ਬਟਾਲਾ ਪੁਲਿਸ ਵਲੋਂ ਨਜਾਇਜ਼ ਅਸਲੇ ਸਮੇਤ ਦੋ ਗ੍ਰਿਫਤਾਰ

ਬਟਾਲਾ 30 ਜੁਲਾਈ (ਬਲਜੀਤ ਸਿੰਘ. ਨੀਰਜ ਸ਼ਰਮਾ .ਬਲਵੰਤ ਭਗਤ ) ਬਟਾਲਾ ਪੁਲਿਸ ਨੇ ਦੋ ਅਪਰਾਧੀਆਂ ਨੂੰ ਫਡ਼ਨ ਵਿਚ ਸਫਲਤਾ ਹਾਸਿਲ ਕੀਤੀ ਹੈ। ਸਤਿੰਦਰ ਸਿੰਘ ਆਈ.ਪੀ.ਐਸ. ਐਸ.ਐਸ.ਪੀ. ਬਟਾਲਾ ਦੀਆਂ ਹਦਾਇਤਾਂ ਅਨੁਸਾਰ ਜਸਵੀਰ ਸਿੰਘ ਪੀ.ਪੀ.ਐਸ. ਡੀ.ਐਸ.ਪੀ. ਡੀ ਬਟਾਲਾ ਦੀ ਨਿਗਰਾਨੀ ਹੇਠ, ਐਸ.ਆਈ. ਦਲਜੀਤ ਸਿੰਘ ਇੰਚਾਰਜ ਨਾਰਕੋਟਿਕਸ ਸੈਲ ਬਟਾਲਾ ਸਮੇਤ ਪੁਲਿਸ ਪਾਰਟੀ ਸਪੈਸਲ ਨਾਕਾ ਬੰਦੀ ਚੈਕਿੰਗ ਦੌਰਾਨ ਬੰਦੇ ਦੀ ਖੂਹੀ ਮੌਜੂਦ ਸੀ, ਉਹਣਾ ਨੂੰ ਮੁਖਬਰ ਖਾਸ ਨੇ ਇੰਚਾਰਜ ਨਾਰਕੋਟਿਕਸ ਸੈਲ ਬਟਾਲਾ ਨੂੰ ਇਤਲਾਹ ਦਿੱਤੀ, ਕਿ ਦਿਲਪ੍ਰੀਤ ਸਿੰਘ ਪੁੱਤਰ ਸੁਰਿੰਦਰ ਸਿੰਘ ਵਾਸੀ ਅੱਜ ਨੰਗਲ ਥਾਣਾ ਰੰਗੜ ਨੰਗਲ ਅਤੇ ਕੁਲਤਾਰ ਸਿੰਘ ਪੁੱਤਰ ਬਲਜੀਤ ਸਿੰਘ ਵਾਸੀ ਥਾਣਾ ਰੰਗੜ ਨੰਗਲ ਜਿੰਨਾ ਪਾਸ ਨਜਾਇਜ਼ ਅਸਲਾ ਹੈ, ਜੋ ਕਿਸੇ ਵਾਰਦਾਤ ਨੂੰ ਅੰਜਾਮ ਦੇਣ ਲਈ ਆਪਣੀ ਬਰੇਜਾ ਕਾਰ ਨੰਬਰੀ ਪੀਬੀ18-ਵੀ_4800 ਰੰਗ ਚਿੱਟਾ ਤੇ ਸਵਾਰ ਹੋ ਕੇ ਜੈਤੋ ਸਰਜਾ ਤੋਂ ਬੌਦੇ ਦੀ ਖੂਹੀ ਬਟਾਲਾ ਨੂੰ ਆ ਰਹੇ ਹਨ।