ਪੈਰਿਸ ਵਿਖੇ ਕੌਮਾਂਤਰੀ ਗਤਕਾ ਦਿਵਸ ਉਤਸ਼ਾਹ ਨਾਲ ਮਨਾਇਆਂ ਗਿਆ ।

ਬਟਾਲਾ ਪੈਰਿਸ , 24 ਜੂਨ(ਨੀਰਜ ਸ਼ਰਮਾ ਜਸਬੀਰ ਸਿੰਘ ਡਿੰਪਲ ਕੁਮਾਰ )ਮੀਰੀ ਪੀਰੀ ਦੇ ਮਾਲਕ ਧੰਨ ਧੰਨ ਗੁਰੂ ਹਰਿਗੋਬਿੰਦ ਸਾਹਿਬ ਨੇ ਆਪਣੇ ਸਿੱਖ ਨੂੰ ਸਰੀਰਕ ਤੌਰ ਤੇ ਬਲਵਾਨ ਰੱਖਣ ਲਈ ਤੇ ਆਪਣੀ ਸਵੈ ਰੱਖਿਆ ਲਈ ਗਤਕੇ ਦੀ ਅਰੰਭਤਾ ਕੀਤੀ । ਉਸ ਵਕਤ ਤੋਂ ਖਾਲਸਾ ਜਾਹੋ ਜਲਾਲ ਨਾਲ ਗਤਕਾ ਖੇਡਦਾ ਆ ਰਿਹਾ ਹੈ । ਭਾਰਤ ਵਿੱਚ ਯੋਗਾ ਦਿਵਸ ਮਨਾਉਣ ਦੇ ਸਮਰੂਪ ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ੍ਰੋਮਣੀ ਅਕਾਲੀ ਦਲ ਅੰਮਿ੍ਰਤਸਰ ਨੇ ਸਿੱਖਾਂ ਨੂੰ

ਇਸ ਦਿਵਸ ਤੇ ਕੌਮਾਂਤਰੀ ਗਤਕਾ ਦਿਵਸ ਵੱਲੋਂ ਮਨਾਉਣ ਦੀ ਪ੍ਰੇਰਨਾ ਕੀਤੀ ਸੀ । ਸ੍ਰੋਮਣੀ ਅਕਾਲੀ ਦਲ ਅਮ੍ਰਿਤਸਰ ਮਾਨ ਫਰਾਂਸ ਅਤੇ ਮੀਰੀ ਪੀਰੀ ਗਤਕਾ ਅਖਾੜਾ ਵੱਲੋਂ ਕੋਮਾਤਰੀ ਗਤਕਾ ਦਿਵਸ ਬਹੁਤ ਜਾਹੋ ਜਲਾਲ ਨਾਲ ਫਰਾਂਸ ਵਿੱਚ ਪੈਰਿਸ ਦੀ ਧਰਤੀ ਤੇ ਮਨਾਇਆਂ ਗਿਆ । ਜਿਸ ਵਿੱਚ ਵੱਖ ਵੱਖ ਉਮਰ ਦੇ ਬੱਚਿਆ ਵੱਲੋਂ ਭਾਗ ਲਿਆ ਗਿਆ । ਇਸ ਮੌਕੇ ਤੇ ਭਾਈ ਚੈਨ ਸਿੰਘ ਅਤੇ ਪਰਮਜੀਤ ਸਿੰਘ ਸੋਹਲ ਨੇ ਕਿਹਾ ਕਿ ਗਤਕੇ ਦੀ ਖੇਡ ਨਾਲ ਆਤਮ ਵਿਸ਼ਵਾਸ਼ ਦੀ ਭਾਵਨਾ ਪ੍ਰਗਟ ਹੁੰਦੀ ਹੈ ਅਤੇ ਸਵੈ ਰੱਖਿਆ ਕਰਨ ਦੇ ਨਾਲ ਮੁਸੀਬਤ ਮੌਕੇ ਕਿਸੇ ਹੋਰ ਦੀ ਵੀ ਸਹਾਇਤਾ ਕਰਨ ਦੀ ਪ੍ਰੇਰਨਾ ਮਿਲਦੀ ਹੈ ।