ਹਨੂੰਮਾਨ ਜੀ ਦੁਆਰਾ ਲੰਕਾ ਦਹਿਣ ਦੇ ਦਰਿਸ਼ ਦਾ ਮੰਚਨ - ਭਾਜਪਾ ਜ਼ਿਲ੍ਹਾ ਪ੍ਰਧਾਨ ਨੇ ਸ਼ਰਮਾ ਨੇ ਸ਼ਿਰਕਤ

ਗੁਰਦਾਸਪੁਰ, 5 ਅਕਤੂਬਰ (ਡਾ ਬਲਜੀਤ ਸਿੰਘ ਨੀਰਜ ਸ਼ਰਮਾ. ਜਸਬੀਰ ਸਿੰਘ) - ਸ਼੍ਰੀ ਮਹਾਵੀਰ ਰਾਮ ਲੀਲਾ ਨਾਟਕ ਕਲੱਬ ਗੁਰਦਾਸਪੁਰ ਵੱਲੋਂ ਪਾਣੀ ਵਾਲੀ ਟੈਂਕੀ ਦੇ ਨਜ਼ਦੀਕ ਕਰਵਾਈ ਗਈ ਰਾਮਲੀਲਾ ਵਿੱਚ ਅੱਜ ਦਾ ਉਦਘਾਟਨ ਭਾਜਪਾ ਜ਼ਿਲ੍ਹਾ ਪ੍ਰਧਾਨ ਪਰਮਿੰਦਰ ਸਿੰਘ ਗਿੱਲ ਕੀਤਾ, ਜਦ ਕਿ ਉਹਨਾਂ ਦੇ ਨਾਲ ਜਸਬੀਰ ਸਿੰਘ, ਦੇਸ ਰਾਜ ਭੱਟੀ,ਰਮਨ ਕਾਕਾ ਅਤੇ ਸ਼ਾਮ ਲਾਲ ਆਦਿ ਵੀ ਹਾਜਰ ਹੋਏ। ਕਲੱਬ ਦੇ ਪ੍ਰਧਾਨ ਵਿਜੈ ਸ਼ਰਮਾ ਅਤੇ ਜੁਗਿੰਦਰਪਾਲ ਵੱਲੋਂ ਮੁੱਖ ਮਹਿਮਾਨਾਂ ਦਾ ਸਿਰੋਪੇ ਪਾ ਕੇ ਸਵਾਗਤ ਕਰਦਿਆਂ ਯਾਦਗਾਰੀ ਚਿੰਨ੍ਹ ਭੇਟ ਕੀਤਾ ਗਿਆ | ਅੱਜ ਦੇ ਸੀਨ ਵਿੱਚ ਅਸ਼ੋਕ ਵਾਟਿਕਾ ਨੂੰ ਨਸ਼ਟ ਕਰਨ ਅਤੇ ਅਕਸ਼ੈ ਕੁਮਾਰ ਨੂੰ ਮਾਰਨ ਤੋਂ ਬਾਅਦ ਰਾਵਣ ਦੇ ਸਿਪਾਹੀ ਹਨੂੰਮਾਨ ਜੀ ਨੂੰ ਰਾਵਣ ਦੇ ਸਾਹਮਣੇ ਪੇਸ਼ ਕਰਦੇ ਹਨ ਅਤੇ ਰਾਵਣ ਹਨੂੰਮਾਨ ਨੂੰ ਮਾਰਨ ਦੀ ਕੋਸ਼ਿਸ਼ ਕਰਦਾ ਹੈ ਪਰ ਵਿਭੀਸ਼ਨ ਜੀ ਉਸਨੂੰ ਕਹਿੰਦੇ ਹਨ ਕਿ ਦੂਤ ਨੂੰ ਮਾਰਨਾ ਨਿਯਮਾਂ ਦੇ ਵਿਰੁੱਧ ਹੋਵੇਗਾ।