ਬਟਾਲਾ ਦੇ ਨਜ਼ਦੀਕ ਪਿੰਡ ਕੋਟਲਾ ਸ਼ਰਫ਼ ਚ ਮਾਮੂਲੀ ਤਕਰਾਰ ਚ ਦੋ ਚਚੇਰੇ ਭਰਾਵਾਂ ਦੇ ਪਰਿਵਾਰਾਂ ਚ ਚੱਲੀਆਂ ਗੋਲੀਆਂ > 2 ਜ਼ਖ਼ਮੀ .

ਬਟਾਲਾ , 12 ਸਤੰਬਰ (ਡਾ ਬਲਜੀਤ ਸਿੰਘ . ਨੀਰਜ ਸ਼ਰਮਾ. ਜਸਬੀਰ ਸਿੰਘ )। ਬਟਾਲਾ ਦੇ ਨਜ਼ਦੀਕੀ ਪਿੰਡ ਕੋਟਲਾ ਸਰਫ ਵਿਚ ਲੰਘੀ ਦੇਰ ਸ਼ਾਮ ਇਕ ਪਰਿਵਾਰ ਵਿੱਚ ਚਾਚੇ- ਤਾਏ ਦੇ ਪੁੱਤ ਭਰਾਵਾਂ ਦੀ ਮਮੂਲੀ ਤਕਰਾਰ ਨੇ ਖੂਨੀ ਜੰਗ ਦਾ ਰੂਪ ਧਾਰਨ ਕਰ ਲਿਆ। ਤਕਰਾਰ ਆਪਸ ਵਿਚ ਮਾਮੂਲੀ ਬਹਿਸਬਾਜ਼ੀ ਤੋਂ ਸ਼ੁਰੂ ਹੋਈ ਅਤੇ ਦੇਖਦੇ ਹੀ ਦੇਖਦੇ ਨੋਬਤ ਗੋਲੀਆਂ ਚੱਲਣ ਤੱਕ ਆ ਗਈ। ਲੜਾਈ 'ਚ ਹੋਈ ਫਾਈਰਿੰਗ ਦੇ ਚਲਦੇ ਦੋ ਭਰਾ ਜਸ਼ਨਪ੍ਰੀਤ ਸਿੰਘ ਅਤੇ ਹਰਪ੍ਰੀਤ ਸਿੰਘ ਗੋਲੀਆਂ ਲੱਗਣ ਨਾਲ ਜ਼ਖਮੀ ਹੋ ਗਏ।ਦੋਵਾਂ ਭਰਾਵਾਂ ਦੇ ਲੱਤਾਂ 'ਚ ਗੋਲੀਆਂ ਲੱਗੀਆਂ ਹਨ। ਦੱਸੀਆਂ ਜਾ ਰਹੀਆਂ ਹਨ ਜਦਕਿ ਦੋਵਾਂ ਦਾ ਇਲਾਜ ਸਿਵਲ ਹਸਪਤਾਲ ਬਟਾਲਾ 'ਚ ਚੱਲ ਰਿਹਾ ਹੈ। ਉਥੇ ਹੀ ਜ਼ਖਮੀ ਨੌਜਵਾਨਾਂ ਅਤੇ ਉਨਾਂ ਦੇ ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਉਨ੍ਹਾਂ ਦੀ ਨਾ ਹੀ ਕੋਈ ਆਪਸ 'ਚ ਪੁਰਾਣੀ ਰੰਜਿਸ਼ ਹੈ ਅਤੇ ਨਾ ਹੀ ਕੋਈ ਇਸੇ ਤਰ੍ਹਾਂ ਦਾ ਝਗੜਾ ਬਲਕਿ ਉਹ ਇਕੱਠੇ ਗੁਰੂਦਵਾਰਾ ਸ਼੍ਰੀ ਗੋਇੰਦਵਾਲ ਸਾਹਿਬ ਤੋਂ ਵਾਪਸ ਪਿੰਡ ਆ ਰਹੇ ਸਨ। ਪਿੰਡ ਪਰਤਦਿਆਂ ਹੀ ਘਰ ਪਹੁੰਚਣ ਤੋਂ ਪਹਿਲਾਂ ਰਾਹ 'ਚ ਮਾਮੂਲੀ ਤਕਰਾਰ ਉਨਾਂ ਦੇ ਵਿਚਕਾਰ ਹੋਈ ਸੀ ਪਰ ਬਾਅਦ 'ਚ ਘਰ ਪਹੁੰਚ ਕੇ ਦੂਜੀ ਧਿਰ ਵਲੋਂ ਉਨਾਂ 'ਤੇ ਫਾਈਰਿੰਗ ਕਰ ਹਮਲਾ ਕਰ ਦਿੱਤਾ, ਜਿਸ ਦੇ ਚਲਦੇ ਉਹ ਜ਼ਖਮੀ ਹੋ ਗਏ। ਉਨ੍ਹਾਂ ਦੱਸਿਆ ਕਿ ਗੋਲੀਆਂ ਉਨਾਂ ਦੇ ਚਾਚੇ ਦੇ ਮੁੰਡੇ ਅਤੇ ਚਾਚੇ ਦੇ ਜਵਾਈ ਵਲੋਂ ਚਲਾਈਆਂ ਗਈਆਂ ਹਨ। ਪਹਿਲਾ ਹੋਈ ਤਕਰਾਰ ਤੋਂ ਭੜਕੇ ਚਾਚੇ ਦੇ ਲੜਕੇ ਨੇ ਗੁੱਸੇ ਵਿਚ ਆ ਕੇ ਆਪਣੇ ਜੀਜੇ ਨੂੰ ਕੁੱਝ ਲੜਕਿਆਂ ਸਮੇਤ ਪਿੰਡ ਬੁਲਾ ਕੇ ਤਾਏ ਸਰੂਪ ਸਿੰਘ ਦੇ ਘਰ ਦੇ ਬਾਹਰ ਜਾਕੇ ਗੋਲੀਆਂ ਚਲਾ ਦਿੱਤੀਆ ਜਿਸ ਵਿਚ ਤਾਏ ਦੇ ਲੜਕੇ ਹਰਪ੍ਰੀਤ ਸਿੰਘ ਅਤੇ ਦੂਸਰੇ ਚਾਚੇ ਦੇ ਲੜਕੇ ਜਸ਼ਨਪ੍ਰੀਤ ਸਿੰਘ ਦੋਹਾਂ ਦੇ ਲੱਤਾਂ ਵਿੱਚ ਗੋਲੀਆਂ ਲੱਗਣ ਕਾਰਨ ਦੋਵੇ ਜ਼ਖਮੀ ਹੋ ਗਏ। ਜ਼ਖਮੀ ਹਰਪ੍ਰੀਤ ਸਿੰਘ ਅਤੇ ਤਾਇਆ ਸਰੂਪ ਸਿੰਘ ਅਨੁਸਾਰ ਹਮਲਾਵਰ ਗਿਣਤੀ ਵਿਚ 7 ਦੇ ਕਰੀਬ ਸਨ ਅਤੇ ਦੋ ਪਿਸਟਲਾਂ ਸਮੇਤ ਉਨ੍ਹਾਂ ਕੋਲ ਰਿਵਾਇਤੀ ਹਥਿਆਰ ਵੀ ਸਨ ਅਤੇ ਹਮਲਾਵਰਾਂ ਵਲੋਂ 25 ਦੇ ਕਰੀਬ ਗੋਲੀਆਂ ਚਲਾਈਆਂ ਗਈਆਂ ਪੀੜਤ ਵਲੋਂ ਇਨਸਾਫ ਦੀ ਗੁਹਾਰ ਲਗਾਈ ਜਾ ਰਹੀ ਹੈ। ਉਧਰ ਜ਼ਖਮੀ ਨੌਜਵਾਨਾਂ ਨੂੰ ਸਿਵਲ ਹਸਪਤਾਲ ਬਟਾਲਾ 'ਚ ਦਾਖਲ ਕਰਵਾਇਆ ਗਿਆ ਹੈ ਜਦਕਿ ਇਸ ਵਾਰਦਾਤ ਦੀ ਸੂਚਨਾ ਮਿਲਦੇ ਹੀ ਪੁਲਿਸ ਪਾਰਟੀ ਵਲੋਂ ਸਿਵਲ ਹਸਪਤਾਲ ਚ ਪਹੁੰਚ ਜ਼ਖਮੀ ਨੌਜਵਾਨਾਂ ਦੇ ਬਿਆਨ ਦਰਜ ਕੀਤੇ ਗਏ। ਮੌਕੇ 'ਤੇ ਪਹੁੰਚੇ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਫਿਲਹਾਲ ਕੁਝ ਨਹੀਂ ਕਿਹਾ ਜਾ ਸਕਦਾ ਕਿ ਕੀ ਹੋਇਆ ਹੈ। ਜ਼ਖ਼ਮੀ ਨੌਜਵਾਨਾਂ ਦੇ ਬਿਆਨਾਂ ਤੋਂ ਬਾਅਦ ਵੀ ਮਾਮਲਾ ਦਰਜ ਕੀਤਾ ਜਾਵੇਗਾ ਫਿਲਹਾਲ ਪੁਲਿਸ ਵਲੋਂ ਇਸ ਮਾਮਲੇ ਦੀ ਤਫਤੀਸ ਸ਼ੁਰੂ ਕੀਤੀ ਗਈ ਹੈ।ਉੱਥੇ ਹੀ ਸਿਵਲ ਹਸਪਤਾਲ ਦੇ ਡਾਕਟਰ ਦਾ ਦੱਸਿਆ ਕਿ ਦੋ ਨੌਜਵਾਨਾ ਨੂੰ ਜ਼ਖਮੀ ਹਾਲਾਤ ਵਿਚ ਹਸਪਤਾਲ ਲਿਆਂਦਾ ਗਿਆ ਹੈ ਜਿਨ੍ਹਾਂ ਦਾ ਇਲਾਜ ਚੱਲ ਰਿਹਾ ਹੈ।