕਿਰਿਆਵਾਂ ਦੀ ਪ੍ਰਸ਼ੰਸਾ ਕੀਤੀ। ਡੀ ਐਮ ਸਾਇੰਸ ਸ.ਨਰਿੰਦਰ ਸਿੰਘ ਅਤੇ ਬੀ.ਐਮ.ਮੈਥ ਅਨਿਲ ਸ਼ਰਮਾ ਨੇ ਦੱਸਿਆ ਕਿ ਗਣਿਤ ਵਿਸ਼ੇ ਪ੍ਰਤੀ ਬੱਚਿਆਂ ਦੇ ਮਨ ਵਿੱਚ ਜੋ ਡਰ ਹੈ ਉਹ ਕਰਕੇ ਤੇ ਖੇਡ ਵਿਧੀ ਰਾਹੀਂ ਸਿੱਖਣ ਨਾਲ ਜਰੂਰ ਦੂਰ ਹੋਵੇਗਾ ਤੇ ਇਸ ਤਰ੍ਹਾਂ ਦੇ ਮੇਲੇ ਬੱਚਿਆਂ ਦੀ ਗਣਿਤ ਵਿੱਚ ਰੁਚੀ ਵਧਾਉਣ ਵਿੱਚ ਬਹੁਤ ਸਹਾਈ ਹੋਣਗੇ।ਸ.ਗੁਰਵਿੰਦਰ ਸਿੰਘ ਜੀ ਵਲੋਂ ਆਏ ਹੋਏ ਮਹਿਮਾਨਾਂ ਦਾ ਸਵਾਗਤ ਕੀਤਾ ਗਿਆ।ਇਸ ਮੌਕੇ ਸੀ.ਐੱਚ. ਟੀ.ਹਰਵਿੰਦਰ ਕੱਥੂਨੰਗਲ,ਗੁਰਦਰਸ਼ਨ ਸਿੰਘ ਕਾਦਰਾਬਾਦ,ਸ.ਸਰਦੂਲ ਸਿੰਘ ਅਬਦਾਲ,ਬਲਰਾਜ ਸਿੰਘ,ਭੁਪਿੰਦਰ ਸਿੰਘ ਅਬਦਾਲ,ਜਗਦੀਪ ਸਿੰਘ ਲਾਡੀ,ਗੁਰਜੋਤ ਸਿੰਘ,ਜਸਪਾਲ ਸਿੰਘ,ਯੋਗਿਤਾ ਸ਼ਰਮਾ, ਰਜਵੰਤ ਕੌਰ,ਜਸਪਿੰਦਰ ਕੌਰ,ਪਰਵਿੰਦਰ ਕੌਰ,ਰਜਨੀ ਬਾਲਾ,ਜਸਪਾਲ ਕੌਰ,ਸਿੰਮੀ,ਮਨਜਿੰਦਰ ਕੌਰ, ਆਦਿ ਵੀ ਵਿਸ਼ੇਸ਼ ਰੂਪ ਵਿੱਚ ਹਾਜਰ ਸਨ। ਕੈਪਸਨ- ਗਣਿਤ ਮੇਲੇ ਦੌਰਾਨ ਬੱਚਿਆਂ ਨਾਲ ਗੱਲਬਾਤ ਕਰਦੇ ਹੋਏ ਮੁੱਖ ਮਹਿਮਾਨ ਮੈਡਮ ਜਯੋਤੀ ਸੌਰਬ ਰਾਜ, ਉੱਪ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਬਲਰਾਜ ਸਿੰਘ , ਹੈੱਡ ਮਿਸਟ੍ਰੈਸ ਮੈਡਮ ਦੀਪਿਕਾ ਡੀਨ ।