ਜਿਸ ਤੇ ਨਾਕਾ ਕਰਮਚਾਰੀਆਂ ਨੂੰ ਬਰੀਫ ਕਰਕੇ ਚੈਕਿੰਗ ਸ਼ੁਰੂ ਕੀਤੀ ਗਈ ਤਾਂ ਇੱਕ ਬਰੇਜਾ ਕਾਰ ਨੰਬਰੀ ਪੀਬੀ-18-ਵੀ-4800 ਜੈਤੋ ਸਰਜਾ ਸਾਇਡ ਤੋਂ ਬਟਾਲਾ ਨੂੰ ਆ ਰਹੀ ਸੀ, ਜਿਸ ਨੂੰ ਐਸ.ਆਈ. ਨੇ ਇਸਾਰੇ ਨਾਲ ਰੋਕਿਆ ਤਾਂ ਡਰਾਇਵਰ ਨੂੰ ਭਜਾਉਣ ਦੀ ਨੀਅਤ ਨਾਲ ਗੱਡੀ ਬੈਰੀਗੇਟ ਵਿੱਚ ਮਾਰੀ ਅਤੇ ਨਾਲ ਬੈਠਾ ਵਿਅਕਤੀ ਗੱਡੀ ਦੀ ਬਾਰੀ ਖੋਲ ਕੇ ਭੱਜਣ ਲਗਾ, ਜਿਸ ਨੂੰ ਪੁਲਿਸ ਕਰਮਚਾਰੀਆਂ ਨੇ ਰੋਕਿਆ ਤੇ ਉਹ ਵਿਅਕਤੀ ਜਿਸ ਨੇ ਪੁਲਿਸ ਨਾਲ ਮੁਜਾਮਤ ਕੀਤੀ ਤੇ ਪੁਲਿਸ ਦੀ ਡਿਊਟੀ ਵਿਚ ਵਿਘਨ ਪਾਈਆ ਅਤੇ ਭੱਜਣ ਦੀ ਕੋਸ਼ਿਸ਼ ਕਰਨ ਲੱਗੇ ਨੂੰ ਪੁਲਿਸ ਪਾਰਟੀ ਨੇ ਕਾਬੂ ਕਰ ਲਿਆ। ਜਿਹਨਾਂ ਦੇ ਕੋਲੋ ਤਲਾਸ਼ੀ ਦੌਰਾਨ ਦਿਲਪ੍ਰੀਤ ਸਿੰਘ ਪੁੱਤਰ ਸੁਰਿੰਦਰ ਸਿੰਘ ਅਮੋ ਨੰਗਲ ਪਾਸੋਂ ਇਕ 32 ਬੋਰ ਦਾ ਪਿਸਟਲ, ਇਕ ਮੈਗਜ਼ੀਨ, 5 ਜਿੰਦਾ ਰੌਂਦ ਅੱਤੇ ਇਕ 45 ਬੋਰ ਦਾ ਬ੍ਰਾਜ਼ੀਲ ਪਿਸਟਲ, ਇਕ ਮੈਗਜੀਨ ਅਤੇ ਤਿੰਨ ਜਿੰਦਾ ਰੌਂਦ ਬਰਾਮਦ ਕੀਤੇ ਗਏ ਹਨ ਅੱਤੇ ਕੁਲਤਾਰ ਸਿੰਘ ਪੁੱਤਰ ਬਲਜੀਤ ਸਿੰਘ ਵਾਸੀ ਨੱਤ ਕੋਲੋ ਇਕ ਰਿਵਾਲਵਰ 32 ਬੋਰ, 5 ਜਿੰਦਾਂ ਰੌਂਦ ਬਰਾਮਦ ਕਿਤੇ ਗਏ ਹਨ ਇਹਨਾ ਊਪਰ ਵੱਖ ਵੱਖ ਧਰਾਂਵਾ ਤਹਿਤ ਮਾਮਲਾ ਦਰਜ ਕਰ ਅਗਲੀ ਬਣਦੀ ਕਾਰਵਾਈ ਕੀਤੀ ਜਾ ਰਹੀ ਹੈ।