ਵਾਤਾਵਰਣ ਨੂੰ ਸ਼ੁੱਧ ਰੱਖਣ ਲਈ ਵੱਧ ਤੋਂ ਵੱਧ ਪੌਦੇ ਲਗਾ ਕੇ ਉਨ੍ਹਾਂ ਦੀ ਸੰਭਾਲ ਕੀਤੀ ਜਾਵੇ

ਹਰਿਆਵਲ ਲਹਿਰ ਤਹਿਤ ਪਾਰਕ ਰਾਧਾ ਕ੍ਰਿਸ਼ਨ ਕਲੌਨੀ ਵਿਖੇ ਫਲਦਾਰ ਤੇ ਸਜਾਵਟੀ ਬੂਟੇ ਲਗਾਏ ਬਟਾਲਾ, 1 ਅਕਤੂਬਰ (ਨੀਰਜ ਸ਼ਰਮਾ ਜਸਬੀਰ ਸਿੰਘ ਜਰਨੈਲ ਸਿੰਘ) ਪੰਜਾਬ ਸਰਕਾਰ ਵਲੋਂ ਵਾਤਾਵਰਣ ਨੂੰ ਹਰਿਆ-ਭਰਿਆ ਬਣਾਉਣ ਲਈ ਹਰਿਆਵਲ ਲਹਿਰ ਤਹਿਤ ਅੱਜ ਪਾਰਕ ਰਾਧਾ ਕ੍ਰਿਸ਼ਨ ਕਲੌਨੀ ਵਿਖੇ ਫਲਦਾਰ ਤੇ ਸਜਾਵਟੀ ਬੂਟੇ ਲਗਾਏ ਗਏ । ਜਿਸ ਵਿਚ ਅਮਲਤਾਸ, ਗੁਲਮੋਹਰ ਦੇ ਨਾਲ ਹਵਾ ਨੂੰ ਸ਼ੁੱਧ ਕਰਨ ਵਾਲੇ ਬੂਟੇ ਸ਼ਾਮਲ ਹਨ। ਇਸ ਮੋਕੇ ਅੰਮ੍ਰਿਤ ਕਲਸੀ (ਭਰਾ ਵਿਧਾਇਕ ਸ਼ੈਰੀ ਕਲਸੀ) ਕਿਹਾ ਕਿ ਇਹ ਬੂਟੇ ਸਵ: ਗਿੰਨੀ ਸੋਢੀ, ਸਵ: ਉਪਦੇਸ਼ ਕੁਮਾਰ ਤੇ ਸਵ: ਗੁਰਲੀਨ ਕਲਸੀ ਦੀ ਯਾਦ ਵਿਚ ਲਗਾਏ ਗਏ ਹਨ । ਉਨ੍ਹਾਂ ਅੱਗੇ ਕਿਹਾ ਕਿ ਇਸ ਨਾਲ ਪਾਰਕ ਦਾ ਹੋਰ ਸੁੰਦਰੀ ਕਰਨ ਹੋਵੇਗਾ ਤੇ ਸਮੇਂ ਸਮੇਂ ਹੋਰ ਸੁੰਦਰੀਕਰਨ ਕੀਤਾ ਜਾਵੇਗਾ। ਬੂਟਿਆਂ ਦੀ ਸਾਂਭ ਸੰਭਾਲ ਲਈ ਇਹਨਾਂ ਦੁਆਲੇ ਜੰਗਲੇ ਵੀ ਲਗਾਏ ਗਏ । ਉਨ੍ਹਾਂ ਲੋਕਾਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਵਾਤਾਵਰਣ ਨੂੰ ਸਾਫ ਸੁਥਰਾ ਰੱਖਣ ਲਈ ਵੱਧ ਤੋਂ ਵੱਧ ਪੌਦੇ ਲਗਾਏ ਜਾਣ ਅਤੇ ਬਾਅਦ ਵਿੱਚ ਉਨ੍ਹਾਂ ਦੀ ਸੰਭਾਲ ਵੀ ਕੀਤੀ ਜਾਵੇ। ਇਸ ਮੌਕੇ ਦੀਪਕ ਸੋਢੀ (ਜੋਤੀ),ਗਗਨਦੀਪ ਸੋਢੀ (ਗੁੱਗੂ) ਸੁਖਪ੍ਰੀਤ ਬਾਵਾ, ਇਕਬਾਲ ਸਿੰਘ ਕੈਂਥ, ਪਿਰੰਸ ਸੋਢੀ, ਅਨਿਲ ਕੁਮਾਰ, ਲਖਵਿੰਦਰ ਸਿੰਘ ਮੇਰਟ, ਹਰਮਨਪ੍ਰੀਤ ਸਿੰਘ, ਸੁਖਵਿੰਦਰ ਸਿੰਘ, ਹਰਬਖਸ਼ ਸਿੰਘ ਕਲਸੀ ਮੋਜੂਦ ਸਨ । ਇਹ ਸਾਰੇ ਬੂਟੇ ਲਗਾਉਣ ‘ਚ ਡੀ.ਐਫ.ਓ. ਅੰਜਨ ਸਿੰਘ, ਰੇਂਜ ਅਫ਼ਸਰ ਕਾਦੀਆਂ ਬਲਰਾਜ ਸਿੰਘ ਬਾਠ, ਸਿਮਰਨਜੀਤ ਸਿੰਘ ਬਲਾਕ ਅਫ਼ਸਰ ਵਲੋ ਪੂਰਾ ਸਹਿਯੋਗ ਕੀਤਾ ਗਿਆ ।