ਸ਼੍ਰੀ ਸਤਿਆ ਸਾਈਂ ਬਾਬਾ ਦੇ 97ਵੇਂ ਜਨਮ ਦਿਹਾੜੇ 'ਤੇ ਲੱਗੇ ਹੈਡੀਕੈਪ ਕੈਂਪ ਵਿੱਚ 85 ਲੋਕਾਂ ਨੂੰ ਲਗਾਏ ਗਏ 87 ਨਕਲੀ ਅੰਗ

ਗੁਰਦਾਸਪੁਰ, 21ਨਵੰਬਰ (ਡਾ ਬਲਜੀਤ ਸਿੰਘ .ਨੀਰਜ ਸਰਮਾ. ਜਸਬੀਰ ਸਿੰਘ ) ਭਗਵਾਨ ਸ੍ਰੀ ਸੱਤਿਆ ਸਾਈਂ ਬਾਬਾ ਜੀ ਦੇ 97ਵੇਂ ਜਨਮ ਦਿਨ ਦੇ ਉੱਪਰ ਗੋਲਡਨ ਗਰੁੱਪ ਆਫ ਇੰਸਟੀਚਿਊਟ ਵੱਲੋਂ ਗੋਲਡਨ ਸੀਨੀਅਰ ਸੈਕੰਡਰੀ ਸਕੂਲ ਗੁਰਦਾਸਪੁਰ ਵਿੱਚ 27 ਵਾਂ ਰਾਜ ਪੱਧਰੀ ਹੈਡੀਕੈਪ ਕੈਂਪ ਲਗਾਇਆ ਗਿਆ,, ਜਿਸ ਵਿਚ 85 ਜ਼ਰੂਰਤਮੰਦ ਹੈਡੀਕੈਪ ਵਿਅਕਤੀਆਂ ਨੂੰ 87 ਨਕਲੀ ਅੰਗ ਮਾਹਿਰ ਡਾਕਟਰਾਂ ਅਤੇ ਤਕਨੀਸ਼ੀਅਨਾਂ ਦੀ ਟੀਮਾਂ ਵੱਲੋਂ ਉਨ੍ਹਾਂ ਦੇ ਸਰੀਰ ਦੇ ਮਾਪ ਅਨੁਸਾਰ ਮੌਕੇ ਤੇ ਬਣਾ ਕੇ ਲਗਾਏ ਗਏ ਅਤੇ ਉਨ੍ਹਾਂ ਨੂੰ ਚੱਲਣ ਯੋਗ ਬਣਾਇਆ ਗਿਆ।ਇਨਾਂ 85 ਵਿਅਕਤੀਆਂ ਵਿੱਚ ਔਰਤਾ ਅਤੇ ਬੱਚੇ ਵੀ ਸ਼ਾਮਲ ਸਨ। ਇਸ ਕੈਂਪ ਵਿੱਚ ਡਿਪਟੀ ਕਮਿਸ਼ਨਰ ਗੁਰਦਾਸਪੁਰ ਆਪਣੀ ਧਰਮ ਪਤਨੀ ਮੁੱਖ ਮਹਿਮਾਨ ਦੇ ਤੌਰ ਤੇ ਸ਼ਾਮਲ ਹੋਏ ਉਥੇ ਹੀ ਪੂਰੇ ਗੁਰਦਾਸਪੁਰ ਦੀਆਂ ਉਘੀਆਂ ਸ਼ਖਸੀਅਤਾਂ ਨੇ ਵੀ ਇਸ ਕੈਂਪ ਵਿੱਚ ਸ਼ਿਰਕਤ ਕੀਤੀ। ਇਸ ਦੇ ਨਾਲ ਹੀ ਸ਼ਹਿਰ ਦੀਆਂ ਲਗਭਗ ਸਾਰੀਆਂ ਧਾਰਮਿਕ ਅਤੇ ਸਮਾਜਿਕ ਸੰਸਥਾਵਾਂ ਦੇ ਆਗੂ ਵੀ ਇਸ ਕੈਂਪ ਵਿੱਚ ਆਦਿ ਹਾਜ਼ਰ ਸਨ। ਡਿਪਟੀ ਕਮਿਸ਼ਨਰ ਵੱਲੋਂ ਉਦਘਾਟਨੀ ਜੋਤੀ ਪ੍ਰਜਵਲਿਤ ਕਰਨ ਮਗਰੋਂ ਸ੍ਰੀ ਸੱਤਿਆ ਸਾਈਂ ਬਾਬਾ ਜੀ ਦੇ ਰੰਗ ਦੇ ਵਿੱਚ ਭਜਨ ਕਰਦਿਆਂ ਹੋਇਆ ਪੂਰਾ ਗੁਰਦਾਸਪੁਰ ਸ੍ਰੀ ਸਤਿ ਸਾਈਂ ਬਾਬਾ ਜੀ ਦੇ ਰੰਗ ਵਿੱਚ ਰੰਗ ਗਿਆ। ਹਰ ਸਾਲ ਇਹ ਕੈਂਪ ਲਗਾਉਣ ਦਾ ਮੁੱਖ ਉਦੇਸ਼ ਉਨ੍ਹਾਂ ਜ਼ਰੂਰਤਮੰਦ ਲੋਕਾਂ ਦੀ‌ ਸਹਾਇਤਾ ਕਰਣਾ ਹੈ ਜੋ ਕਿ ਕਿਸੇ ਨਾ ਕਿਸੇ ਕਾਰਨ ਆਪਣੇ ਸਰੀਰ ਦਾ ਕੋਈ ਅੰਗ ਗੁਆ ਬੈਠਦੇ ਹਨ ਅਤੇ ਜੀਵਨ ਜਿਊਣ ਤੋਂ ਅਸਮਰੱਥ ਹੋ ਜਾਂਦੇ ਹਨ।