ਬਟਾਲਾ ਚ ਡਾਕਟਰ ਦੇ ਕਤਲ ਮਾਮਲੇ ਚ ਹੋਇਆ ਖੁਲਾਸਾ ਤਿੰਨ ਨੌਜਵਾਨਾਂ ਖਿਲਾਫ ਮਾਮਲਾ ਦਰਜ ਦੋ ਗ੍ਰਿਫਤਾਰ ਅਤੇ ਮੁਖ ਦੋਸ਼ੀ ਫਰਾਰ >

ਬਟਾਲਾ 12 ਅਕਤੂਬਰ ( ਬਲਜੀਤ ਸਿੰਘ .ਨੀਰਜ ਸ਼ਰਮਾ.ਜਸਬੀਰ ਸਿੰਘ) ਬੀਤੇ ਦਿਨੀ ਬਟਾਲਾ ਚ ਇਕ ਆਰਐਮਪੀ ਡਾਕਟਰ ਦੇ ਕਤਲ ਮਾਮਲੇ ਚ ਅੱਜ ਬਟਾਲਾ ਪੁਲਿਸ ਨੇ ਕੀਤਾ ਖੁਲਾਸਾ ਉਥੇ ਹੀ ਪੁਲਿਸ ਵਲੋਂ ਤਿੰਨ ਨੌਜਵਾਨਾਂ ਖਿਲਾਫ ਕਤਲ ਦਾ ਮਾਮਲਾ ਦਰਜ਼ ਕੀਤਾ ਗਿਆ ਹੈ | ਅਤੇ ਇਸ ਕਤਲ ਦੀ ਵਾਰਦਾਤ ਨੂੰ ਅੰਜਾਮ ਦੇਣ ਵਾਲੇ ਦੋ ਨੌਜਵਾਨਾਂ ਨੂੰ ਗ੍ਰਿਫਤਾਰ ਕਰਨ ਦਾ ਵੀ ਦਾਅਵਾ ਕੀਤਾ ਗਿਆ ਹੈ |ਪੁਲਿਸ ਜਿਲਾ ਬਟਾਲਾ ਦੇ ਡੀਐਸਪੀ ਲਲਿਤ ਕੁਮਾਰ ਨੇ ਪ੍ਰੈਸ ਕਾੰਫ਼੍ਰੇੰਸ ਕਰ ਖੁਲਾਸਾ ਕੀਤਾ ਕਿ ਬੀਤੇ ਦੋ ਦਿਨ ਪਹਿਲਾ ਸਟਾਫ ਰੋਡ ਤੇ ਰਹਿਣ ਵਾਲੇ ਆਰਐਮਪੀ ਡਾਕਟਰ ਗੁਰਮੀਤ ਸਿੰਘ ਦੇ ਕਤਲ ਮਾਮਲੇ ਤੋਂ ਬਾਅਦ ਉਹਨਾਂ ਵਲੋਂ ਕਤਲ ਦੀ ਵਾਰਦਾਤ ਚ ਸ਼ਾਮਿਲ ਇਕ ਨੌਜਵਾਨ ਜੋਬਨ ਨੂੰ ਉਹਨਾਂ ਵਲੋਂ ਵਾਰਦਾਤ ਤੋਂ ਕੁਝ ਘੰਟੇ ਬਾਅਦ ਹੀ ਗ੍ਰਿਫਤਾਰ ਕਰ ਲਿਆ ਗਿਆ ਸੀ ਅਤੇ ਜਦਕਿ ਉਸਤੋਂ ਬਾਅਦ ਹੁਣ ਉਹਨਾਂ ਵਲੋਂ ਇਕ ਹੋਰ ਨੌਜਵਾਨ ਰਾਹੁਲ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ ਅਤੇ ਦੋਵਾਂ ਤੋਂ ਕੀਤੀ ਪੁੱਛਗਿੱਛ ਚ ਇਹ ਸਾਮਣੇ ਆਇਆ ਹੈ ਕਿ ਇਸ ਕਤਲ ਚ ਫਰਾਰ ਮੁਖ ਦੋਸ਼ੀ ਰਵੀ ਹੈ ਅਤੇ ਉਹ ਬਟਾਲਾ ਦੇ ਸਟਾਫ ਰੋਡ ਦਾ ਹੀ ਰਹਿਣ ਵਾਲਾ ਹੈ ਅਤੇ ਉਸ ਦੇ ਪ੍ਰੇਮ ਸੰਬੰਧ ਡਾਕਟਰ ਗੁਰਮੀਤ ਦੇ ਕਲੀਨਿਕ ਚ ਕੰਮ ਕਰਨ ਵਾਲੀ ਇਕ ਲੜਕੀ ਨਾਲ ਸਨ ਅਤੇ ਜਿਸ ਦਾ ਡਾਕਟਰ ਨੂੰ ਪਤਾ ਲੱਗ ਗਿਆ ਜਿਸ ਤੋਂ ਬਾਅਦ ਡਾਕਟਰ ਵਲੋਂ ਲੜਕੀ ਨੂੰ ਰਵੀ ਨਾਲ ਮਿਲਣ ਤੋਂ ਰੋਕਣ ਦੇ ਚਲਦੇ ਇਸ ਰੰਜਿਸ਼ ਰੱਖ ਕੇ ਰਵੀ ਨੇ ਆਪਣੇ ਸਾਥੀ ਦੋਸਤਾਂ ਰਾਹੁਲ ਅਤੇ ਜੋਬਨ ਨਾਲ ਮਿਲਕੇ ਇਕ ਸਾਜਿਸ਼ ਤਹਿਤ ਗੁਰਮੀਤ ਸਿੰਘ ਦੇ ਘਰ ਚ ਦਾਖਿਲ ਹੋ ਕੇ ਉਸ ਤੇ 8 ਤੋਂ 10 ਕਿਰਚਾਂ ਦੇ ਵਾਰ ਕਰ ਉਸ ਨੂੰ ਮੌਤ ਦੇ ਘਾਟ ਉਤਾਰ ਦਿਤਾ | ਉਥੇ ਹੀ ਡੀਐਸਪੀ ਲਲਿਤ ਕੁਮਾਰ ਦਾ ਕਹਿਣਾ ਹੈ ਕਿ ਉਹਨਾਂ ਵਲੋਂ ਰਾਹੁਲ ਅਤੇ ਜੋਬਨ ਨੂੰ ਵਾਰਦਾਤ ਚ ਵਰਤੀ ਕਿਰਚ ਸਮੇਤ ਗ੍ਰਿਫਤਾਰ ਕਰ ਲਿਆ ਗਿਆ ਹੈ ਜਦਕਿ ਮੁਖ ਦੋਸ਼ੀ ਰਵੀ ਫਰਾਰ ਹੈ ਜਿਸ ਨੂੰ ਜਲਦ ਗ੍ਰਿਫਤਾਰ ਕੀਤਾ ਜਾਵੇਗਾ .