ਸ਼ਹੀਦ ਮੇਜਰ ਵਜਿੰਦਰ ਸਿੰਘ ਸਰਕਾਰੀ ਹਾਈ ਸਕੂਲ ਗਿਲਾਂਵਾਲੀ ਕਿਲਾ ਦਰਸ਼ਨ ਸਿੰਘ ਨੇ ਲਗਾਤਾਰ ਦੂਜੀ ਵਾਰ ਸਫਲਤਾ ਦੇ ਗੱਡੇ ਝੰਡੇ ।

ਬਟਾਲਾ 13 ਜੁਲਾਈ (ਜਗਜੀਤ ਸਿੰਘ ਪੱਡਾ) ਇਥੋਂ ਨੇੜਲੇ ਇਲਾਕੇ ਵਿੱਚ ਪ੍ਰਸਿੱਧੀ ਹਾਸਿਲ ਕਰ ਚੁੱਕੇ ਨਾਮੀ ਸਕੂਲਾਂ ਵਿਚੋਂ ਗਿਣੇ ਜਾਂਦੇ ਸ਼ਹੀਦ ਮੇਜਰ ਵਜਿੰਦਰ ਸਿੰਘ ਸਾਹੀ ਹਾਈ ਸਮਾਰਟ ਸਕੂਲ ਗਿਲਾਂਵਾਲੀ ਕਿਲਾ ਦਰਸ਼ਨ ਸਿੰਘ ਨੇ ਹੈਡਮਾਸਟਰ ਸਰਦਾਰ ਜਸਵਿੰਦਰ ਸਿੰਘ ਭੁੱਲਰ ਦੀ ਰਹਿਨੁਮਾਈ ਹੇਠ ਲਗਾਤਾਰ ਦੂਜੀ ਵਾਰ ਸਕੂਲ ਦੇ ਸਤ ਵਿਦਿਆਰਥੀਆਂ ਜਸਲੀਨ ਕੌਰ ਭੁੱਲਰ,ਰੇਨੂਕਾ,ਹਾਕਮ ਸਿੰਘ ਕਿਰਨਪਰੀਤ ਕੌਰ, ਮਨਪ੍ਰੀਤ ,ਅੰਸ਼ਦੀਪ ਸਿੰਘ ,ਨਵਰੂਪਜੋਤ ਸਿੰਘ ਦਾ ਮੈਰੀਟੋਰੀਅਸ ਸਕੂਲਾ ਲਈ ਚੁਣੇ ਜਾਣ ਤੇ ