ਆਪ ਦੇ ਸੀਨੀਅਰ ਆਗੂ ਸਿੱਧੂ ਵਲੋਂ ਹਲਕਾ ਮਜੀਠਾ ਦੀਆਂ ਵੱਖ ਵੱਖ ਮੰਡੀਆਂ ਦਾ ਦੌਰਾ।

ਅੰਮ੍ਰਿਤਸਰ ( ,18 ਅਪ੍ਰੈਲ) ਹਰਵਿੰਦਰ ਵਿੱਕੀ, ਜਗਜੀਤ ਸਿੰਘ ਪੱਡਾ) ਆਮ ਆਦਮੀ ਪਾਰਟੀ ਦੇ ਹਲਕਾ ਮਜੀਠਾ ਦੇ ਇੰਚਾਰਜ ਅਤੇ ‌ਜੁਆਇੰਟ ਸੈਕਟਰੀ ਪੰਜਾਬ ਗੁਰਭੇਜ ਸਿੰਘ ਸਿੱਧੂ ਜੀ ਨੇ ਅੱਜ ਹਲਕਾ ਮਜੀਠਾ ਦੀਆ ਵੱਖ ਵੱਖ ਮੰਡੀਆਂ ਦਾ ਦੌਰਾ ਕੀਤਾ। ਅੱਜ

ਸਵੇਰੇ ਸਭ ਤੋਂ ਪਹਿਲਾਂ ਸਿੱਧੂ ਵਲੋਂ ਦਾਣਾ ਮੰਡੀ ਮਜੀਠਾ ਦਾ ਦੌਰਾ ਕੀਤਾ ਗਿਆ ਤੇ ਉਥੇ ਆਪਣੀ ਜਿਨਸ ਵੇਚਣ ਲਈ ਆਏ ਹੋਏ ਕਿਸਾਨਾਂ ਤੋਂ ਇਲਾਵਾ ਮਜ਼ਦੂਰਾਂ‌ ਨਾਲ ਮੁਲਾਕਾਤ ਕੀਤੀ ਅਤੇ ਉਨ੍ਹਾਂ ਦੀਆਂ ਮੁਸ਼ਕਲਾਂ ਸੁਣੀਆਂ।ਇਸ ਮੌਕੇ ਤੇ ਮੰਡੀ ਦੇ ਅਫ਼ਸਰਾਂ ਨਾਲ ਵੀ ਓਹਨਾ ਖ਼ਰੀਦ ਪ੍ਰਬੰਧਾਂ ਸੰਬੰਧੀ ਵਿਚਾਰ ਵਟਾਂਦਰਾ ਕੀਤਾ। ਇਸ ਤੋਂ ਬਾਅਦ ਗੁਰਭੇਜ ਸਿੰਘ ਸਿੱਧੂ ਆਪਣੇ ਸਾਥੀਆਂ ਸਮੇਤ ਪਾਖਰਪੁਰਾ ਦਾਣਾ ਮੰਡੀ ਅਤੇ ਪਿੰਡ ਢੱਡੇ ਦਾਣਾ ਮੰਡੀ ਪਹੁੰਚੇ। ਇਸ ਮੌਕੇ ਤੇ ਓਹਨਾ ਨਾਲ ਰਾਜਬਲਵਿੰਦਰ ਸਿੰਘ ਮਜੀਠਾ, ਕੁਲਵਿੰਦਰ ਮਰੜੀ, ਬਲਰਾਜ ਸੰਧੂ ਪੀ ਏ, ਮਨਜੀਤ ਸਿੰਘ ਅਬਦਾਲ , ਕੁਲਵਿੰਦਰ ਸਿੰਘ ਉਦੋਕੇ, ਭੁਪਿੰਦਰ ਸਿੰਘ ਨਾਗ , ਧਰਮਿੰਦਰ ਕੁਮਾਰ, ਮੰਗਲ ਸਿੰਘ ਫੌਜੀ , ਗੁਰਪਾਲ ਸਿੰਘ ਕਾਦਰਾਬਾਦ ਆਦਿ ਵਰਕਰ ਹਾਜ਼ਰ ਸਨ। ਕੈਪਸਨ ਆਮ ਆਦਮੀ ਪਾਰਟੀ ਦੇ ਹਲਕਾ ਮਜੀਠਾ ਦੇ ਸੀਨੀਅਰ ਆਗੂ ਗੁਰਭੇਜ ਸਿੰਘ ਸਿੱਧੂ ਵੱਖ ਵੱਖ ਮੰਡੀਆਂ ਦਾ ਦੌਰਾ ਕਰਨ ਉਪਰੰਤ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ।