ਛੋਟਾ ਹਾਥੀ ਖਰੀਦਣ ਲਈ ਬਜ਼ੁਰਗ ਨੇ ਬੈਂਕ 'ਚੋਂ ਕੱਢਾਏ ਸੀ ਢਾਈ ਲੱਖ ਰੁਪਏ, ਮੋਟਰਸਾਈਕਲ ਤੇ ਆਏ ਦੋ ਨਕਾਬਪੋਸ਼ ਲੁਟੇਰੇ ਖੋ ਕੇ ਹੋਏ ਫਰਾਰ

ਗੁਰਦਾਸਪੁਰ, 7 ਸਤੰਬਰ (ਡਾ ਬਲਜੀਤ ਸਿੰਘ, ਨੀਰਜ ਸ਼ਰਮਾ) ਲੁਟੇਰੇ ਚੁਸਤ ਅਤੇ ਪੁਲਿਸ ਸੁਸਤ ਇਹ ਲਾਈਨਾਂ ਉਸ ਵੇਲੇ ਸਹੀ ਸਾਬਤ ਹੋਈਆਂ ਜਦੋ ਗੁਰਦਾਸਪੁਰ ਪੁਲਿਸ ਅਧੀਨ ਪੈਂਦੇ ਕਸਬਾ ਕਲਾਨੌਰ ਵਿਖੇ ਇਕ ਪਿਉ ਪੁੱਤਰ ਕੋਲੋ ਮੋਟਰਸਾਈਕਲ ਲੁਟੇਰੇ ਹੱਥ ਵਿਚੋਂ ਢਾਈ ਲੱਖ ਰੁਪਏ ਨਾਲ ਭਰਿਆ ਥੈਲਾ ਲੁੱਟ ਕੇ ਫਰਾਰ ਹੋ

ਗਏ।ਪੀੜਿਤ ਨੇ ਸ਼ੱਕ ਜਤਾਇਆ ਹੈ ਕਿ ਲੁਟੇਰੇ, ਬੈਂਕ ਤੋਂ ਹੀ ਉਨ੍ਹਾਂ ਤੇ ਨਜ਼ਰ ਰੱਖ ਰਹੇ ਸਨ। ਓਥੇ ਹੀ ਪੁਲਿਸ ਵਲੋਂ ਵਾਰਦਾਤ ਬਾਰੇ ਇਤਲਾਹ ਮਿਲਦੇ ਹੀ ਜਾਂਚ ਸ਼ੁਰੂ ਕਰ ਦਿਤੀ ਗਈ ਹੈ ਅਤੇ ਘਟਨਾ ਸਥਲ ਦੇ ਨੇੜੇ ਤੇੜੇ ਦੇ ਸੀਸੀਟੀਵੀ ਕੈਮਰੇ ਅਤੇ ਬੈਂਕ ਦੇ ਅੰਦਰ ਦੇ ਸੀਸੀਟੀਵੀ ਕੈਮਰੇ ਚੈੱਕ ਕੀਤੇ ਜਾ ਰਹੇ ਹਨ। ਲੁੱਟ ਦਾ ਸ਼ਿਕਾਰ ਹੋਣ ਵਾਲੇ ਪਿੰਡ ਭੰਗਵਾਂ ਦੇ ਵਾਸੀ ਗੁਰਸੇਵਕ ਸਿੰਘ ਅਤੇ ਉਸਦੇ ਪਿਤਾ ਹਰਭਜਨ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਉਹ ਦੋਵੇਂ ਗ੍ਰਾਮੀਣ ਬੈਂਕ ਕਲਾਨੋਰ ਦੇ ਵਿਚੋਂ ਢਾਈ ਲੱਖ ਰੁਪਇਆ ਕਢਵਾ ਕੇ ਮੋਟਰ ਸਾਈਕਲ ਤੇ ਵਾਪਸ ਪਿੰਡ ਨੂੰ ਵਾਪਸ ਜਾ ਰਹੇ ਸੀ। ਰਸਤੇ ਵਿੱਚ ਇੱਕ ਰੇਹੜੀ ਤੇ ਰੁਕ ਕੇ ਜੂਸ ਪੀਣ ਲਈ ਰੁਕੇ ਸਨ ਅਤੇ ਫਿਰ ਮੋਟਰ ਸਾਈਕਲ ਤੇ ਜਦੋਂ ਵਾਪਸ ਜਾਣ ਲੱਗੇ ਤਾਂ ਲੜਕੇ ਗੁਰਸੇਵਕ ਸਿੰਘ ਦੇ ਕਹਿਣ ਤੇ ਉਸ ਦੇ ਪਿਤਾ ਹਰਭਜਨ ਸਿੰਘ ਨੇ ਮੋਟਰ ਸਾਈਕਲ ਚਲਾਉਣਾ ਸ਼ੁਰੂ ਕਰ ਦਿੱਤਾ ਅਤੇ ਗੁਰਸੇਵਕ ਰੁਪਇਆਂ ਨਾਲ ਭਰਿਆ ਥੈਲਾ ਫੜਕੇ ਪਿੱਛੇ ਬੈਠ ਗਿਆ ਤਦੇ ਇੱਕ ਮੋਟਰ ਸਾਈਕਲ ਤੇ ਸਵਾਰ ਹੋ ਕੇ ਦੋ ਨੌਜਵਾਨ ਪਿਛੋਂ ਆਏ ਜਿਨ੍ਹਾਂ ਨੇ ਮੂੰਹ ਕਪੜੇ ਨਾਲ ਢੱਕੇ ਹੋਏ ਸਨ। ਦੇਖਦਿਆਂ ਹੀ ਉਹ ਲੜਕੇ ਹੱਥ ਚੋਂ ਪੈਸਿਆਂ ਵਾਲਾ ਥੈਲਾ ਖੋਹ ਕੇ ਮੋਟਰਸਾਈਕਲ ਤੇ ਫ਼ਰਾਰ ਹੋ ਗਏ। ਉਹਨਾਂ ਦਾ ਪਿੱਛਾ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਕਾਫੀ ਦੂਰ ਨਿਕਲ ਚੁੱਕੇ ਸਨ। ਉਨਾਂ ਦੱਸਿਆ ਕਿ ਉਹ ਕੰਮ ਵਾਸਤੇ ਛੋਟਾ ਹਾਥੀ ਖਰੀਦ ਰਹੇ ਸਨ ਅਤੇ ਇਹ ਪੈਸੇ ਲੈ ਕੇ ਉਹ ਛੋਟੇ ਹਾਥੀ ਦੇ ਮਾਲਕ ਨੂੰ ਦੇਣ ਜਾ ਰਹੇ ਸਨ। ਓਹਨਾ ਮੰਗ ਕੀਤੀ ਹੈ ਕਿ ਲੁਟੇਰਿਆਂ ਨੂੰ ਫੜ ਕੇ ਉਹਨਾਂ ਦੀ ਲੁੱਟੀ ਗਈ ਮੇਹਨਤ ਦੀ ਕਮਾਈ ਵਾਪਿਸ ਦੁਆਈ ਜਾਵੇ ਇਸ ਘਟਨਾ ਸਬੰਧੀ ਜਦੋਂ ਕਲਾਨੌਰ ਦੇ ਐਸ.ਐਚ.ਓ ਮੇਜਰ ਸਿੰਘ ਨਾਲ ਗੱਲ ਕੀਤੀ ਤਾਂ ਓਹਨਾ ਦਾ ਓਹੀ ਰਟਿਆ ਰਟਾਇਆ ਜਵਾਬ ਸਾਹਮਣੇ ਆਇਆ ਕਿ ਜਦੋਂ ਘਟਨਾ ਬਾਰੇ ਪਤਾ ਲੱਗਾ ਉਦੋਂ ਤੋਂ ਹੀ ਆਸ ਪਾਸ ਦੇ ਸੀ.ਸੀ.ਟੀ.ਵੀ ਫੁਟੇਜ ਚੈੱਕ ਕਰ ਰਹੇ ਹਨ ।ਉਹਨਾਂ ਨੇ ਦੱਸਿਆ ਕਿ ਇਸ ਘਟਨਾ ਨੂੰ ਅੰਜਾਮ ਦੇਣ ਵਾਲੇ ਵਿਅਕਤੀਆਂ ਨੂੰ ਬਖ਼ਸ਼ਿਆ ਨਹੀਂ ਜਾਵੇਗਾ ਅਤੇ ਉਨ੍ਹਾਂ ਦੇ ਖ਼ਿਲਾਫ਼ ਬਣਦੀ ਕਾਰਵਾਈ ਕੀਤੀ ਜਾਵੇਗੀ ਅਤੇ ਪਰਿਵਾਰ ਨੂੰ ਇਨਸਾਫ਼ ਦਿੱਤਾ ਜਾਵੇਗਾ।