ਭੇਦਭਰੀ ਹਾਲਤ ਵਿੱਚ ਫੋਟੋ ਗ੍ਰਾਫਰ ਲਾਪਤਾ

ਬਟਾਲਾ,30 ਅਪ੍ਰੈਲ (ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ, ਨੀਰਜ ਸ਼ਰਮਾ) - ਬੀਤੇੇ ਦਿਨੀਂ ਇਕ ਫੋਟੋ ਗ੍ਰਾਫਰ ਦੇ ਭੇਦਭਰੀ ਹਾਲਤ ਵਿੱਚ ਲਾਪਤਾ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਫੋਟੋ ਗ੍ਰਾਫਰ ਰਮਨ ਕੁਮਾਰ ਪੁੱਤਰ ਪਿਆਰਾ ਲਾਲ ਵਾਸੀ ਕਾਜ਼ੀ ਮੋਰੀ ਬਟਾਲਾ ਦੀ ਲੜਕੀ ਪੱਲਵੀ ਨੇ ਦੱਸਿਆ ਕਿ ਉਸ ਦੇ ਪਿਤਾ ਰਮਨ ਕੁਮਾਰ ਫੋਟੋ ਗ੍ਰਾਫਰ ਦੇ ਨਾਲ ਨਾਲ ਫੋਟੋ ਗ੍ਰਾਫਰ ਦੀਆਂ ਦੁਕਾਨਾਂ ਤੇ ਫੋਟੋਆਂ ਦਾ ਸਮਾਨ ਵੀ ਸਪਲਾਈ ਕਰਦੇ ਹਨ ਅਤੇ ਉਹ ਮਿਤੀ 27 ਅਪ੍ਰੈਲ ਨੂੰ ਸਵੇਰੇ 9:30 ਦੇ ਕਰੀਬ ਆਪਣੇ ਘਰੋਂ ਆਪਣੀ ਜਲੰਧਰ ਰੋਡ ਤੇ ਸਥਿਤ ਦੁਕਾਨ ਤੇ ਕੰਮ ਤੇ ਗਏ ਸਨ ਅਤੇ ਜਦੋ ਉਹ ਰੋਜ਼ਾਨਾ ਦੀ ਸ਼ਾਮ ਨੂੰ ਘਰ ਵਾਪਸ ਨਹੀਂ ਆਏ ਤਾਂ ਉਨ੍ਹਾਂ ਦੇ ਮੋਬਾਈਲ ਫੋਨ ਤੇ ਸੰਪਰਕ ਕੀਤਾ ਗਿਆ ਤਾਂ ਉਨ੍ਹਾਂ ਦਾ ਮੋਬਾਈਲ ਫੋਨ ਬੰਦ ਆ ਰਿਹਾ ਸੀ ਜਿਸ ਤੋ ਬਾਅਦ ਉਨ੍ਹਾਂ ਆਪਣੇ ਰਿਸ਼ਤੇਦਾਰਾਂ ਨੂੰ ਵੀ ਇਸ ਦੀ ਜਾਣਕਾਰੀ ਦਿੱਤੀ ਪਰੰਤੂ ਉਹ ਅਜੇ ਤੱਕ ਵਾਪਸ ਘਰ ਨਹੀਂ ਆਏ ਅਤੇ ਨਾ ਹੀ ਉਨ੍ਹਾਂ ਬਾਰੇ ਕੋਈ ਜਾਣਕਾਰੀ ਮਿਲੀ।ਫੋਟੋ ਗ੍ਰਾਫਰ ਰਮਨ ਕੁਮਾਰ ਦੇ ਪਰਿਵਾਰ ਵਾਲਿਆਂ ਵੱਲੋਂ ਥਾਣਾ ਸਿਟੀ ਪੁਲਿਸ ਨੂੰ ਰਮਨ ਕੁਮਾਰ ਦੇ ਲਾਪਤਾ ਹੋਣ ਦੀ ਰਿਪੋਰਟ ਲਿਖਵਾ ਦਿੱਤੀ ਗਈ ਹੈ ਫੋਟੋ ਗ੍ਰਾਫਰ ਰਮਨ ਕੁਮਾਰ ਦੀ ਲੜਕੀ ਪੱਲਵੀ ਤੇ ਪਰਿਵਾਰਕ ਮੈਂਬਰਾਂ ਨੇ ਐੱਸ, ਐੱਸ ਪੀ ਬਟਾਲਾ ਤੋ ਮੰਗ ਕੀਤੀ ਹੈ ਉਸ ਦੇ ਪਿਤਾ ਦੀ ਜਲਦੀ ਭਾਲ ਕੀਤੀ ਜਾਵੇ। ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।