ਭਗਵੰਤ ਮਾਨ ਸਰਕਾਰ ਵੀ ਪਿਛਲੀਆਂ ਸਰਕਾਰਾਂ ਵਾਂਗ ਆਰ ਐੱਮ ਪੀ ਡਾਕਟਰਾਂ ਨੂੰ ਲਗਾ ਰਹੀ ਹੈ ਲਾਰੇ ਲੱਪੇ >ਡਾ ਪਿਆਰਾ ਸਿੰਘ

ਬਟਾਲਾ 29 ਜੁਲਾਈ ( ਬਲਜੀਤ ਸਿੰਘ .ਨੀਰਜ ਸ਼ਰਮਾ.ਬਲਵੰਤ ਭਗਤ ) ਮੈਡੀਕਲ ਪ੍ਰੈਕਟੀਸ਼ਨਰਜ਼ ਐਸੋਸ਼ੀਏਸ਼ਨ ਰਜਿ ਪੰਜਾਬ ਜਿਲ੍ਹਾ ਗੁਰਦਾਸਪੁਰ ਦੇ ਕਾਹਨੂੰਵਾਨ ਦੇ ਡਾਕਟਰਾਂ ਦੀ ਮੀਟਿੰਗ ਜਿਲ੍ਹਾ ਪ੍ਰਧਾਨ ਡਾ ਪਿਆਰਾ ਸਿੰਘ ਹੰਬੋਵਾਲ ਦੀ ਪ੍ਰਧਾਨਗੀ ਹੇਠ ਬਰਾਈਟ ਫਿਊਚਰ ਅਕੈਡਮੀ ਰਾਜਪੁਰਾ ਨਜਦੀਕ ਪਿੰਡ ਖੋਜਕੀਪੁਰ ਵਿਖੇ ਕੀਤੀ ਗਈ। ਕਾਹਨੂੰਵਾਨ ਏਰੀਏ ਦੇ ਆਰ ਐਮ ਪੀ ਡਾਕਟਰਾ ਨੂੰ ਸੰਬੋਧਨ ਕਰਦਿਆਂ ਜ਼ਿਲ੍ਹਾ ਗੁਰਦਾਸਪੁਰ ਦੇ ਪ੍ਰਧਾਨ ਡਾਕਟਰ ਪਿਆਰਾ ਸਿੰਘ ਹੰਬੋਵਾਲ਼ ਨੇ ਕਿਹਾ ਕਿ ਜਥੇਬੰਦੀ ਦਾ ਵਿਸਥਾਰ ਕਰਕੇ ਆਰ ਐੱਮ ਪੀ ਡਾਕਟਰਾਂ ਦੇ ਮਸਲੇ ਨੂੰ ਹੱਲ ਕਰਵਾਓਣ ਲਈ ਹਰ ਤਰਾਂ ਦੇ ਸੰਘਰਸ਼ ਵਾਸਤੇ ਤਿਆਰੀ ਕੀਤੀ ਜਾਵੇਗੀ ਕਿਉਂਕਿ ਪਿਛਲੀਆਂ ਸਰਕਾਰਾਂ ਵਾਂਗ ਆਮ ਆਦਮੀ ਪਾਰਟੀ ਦੀ ਸਰਕਾਰ ਵੀ ਇਸ ਮਸਲੇ ਨੂੰ ਹੱਲ ਕਰਨ ਲਈ ਟਾਲਮਟੋਲ ਦੀ ਨੀਤੀ ਤੇ ਚੱਲ ਰਹੀ ਹੈ। ਇਸ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਸਰਕਲ ਹਰਚੋਵਾਲ ਦੇ ਸੀਨੀਅਰ ਮੀਤ ਪ੍ਰਧਾਨ ਡਾਕਟਰ ਦਿਲਬਾਗ ਸਿੰਘ ਪੱਨੂੰ ਅਤੇ ਜਾਇੰਟ ਸਕੱਤਰ ਡਾਕਟਰ ਸਤਨਾਮ ਸਿੰਘ ਮੁੱਲਾਵਾਲ ਨੇ ਕਿਹਾ ਕਿ ਆਪਣੇ ਮਸਲੇ ਨੂੰ ਹੱਲ ਕਰਵਾਉਣ ਲਈ ਸਾਰੇ ਡਾਕਟਰ ਇੱਕਜੁੱਟ ਹੋਣ ਤਾਂ ਜ਼ੋ ਮੋਜੂਦਾ ਸਰਕਾਰ ਦੇ ਕੰਨਾਂ ਤੱਕ ਆਪਣੀ ਆਵਾਜ਼ ਪਹੁੰਚਾਈ ਜਾ ਸਕੇ ।ਇਸ ਮੀਟਿੰਗ ਵਿਚ ਡਾ ਸੰਤੋਖ ਸਿੰਘ ਫੇਰੋਚੋਚੀ, ਡਾ ਹਰਜੀਤ ਸਿੰਘ ਰਾਜੂ ਬੇਲਾ, ਡਾ ਵੀਰ ਸਿੰਘ ਰਾਜਪੁਰਾ ,ਡਾ ਗੁਰਮੇਲ ਸਿੰਘ ਮੁਲਾਵਾਲ , ਡਾ ਗੁਰਮੇਜ ਸਿੰਘ ਨਾਨੋਵਾਲ .ਅਦਿ ਤੋਂ ਇਲਾਵਾ ਕਾਹਨੂੰਵਾਨ ਦੇ ਭਾਰੀ ਗਿਣਤੀ ਵਿਚ ਡਾਕਟਰ ਸ਼ਾਮਿਲ ਹੋਏ ।