ਵਰਲ਼ਡ ਸੀਨੀਅਰ ਸਿਟੀਜਨ ਡੇਅ ਮਨਾਇਆ

ਬਟਾਲਾ, 22 ਅਗਸਤ ( ਨੀਰਜ ਸ਼ਰਮਾ, ਜਸਬੀਰ ਸਿੰਘ, ਬਲਜੀਤ ਸਿੰਘ) – ਮਾਨਯੋਗ ਮੈਂਬਰ ਸਕੱਤਰ ਪੰਜਾਬ ਕਾਨੂੰਨੀ ਸੇਵਾਵਾਂ ਅਥਾਰਟੀ, ਐਸ.ਏ.ਐਸ. ਨਗਰ ਦੀਆਂ ਹਦਾਇਤਾਂ ਅਤੇ ਸ਼੍ਰੀ ਰਜਿੰਦਰ ਅਗਰਵਾਲ, ਜ਼ਿਲ੍ਹਾ ਅਤੇ ਸੈਸਨ ਜੱਜ- ਕਮ-ਚੈਅਰਪਰਸਨ, ਜ਼ਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ ਗੁਰਦਾਸਪੁਰ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਮੈਡਮ ਨਵਦੀਪ ਕੌਰ ਗਿੱਲ, ਸਕੱਤਰ ਪੰਜਾਬ ਕਾਨੂੰਨੀ ਸੇਵਾਵਾਂ ਅਥਾਰਟੀ, ਗੁਰਦਾਸਪੁਰ ਦੁਆਰਾ ਵਰਲ਼ਡ ਸੀਨੀਅਰ ਸਿਟੀਜਨ ਡੇਅ ਮੌਕੇ ਉਪਰ ਬਿਰਧ ਆਸ਼ਰਮ ਗੁਰਦਾਸਪੁਰ ਦਾ ਦੌਰਾ ਕੀਤਾ ਗਿਆ। ਇਸ ਦੌਰੇ ਦੌਰਾਨ ਉਨ੍ਹਾ ਨਾਲ ਪ੍ਰਭਦੀਪ ਸਿੰਘ ਸੰਧੂ, ਪੈਨਲ ਐਡਵੋਕੇਟ ਵੀ ਮੋਜੂਦ ਸਨ। ਮੈਡਮ ਨਵਦੀਪ ਕੌਰ ਗਿੱਲ ਦੁਆਰਾ ਬਜੁਰਗਾਂ ਨੂੰ ਮਿਲਿਆ ਗਿਆ, ਅਤੇ ਉਨ੍ਹਾ ਨੂੰ ਵਰਲ਼ਡ ਸੀਨੀਅਰ ਸਿਟੀਜਨ ਡੇਅ ਦੇ ਮੌਕੇ ਉਪਰ ਨਾਲਸਾ ਸਕੀਮ( ਨਾਲਸਾ ਲੀਗਲ ਸਰਵਿਸਿਜ ਸੀਨੀਅਰ ਸਿਟੀਜਨ ਸਕੀਮ 2016) ਬਾਰੇ ਜਾਣਕਾਰੀ ਦਿੱਤੀ ਗਈ। ਮੈਡਮ ਨਵੰਦੀਪ ਕੌਰ ਗਿੱਲ ਕਿਹਾ ਕਿ ਜ਼ਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ ਗੁਰਦਾਸਪੁਰ ਵੱਲੋਂ ਬੁਜਰਗਾਂ ਨੂੰ ਆਪਸ ਵਿੱਚ ਮਿਲਜੁੱਲ ਕੇ ਪਿਆਰ ਨਾਲ ਰਹਿਣ ਅਤੇ ਆਪਣੀ ਸਿਹਤ ਦਾ ਖਿਆਲ ਰੱਖਣ ਲਈ ਕਿਹਾ। ਇਸ ਮੌਕੇ ਬਿਰਧ ਆਸ਼ਰਮ ਵਿਖੇ 27 ਬੁਜਰਗ ਅਤੇ ਬਿਰਧ ਆਸ਼ਰਮ ਦਾ ਸਟਾਫ ਵੀ ਮੌਜੂਦ ਸੀ। ਇਸ ਤੋਂ ਇਲਾਵਾ ਸਬ-ਡਵੀਜਨ ਬਟਾਲਾ ਵਿਖੇ ਮੈਡਮ ਬਿੰਦੂ, ਪੈਨਲ ਐਡਵੋਕੇਟ ਦੁਆਰਾ ਬਿਰਧ ਆਸ਼ਰਮ ਬਟਾਲਾ ਦਾ ਦੌਰਾ ਕੀਤਾ ਗਿਆ। ਬਿਰਧ ਆਸ਼ਰਮ , ਬਟਾਲਾ ਵਿਖੇ 7 ਬਜੁਰਗ ਮੌਜੂਦ ਸਨ। ਉਨ੍ਹਾਂ ਨੂੰ ਵੀ ਉਨ੍ਹਾ ਨੂੰ ਵਰਲ਼ਡ ਸੀਨੀਅਰ ਸਿਟੀਜਨ ਡੇਅ ਦੇ ਮੌਕੇ ਉਪਰ ਨਾਲਸਾ ਲੀਗਲ ਸਰਵਿਸਿਜ ਸੀਨੀਅਰ ਸਿਟੀਜਨ ਸਕੀਮ ਬਾਰੇ ਜਾਣਕਾਰੀ ਦਿੱਤੀ ਗਈ।