ਪੀ ਐਸ ਈ ਬੀ ਇੰਪਲਾਈਜ਼ ਜੁਆਇੰਟ ਫੋਰਮ ਵੱਲੋ ਪੰਜਾਬ ਸਰਕਾਰ ਵਿਰੁੱਧ ਰੋਸ ਧਰਨਾ

ਅੰਮ੍ਰਿਤਸਰ,6 ਅਪ੍ਰੈਲ (ਡਾ ਬਲਜੀਤ ਸਿੰਘ ,ਨੀਰਜ ਸ਼ਰਮਾ ,ਜਸਬੀਰ ਸਿੰਘ)- ਪੀ.ਐਸ.ਈ.ਬੀ ਇੰਪਲਾਈਜ ਜੁਆਇੰਟ ਫੋਰਮ ਪੰਜਾਬ ਦੇ ਉਲੀਕੇ ਪ੍ਰੋਗਰਾਮਾਂ ਤਹਿਤ ਪਾਵਰਕਾਮ ਦੇ ਬਾਰਡਰ ਜੋਨ ਅੰਮ੍ਰਿਤਸਰ ਵਿਖੇ ਵਿਸ਼ਾਲ ਰੋਸ ਧਰਨਾ ਸਾਥੀ ਜੈਮਲ ਸਿੰਘ ਟੈਕਨੀਕਲ ਸਰਵਿਸ ਯੂਨੀਅਨ ਪ੍ਰਧਾਨ ਬਾਰਡਰ ਜੋਨ ਅੰਮ੍ਰਿਤਸਰ ਅਤੇ ਸਾਥੀ ਉਕਾਂਰ ਸਿੰਘ ਇੰਪਲਾਈਜ ਫੈਡਰੇਸ਼ਨ ਪਹਿਲਵਾਨ ਗਰੁੱਪ ਸਕੱਤਰ ਬਾਰਡਰ ਜੋਨ ਅਮ੍ਰਿਤਸਰ ਦੀ ਪ੍ਰਧਾਨਗੀ ਹੇਠ ਦਿਤਾ । ਇਹ ਵਿਸ਼ਾਲ ਰੋਸ ਧਰਨਾਂ ਸਮੁੱਚੇ ਬਿਜਲੀ ਮੁਲਾਜਮਾਂ ਦੀਆ ਭਖਦੀਆ ਮੰਗਾਂ ਜੋ ਪਾਵਰਕਾਮ ਦੀ ਮੈਨਜਮੈਂਟ ਅਤੇ ਪੰਜਾਬ ਸਰਕਾਰ, ਜੁਆਇੰਟ ਫੋਰਮ ਪੰਜਾਬ ਨਾਲ ਬਾਰ-ਬਾਰ ਸਮਝੌਤੇ ਕਰਕੇ ਉਹਨਾਂ ਨੂੰ ਲਾਗੂ ਨਹੀ ਕਰ ਰਹੀ ਅਤੇ ਸੀ ਆਰ ਏ 295/19 ਤਹਿਤ ਭਰਤੀ ਹੋਏ ਸਹਾਇਕ ਲਾਈਨਮੈਨਾਂ ਨਾਲ ਹੋ ਰਹੀ ਧੱਕੇਸ਼ਾਹੀ ਵਿਰੁੱਧ ਦਿਤਾ । ਕ੍ਰਾਈਮ ਬਰਾਂਚ ਮੋਹਾਲੀ ਵਲੋ ਇਹਨਾਂ ਕਰਮਚਾਰੀਆਂ ਦੇ ਤਜਰਬਾ ਸਰਟੀਫੀਕੇਟ ਜਿਨਾਂ ਦੀ ਕੇ ਕੋਈ ਲੋੜ ਹੀ ਨਹੀਂ ਸੀ ਜਾਅਲੀ/ਗਲਤ ਸਾਬਤ ਕਰਕੇ ਧੱਕੇਸ਼ਾਹੀ ਨਾਲ ਪਰਚੇ ਦਰਜ ਕਰਕੇ ਸਾਥੀਆ ਨੂੰ ਜੇਲਾਂ ਵਿੱਚ ਧੱਕ ਰਹੀ ਹੈ। ਜਦ ਕਿ ਇਹਨਾਂ ਸਾਥੀਆਂ ਨੇ ਦੋ ਸਾਲ ਦਾ ਆਈ ਟੀ ਆਈ ਕਰਕੇ ਅਤੇ ਦੋ ਸਾਲ ਦੀ ਲਾਈਨਮੈਨ ਦੀ ਅਪਰੈਟਿਸਸ਼ਿਪ ਦਾ ਤਜਰਬਾ ਸਰਟੀਫੀਕੇਟ ਦਿੱਤਾ ਹੋਇਆ ਹੈ।