ਇਸ ਤੋਂ ਬਾਅਦ ਰਾਵਣ ਦੇ ਸਿਪਾਹੀ ਹਨੂੰਮਾਨ ਦੀ ਪੂੰਛ ਨੂੰ ਅੱਗ ਲਗਾ ਦਿੰਦੇ ਹਨ ਅਤੇ ਹਨੂੰਮਾਨ ਜੀ ਇਸ ਅੱਗ ਨਾਲ ਸਾਰੀ ਲੰਕਾ ਨੂੰ ਸਾੜਦੇ ਦਿੰਦੇ ਹਨ।ਹਨੂੰਮਾਨ ਜੀ ਦੇ ਲੰਕਾ ਨੂੰ ਸਾੜਣ ਅਤੇ ਕਿਰਦਾਰ ਨੂੰ ਨਿਭਾਉਣ ਵਾਲੇ ਨੌਜਵਾਨ ਦੀ ਅਦਾਕਾਰੀ ਦੀ ਭਾਜਪਾ ਜ਼ਿਲਾ ਪ੍ਰਧਾਨ ਪਰਮਿੰਦਰ ਸਿੰਘ ਗਿੱਲ ਨੇ ਸ਼ਲਾਘਾ ਕੀਤੀ। ਪਰਮਿੰਦਰ ਸਿੰਘ ਗਿੱਲ ਨੇ ਇਸ ਮੌਕੇ ਕਿਹਾ ਕਿ ਹੰਕਾਰ ਹਮੇਸ਼ਾਂ ਮਨੁੱਖ ਨੂੰ ਤਬਾਹੀ ਵੱਲ ਲੈ ਜਾਂਦਾ ਹੈ। ਪ੍ਰਭੂ ਸ਼੍ਰੀ ਰਾਮ ਚੰਦਰ ਨੇ ਰਾਵਣ ਦਾ ਹੰਕਾਰ ਖਤਮ ਕਰਨ ਦੇ ਨਾਲ-ਨਾਲ ਪੂਰੀ ਮਾਨਵ ਜਾਤੀ ਨੂੰ ਇਹ ਸੁਨੇਹਾ ਦਿੱਤਾ ਕਿ ਪਰਮਾਤਮਾ ਦਾ ਹਮੇਸ਼ਾ ਸਿਮਰਨ ਕਰਨਾ ਚਾਹੀਦਾ ਹੈ ਅਤੇ ਸਹੀ ਗਲਤ ਦੀ ਪਹਿਚਾਣ ਅਤੇ ਦਿਮਾਗ਼ ਅਤੇ ਦਿਲ ਨਾਲ ਕਰਨੀ ਚਾਹੀਦੀ ਹੈ। ਭਗਵਾਨ ਲੋਕਾਂ ਨੂੰ ਜ਼ਿੰਦਗੀ ਜਿਉਣ ਦੀ ਕਲਾ ਸਿਖਾਉਣ ਲਈ ਹੀ ਅਵਤਾਰ ਲੈਂਦੇ ਹਨ ਅਤੇ ਲੀਲਾਵਾਂ ਰਚਦੇ ਹਨ।ਇਨ੍ਹਾਂ ਲੀਲਾਵਾਂ ਨੂੰ ਮੰਚਨ ਰਾਹੀਂ ਦੋਹਰਾਉਣ ਦਾ ਇਹੋ ਮਕਸਦ ਹੁੰਦਾ ਹੈ ਕਿ ਮਨੁੱਖ ਇਨ੍ਹਾਂ ਲੀਲਾਵਾਂ ਦੇ ਪਿੱਛੇ ਦੇ ਸੰਦੇਸ਼ ਨੂੰ ਗ੍ਰਹਿਣ ਕਰ ਸਕੇ। ਇਸ ਲਈ ਸਾਨੂੰ ਸਾਰਿਆਂ ਨੂੰ ਸਿਰਫ ਰਾਮਲੀਲਾ ਦੇਖਣ ਨਾਲ ਹੀ ਮਤਲਬ ਨਹੀਂ ਰੱਖਣਾ ਚਾਹੀਦਾ ਸਗੋਂ ‌ ਪ੍ਰਭੂ ਸ਼੍ਰੀ ਰਾਮ ਦੀ ਜੀਵਨ ਲੀਲਾ ਤੋਂ ਸਿੱਖਣਾ ਚਾਹੀਦਾ ਹੈ।