ਵੈਟਰਨਰੀ ਫਾਰਮਾਸਿਸਟ ਰੈਗੂਲਰ ਪਾਲਿਸੀ ਤੋ ਬਿਨਾ ਨਹੀ ਤੋੜਨਗੇ ਬਾਈਕਾਟ

ਅੰਮ੍ਰਿਤਸਰ ,28 ਮਈ ( ਵਿੱਕੀ / ਪੱਡਾ)ਵੈਟਰਨਰੀ ਫਾਰਮਾਸਿਸਟ ਯੂਨੀਅਨ ਅੰਮ੍ਰਿਤਸਰ ਦੀ ਇਕ ਹੰਗਾਮੀ ਮੀਟਿੰਗ ਪ੍ਰਧਾਨ ਹਰਪ੍ਰੀਤ ਸਿੰਘ ਚੌਹਾਨ ਦੀ ਪ੍ਰਧਾਨਗੀ ਹੇਠ ਹੋਈ | ਮੀਟਿੰਗ ਦੌਰਾਨ ਵੈਟਰਨਰੀ ਫਾਰਮਾਸਿਸਟ ਦੇ ਇਕੱਠ ਨੂੰ ਸੰਬੋਧਨ ਕਰਦਿਆਂ ਪ੍ਰਧਾਨ ਹਰਪ੍ਰੀਤ ਸਿੰਘ ਚੋਹਾਨ ਨੇ ਕਿਹਾ ਕਿ ਸਰਕਾਰਾ ਸਾਡੇ ਨਾਲ 15 ਸਾਲਾਂ ਤੋਂ ਧੱਕਾ ਕਰਦੀਆਂ ਆ ਰਹੀਆਂ ਹਨ| ਅਸੀ ਪਿਛਲੇ 15 ਸਾਲ ਤੋ ਪਸ਼ੂਆਂ ਨੂੰ ਵੈਕਸੀਨਾਂ ਲਗਾਉਣ ਦੇ ਨਾਲ ਨਾਲ ਵਿਭਾਗ ਸੌਪੀ ਗਈ ਹਰ ਡਿਊਟੀ ਨੂੰ ਤਨਦੇਹੀ ਨਾਲ ਨਿਭਾਅ ਰਹੇ ਹਾਂ| ਪਰੰਤੂ ਅੱਜ ਤੱਕ ਸਰਕਾਰ ਵਲੋਂ ਓਹਨੂੰ ਨੂੰ ਰੈਗੂਲਰ ਨਹੀਂ

ਕੀਤਾ ਗਿਆ |ਓਹਨਾ ਅੱਗੇ ਕਿਹਾ ਕੇ ਯੂਨੀਅਨ ਵਲੋਂ ਵੈਕਸੀਨ ਦਾ ਲੰਮੇ ਸਮੇ ਤੋਂ ਬਾਈਕਾਟ ਕੀਤਾ ਜਾ ਰਿਹਾ ਹੈ ਇਸ ਦੌਰਾਨ ਜੇਕਰ ਕਿਸੇ ਜਾਨਵਰ ਦਾ ਕੋਈ ਨੁਕਸਾਨ ਹੁੰਦਾ ਹੈ ਤਾਂ ਇਸਦੀ ਜਿੰਮੇਵਾਰੀ ਪਸੂ ਪਾਲਣ ਵਿਭਾਗ ਤੇ ਪੰਜਾਬ ਸਰਕਾਰ ਦੀ ਹੋਵੇਗੀ |ਇਸ ਵਾਰ ਵੀ ਅਸੀ ਵੈੱਕਸੀਨ ਕਰਨ ਲਈ ਅਸਮਰੱਥ ਹਾ, ਜਦ ਤੱਕ ਸਾਡੀ ਕੀਤੀ 15 ਸਾਲ ਦੀ ਸੇਵਾ ਦਾ ਮੁੱਲ ਪੰਜਾਬ ਸਰਕਾਰ ਤੇ ਪਸੂ ਪਾਲਣ ਵਿਭਾਗ ਸਾਨੂੰ ਰੈਗੂਲਰ ਕਰਕੇ ਨਹੀਂ ਦਿੰਦਾ ਓਦੋਂ ਤਕ ਅਸੀਂ ਇਹ ਵੈਕਸੀਨ ਨਹੀਂ ਕਰਾਂਗੇ | ਇਹ ਬਾਈਕਾਟ ਓਦੋਂ ਤਕ ਨਿਰਵਿਘਨ ਜਾਰੀ ਰਹੇਗਾ ਜਦ ਤਕ ਸਾਡੀਆ ਸੇਵਾਵਾਂ ਰੈਗੂਲਰ ਨਹੀਂ ਹੁੰਦੀਆਂ |ਸਾਨੂੰ ਨੌਕਰੀ ਤੋਂ ਨਿਕਲਣਾ ਮਨਜੂਰ ਹੈ ਪਰ ਇਨੀ ਘੱਟ ਤਨਖਾਹ ਤੇ ਗੁਲਾਮੀ ਕਰਨੀ ਮਨਜੂਰ ਨਹੀਂ । ਇਸ ਮੌਕੇ ਤੇ ਪ੍ਰਧਾਨ ਹਰਪ੍ਰੀਤ ਸਿੰਘ ਅੰਮ੍ਰਿਤਸਰ ,ਤਲਵਿੰਦਰ ਸਿੰਘ ਔਲਖ ਕਵਲਦੀਪ ਸਿੰਘ ਕੰਗ ,ਗੁਰਵਰਿੰਦਰ ਸਿੰਘ ਰਿਆੜ , ਸਰਬਜੀਤ ਸਿੰਘ ਸਿਮਰਨਜੀਤ ਸਿੰਘ, ਰਣਜੀਤ ਸਿੰਘ ਹਰਪਾਲ ਸਿੰਘ, ਸਤਨਾਮ ਸਿੰਘ ਤਰਸਪਾਲ ਸਿੰਘ,ਗੁਰਜਿੰਦਰ ਸਿੰਘ ਗੁਰਸੇਵਕ ਸਿੰਘ ਆਦਿ ਹਾਜਰ ਸਨ | ਕੈਪਸ਼ਨ :- ਮੀਟਿੰਗ ਦੌਰਾਨ ਪ੍ਰਧਾਨ ਹਰਪ੍ਰੀਤ ਸਿੰਘ ਤੇ ਹੋਰ |