ਸਿਵਲ ਹਸਪਤਾਲ ਬਟਾਲਾ ਦੀ ਟੀਮ ਨੇ ਘਰ-ਘਰ ਜਾ ਕੇ ਕੀਤਾ ਡੇਂਗੂ ਦਾ ਲਾਰਵਾ ਚੈੱਕ

ਬਟਾਲਾ, 21 ਅਕਤੂਬਰ ( ਨੀਰਜ ਸ਼ਰਮਾ, ਜਸਬੀਰ ਸਿੰਘ)-ਡਿਪਟੀ ਡਾਇਰੈਕਟਰ-ਕਮ- ਸਿਵਲ ਸਰਜਨ ਗੁਰਦਾਸਪੁਰ ਡਾ. ਹਰਭਜਨ ਰਾਮ ਮਾਂਡੀ ਦੀਆਂ ਹਦਾਇਤਾਂ ਅਤੇ ਜ਼ਿਲ੍ਹਾ ਐਪੀਡਿਮਾਲੋਜਿਸ਼ਟ ਡਾ. ਪ੍ਰਭਜੋਤ ਕੌਰ "ਕਲਸੀ" ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਡੇਂਗੂ ਦੇ ਸੀਜ਼ਨ ਨੂੰ ਮੁੱਖ ਰੱਖਦੇ ਹੋਏ ਐਂਟੀ ਲਾਰਵਾ ਟੀਮ ਨੇ ਪਹਿਲਾ ਹੀ ਅਰਬਨ ਏਰੀਆਂ ਬਟਾਲਾ ਵਿਖ਼ੇ ਆਪਣਾ ਕੰਮ ਕਰਨਾ ਸ਼ੁਰੂ ਕੀਤਾ ਹੋਇਆ ਹੈ l ਇਹ ਐਂਟੀ ਲਾਰਵਾ ਟੀਮ ਦੇ ਕੰਮ ਦੀ ਚੈਕਿੰਗ ਕਰਨ ਲਈ ਰਛਪਾਲ ਸਿੰਘ ਸਹਾਇਕ ਮਲੇਰੀਆ ਅਫ਼ਸਰ ਗੁਰਦਾਸਪੁਰ ਵਿਸ਼ੇਸ ਤੌਰ ਤੇਂ ਅਰਬਨ ਏਰੀਆਂ ਬਟਾਲਾ ਵਿਖੇ ਟੀਮ ਨਾਲ ਹਰ ਘਰ ਵਿੱਚ ਗਏ ਤੇਂ ਐਂਟੀ ਲਾਰਵਾ ਟੀਮ ਦਾ ਕੰਮ ਚੈਕ ਕਰਨ ਤੇ ਤਸੱਲੀਬਖ਼ਸ ਪਾਇਆ ਗਿਆ, ਐਟੀ ਲਾਰਵਾ ਟੀਮ ਦੇ ਸਾਰੇ ਮੈਂਬਰ ਆਪਣੀ ਡਿਊਟੀ ਤੇਂ ਹਾਜ਼ਰ ਸਨ I ਉਨ੍ਹਾਂ ਕਿਹਾ ਕਿ ਇਹ ਐਂਟੀ ਲਾਰਵਾ ਟੀਮ ਨੂੰ ਕਿਹਾ ਗਿਆ ਕਿ ਉਹ ਲੋਕਾਂ ਦੇ ਹਰ ਘਰ ਵਿੱਚ ਕੂਲਰ, ਫਰਿਜਾਂ ਦੀਆਂ ਵੇਸਟ ਪਾਣੀ ਦੀਆਂ ਟਰੇਆਂ , ਟੁੱਟੇ ਭੱਜੇ ਬਰਤਨ, ਫੁੱਲਾਂ ਦੇ ਗਮਲਿਆਂ ਤੇਂ ਹੋਰ ਪਾਣੀ ਵਾਲੇ ਥਾਵਾਂ ਵਿੱਚ ਮੱਛਰ ਦਾ ਲਾਰਵਾ ਚੰਗੀ ਤਰ੍ਹਾਂ ਦੇਖਿਆ ਜਾਵੇ ਲਾਰਵਾ ਮਿਲਣ ਤੇਂ ਮੌਕੇ ਤੇਂ ਹੀ ਨਸ਼ਟ ਕੀਤਾ ਜਾਵੇ ਤੇਂ ਹਰ ਘਰ ਵਿੱਚ ਮੱਛਰ ਮਾਰਨ ਵਾਲੀ ਦਵਾਈ ਦੀ ਸਪਰੇਅ ਕੀਤੀ ਜਾਵੇ, ਲੋਕਾਂ ਨੂੰ ਮੱਛਰ ਦੇ ਪੈਦਾ ਹੋਣ ਦੀ ਰੋਕਥਾਮ ਬਾਰੇ ਜਾਣਕਾਰੀ ਦਿੱਤੀ ਜਾਵੇ l ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਲੋਕਾਂ ਨੂੰ ਵੀ ਇਹ ਐਂਟੀ ਲਾਰਵਾ ਟੀਮ ਦਾ ਪੂਰਾ-ਪੂਰਾ ਸਾਥ ਦੇਣ ਲਈ ਕਿਹਾ ਗਿਆ ਤੇਂ ਇਸ ਦੇ ਨਾਲ ਲੋਕਾਂ ਨੂੰ ਜਾਣਕਾਰੀ ਦਿੱਤੀ ਕਿ ਡੇਂਗੂ ਬੁਖਾਰ ਦੇ ਲੱਛਣ ਤੇਜ਼ ਬੁਖਾਰ, ਸਿਰ ਤੇਂ ਮਾਸ-ਪੇਸੀਆਂ ਵਿੱਚ ਦਰਦ,ਚਮੜੀ ਤੇਂ ਦਾਣੇ, ਅੱਖਾਂ ਦੇ ਪਿਛਲੇ ਹਿੱਸੇ ਦਰਦ, ਮੂੰਹ,ਨੱਕ ਤੇਂ ਕੰਨ ਵਿੱਚੋ ਖੂਨ ਵਗਣਾ, ਬੁਖਾਰ ਉਤਰਨ ਤੇ ਕਮਜ਼ੋਰੀ ਮਹਿਸੂਸ ਹੋਣਾ ਆਦਿ ਅਜਿਹੇ ਲੱਛਣ ਦਿਖਾਈ ਦੇਣ ਤਾਂ ਤਰੁੰਤ ਨਜ਼ਦੀਕੀ ਸਿਹਤ ਸੈਂਟਰ ਵਿੱਚ ਜਾਣਾ ਚਾਹੀਦਾ ਹੈ ਡੇਂਗੂ ਬੁਖਾਰ ਦਾ ਟੈਸਟ ਤੇਂ ਇਲਾਜ਼ ਸਾਰੇ ਸਰਕਾਰੀ ਹਸਪਤਾਲ ਵਿੱਚ ਮੁਫ਼ਤ ਹੁੰਦਾ ਹੈ I ਇਸ ਮੌਕੇ ਬਿਕਰਮਜੀਤ ਸਿੰਘ ਹੈਲਥ ਇੰਸਪੈਕਟਰ, ਬਲਜੀਤ ਸਿੰਘ, ਹਰਪਾਲ ਸਿੰਘ, ਅਮਨਦੀਪ ਸਿੰਘ ਤੇਂ ਹੋਰ ਬਰੀਡਿੰਗ ਚੈਕਰ ਹਾਜ਼ਰ ਸਨ I