ਪਰੰਤੂ ਨਜਾਇਜ ਤੌਰ ਤੇ ਤਜਰਬਾ ਸਰਟੀਫੀਕੇਟ ਮੰਗੇ ਗਏ। ਇਸ ਤੋਂ ਇਲਾਵਾ ਮਿਤੀ 01/01/2016 ਤੋਂ 30/06/2021 ਤੱਕ ਤਨਖਾਹ ਸੋਧ ਅਤੇ ਪੈਨਸ਼ਨ ਸੋਧ ਬਕਾਇਆ ਦਿਤਾ ਜਾਵੇ ਸੋਧੇ ਤਨਖਾਹ ਸਕੇਲਾਂ ਵਿੱਚ 9/16/23 ਸਾਲਾਂ ਸਮਾਂਬੱਧ ਸਕੇਲ ਮਿਤੀ 30/06/2021 ਤੋਂ ਬਾਅਦ ਵੀ ਲਾਗੂ ਕੀਤਾ ਜਾਵੇ, ਤਿੰਨ ਧਿਰੀ ਸਮਝੋਤੇ ਤਹਿਤ ਪੀ ਐਸ ਈ ਬੀ ਇੰਪਲਾਈਜ ਜੁਆਇੰਟ ਫੋਰਮ ਨੂੰ ਨੁਮਾਇੰਦਗੀ ਦਿੱਤੇ ਹੋਏ ਵੇਜ਼ ਫਾਰਮਲੇਸ਼ਨ ਕਮੇਟੀ (ਡਬਲਯੂ ਪੀ ਸੀ) ਗਠਿਤ ਕਰਕੇ ਮਿਤੀ 01/01/2016 ਤੋਂ ਲਾਗੂ ਕੀਤੀ ਤਨਖਾਹ ਕਮਿਸ਼ਨ ਦੀ ਰਿਪੋਰਟ ਵਿਚਲੀਆਂ ਉਣਤਾਈਆਂ/ਤਰੁੱਟੀਆ ਨੂੰ ਦੂਰ ਕੀਤਾ ਜਾਵੇ ।ਮਿਤੀ 17/07/2020 ਤੋ ਨਵ-ਨਿਯੁਕਤ ਕਰਮਚਾਰੀਆਂ ਉਪਰ ਕੇਂਦਰ ਸਰਕਾਰ ਦੇ ਤਨਖਾਹ ਸਕੇਲਾਂ ਦੀ ਥਾਂ ਬਿਜਲੀ ਨਿਗਮ ਦੇ ਤਨਖਾਹ ਸਕੇਲ ਲਾਗੂ ਕੀਤੇ ਜਾਣ | ਸੀਆਰਏ 293/19, 294/19, 295/19 ਆਦਿ ਰਾਹੀਂ ਭਰਤੀ ਦੀ ਪ੍ਰਕ੍ਰਿਆ ਮਿਤੀ 17/07/2020 ਤੋ ਪਹਿਲਾਂ ਸ਼ੁਰੂ ਹੋ ਚੁੱਕੀ ਸੀ, ਨਵੀਂ ਪੈਨਸ਼ਨ ਸਕੀਮ ਦੀ ਜਗਾ ਪੁਰਾਣੀ ਪੈਨਸ਼ਨ ਸਕੀਮ ਲਾਗੂ ਕੀਤੀ ਜਾਵੇ। ਪੈਨਸ਼ਨਰਾਂ ਦੀ ਅੰਸ਼ਿਕ ਸੁਧਾਰੀ (ਸੋਧ) 2.45 ਦੀ ਥਾਂ 2.59 ਦੇ ਗੁਣਾਂਕ ਨਾਲ ਕੀਤੀ ਜਾਵੇ, ਸੀਆਰਏ 295/19 ਰਾਹੀ ਭਰਤੀ ਏ ਐਲ ਐਮ ਨੂੰ ਗਲਤ ਤਜਰਬਾ ਦੇਣ ਦੇ ਕਥਿਤ ਦੋਸ਼ਾਂ ਹੇਠ ਗ੍ਰਿਫਤਾਰ ਕੀਤੇ ਕਾਮਿਆਂ ਨੂੰ ਜਲਦੀ/ਤਰੁੰਤ ਰਿਹਾਅ ਕੀਤਾ ਜਾਵੇ ਮਿਤੀ 15/01/2015 ਤੋ ਬਾਅਦ ਨਵ-ਨਿਯੁਕਤ ਕਰਮਚਾਰੀਆਂ ਨੂੰ ਉਹਨਾਂ ਦੇ ਬਣਦੇ ਤਨਖਾਹ ਸਕੇਲ ਅਨੁਸਾਰ ਪਰਖਕਾਲ ਸਮੇਂ ਦੋਰਾਨ ਸਾਰੇ ਭੱਤਿਆਂ ਸਮੇਤ ਪੂਰੀ ਤਨਖਾਹ ਜਾਰੀ ਕੀਤੀ ਜਾਵੇ ਇਸ ਵਿਸ਼ਾਲ ਰੋਸ ਰੈਲੀ ਨੂੰ ਸਾਥੀ ਗੁਰਪ੍ਰੀਤ ਸਿੰਘ ਜੱਸਲ ਜੁਆਇੰਟ ਸੈਕਟਰੀ ਬਾਰਡਰ ਜੋਨ ਅੰਮ੍ਰਿਤਸਰ, ਅਵਤਾਰ ਸਿੰਘ, ਪਰਵਿੰਦਰਜੀਤ ਸਿੰਘ, ਲਖਵੰਤ ਸਿੰਘ ਸਟੇਟ ਆਗੂ, ਕੁਲਦੀਪ ਸਿੰਘ ਉਦੋਕੇ, ਸੰਜੀਵ ਸੈਣੀ, ਬਾਰਡਰ ਜੋਨ ਦਾ ਮੀਤ ਪ੍ਰਧਾਨ ਰਾਜਪਾਲ ਸਿੰਘ,ਅਮਰਬੀਰ ਸਿੰਘ,ਗੁਰਵੰਤ ਸਿੰਘ,ਮੇਜਰ ਸਿੰਘ ਮੱਲੀਆਂ, ਸਕੱਤਰ ਸਿੰਘ ਮਾਹਲ, ਹਰਪਿੰਦਰ ਸਿੰਘ ਚਾਹਲ ਸਟੇਟ ਆਗੂ, ਰਜੇਸ਼ ਕੁਮਾਰ ਸਟੇਟ ਆਗੂ, ਮਨੋਜ ਕੁਮਾਰ ਸਟੇਟ ਆਗੂ, ਕੰਵਲਜੀਤ ਸਿੰਘ ਬੱਲ, ਜਗਦੀਸ਼ ਭਾਰਦਵਾਜ, ਦਲਬੀਰ ਸਿੰਘ ਜੋਹਲ, ਦਿਲਬਾਗ ਸਿੰਘ ਸਟੇਟ ਆਗੂ, ਸੁਖਦੇਵ ਸਿੰਘ ਸਟੇਟ ਆਗੂ, ਕਾਰਜਵਿੰਦਰ ਸਿੰਘ ਸਟੇਟ ਆਗੂ, ਦਵਿੰਦਰ ਸਿੰਘ ਬੱਗਾ, ਅਮਰਜੀਤ ਸਿੰਘ ਸਰਕਾਰੀਆ ਸਾਬਕਾ ਸਟੇਟ ਆਗੂ, ਮਖਤਾਰ ਸਿੰਘ ਮੁਹਾਵਾਂ ਸਾਬਕਾ ਸਟੇਟ ਆਗੂ, ਕੁਲਵੰਤ ਸਿੰਘ ਰਿਟਾਇਰ ਉਪ ਮੰਡਲ ਅਫਸਰ , ਐਮ.ਐਸ.ਯੂ ਸਟੇਟ ਦੇ ਆਗੂ ਬਲਜੀਤ ਸਿੰਘ ਭੁੱਲਰ,ਸਟੇਟ ਦੇ ਸਾਬਕਾ ਆਗੂ ਜਗਤਾਰ ਸਿੰਘ ਉਪਲ,ਸਾਬਕਾ ਪ੍ਰਧਾਨ ਕੁਲਵਿੰਦਰ ਸਿੰਘ,ਦਵਿੰਦਰ ਸਿੰਘ,ਰਜਿੰਦਰ ਸਿੰਘ ਜੱਸਲ,ਪਵਨ ਕੁਮਾਰ ਆਦਿ ਮੌਜੂਦ ਸਨ।