ਉਹਨਾਂ ਲੋਕਾਂ ਨੂੰ ਇਸ ਕੈਂਪ ਰਾਹੀਂ ਜ਼ਿੰਦਗੀ ਵਿਚ ਅੱਗੇ ਵਧਣ ਲਈ ਸਹਾਇਤਾ ਕੀਤੀ ਜਾਂਦੀ ਹੈ। ਕੈਂਪ ਵਿੱਚ ਨਕਲੀ ਅੰਗ ਲਗਵਾਉਣ ਵਾਲੇ ਅੰਗ ਲੱਗਣ ਤੋਂ ਬਾਅਦ ਸਾਈਕਲ ਚਲਾਉਂਦੇ ਵੀ ਨਜ਼ਰ ਆਏ।ਇਸ ਮੌਕੇ ਤੇ ਬੋਲਦਿਆਂ ਹੋਇਆਂ ਮੁਖ ਮਹਿਮਾਨ ਡਿਪਟੀ ਕਮਿਸ਼ਨਰ ਗੁਰਦਾਸਪੁਰ ਨੇ ਧਰਮ ਪਤਨੀ ਮੁਹਤਰਮਾਂ ਸ਼ੈਹਲਾ ਕਾਦਰੀ ਅਤੇ ਗੋਲਡਨ ਗਰੁੱਪ ਆਫ ਇੰਸਟੀਚਿਊਸ਼ਨ ਦੇ ਮੈਨੇਜਿੰਗ ਡਾਇਰੈਕਟਰ ਮੋਹਿਤ ਮਹਾਜਨ ਨੇ ਦੱਸਿਆ ਕਿ ਗੋਰਡਨ ਗਰੁੱਪ ਆਫ ਇੰਸਟੀਚਿਊਟ ਦੇ ਚੇਅਰਮੈਨ ਮੋਹਿਤ ਮਹਾਜਨ ਅਤੇ ਸ੍ਰੀ ਸਤਿਅ ਸਾਈਂ ਸੇਵਾ ਸਮਿਤੀ ਗੁਰਦਾਸਪੁਰ ਵਿੱਚ ਵਧਿਆ ਰੋਲ ਅਦਾ ਕਰ ਰਹੀ ਹੈ। ਜਿਨਾ ਦੇ ਸਹਿਯੋਗ ਨਾਲ ਹਰ ਸਾਲ ਜ਼ਰੂਰਤਮੰਦ ਬੇਸਹਾਰਾ ਲੋਕ ਆਪਣੇ ਜੀਵਨ ਜਿਉਂਦੇ ਹੋਏ ਅੱਗੇ ਵੱਧ ਰਹੇ ਹਨ। ਜਿਥੇ ਅੱਜ ਕਈ ਅੰਗ ਹੀਣ ਅੰਗ ਲਗਵਾ ਕੇ ਸਾਈਕਲ ਚਲਾਉਂਦਿਆਂ ਹੋਇਆ ਖੁਸ਼ੀ ਖੁਸ਼ੀ ਵਾਪਸ ਪਰਤੇ ਹਨ।ਉਨ੍ਹਾਂ ਨੇ ਦੱਸਿਆ ਕਿ ਹਰ ਸਾਲ ਸ੍ਰੀ ਸਤਿਅ ਸਾਈਂ ਬਾਬਾ ਜੀ ਦੇ ਜਨਮ ਦਿਹਾੜੇ ਤੇ ਇਹ ਕੈਂਪ ਲਗਾਇਆ ਜਾਂਦਾ ਹੈ ਜਿੱਥੇ ਪੂਰੇ ਭਾਰਤ ਤੋਂ ਲੋਕ ਸ਼ਾਮਲ ਹੁੰਦੇ ਹਨ ਅਤੇ ਇਸ ਕੈਂਪ ਦਾ ਹਿੱਸਾ ਬਣਦੇ ਹਨ,,, ਅਤੇ ਜ਼ਰੂਰਤਮੰਦ ਲੋਕ ਆਪਣੇ ਅੰਗ ਲਗਾਉਂਦੇ ਹਨ ਜੋ ਕਿਸੇ ਕਾਰਨ ਹੈਡੀਕੈਪ ਹੋ ਜਾਂਦੇ ਹਨ,,, ਅੱਜ ਵੀ ਇਸ ਕੈਂਪ ਵਿੱਚ 85 ਜਰੂਰਤਮੰਦ ਵਿਅਕਤੀਆਂ ਨੂੰ 87 ਅੰਗ ਲਗਾ ਕੇ ਅੰਗ ਦਾਨ ਕੀਤਾ ਗਿਆ।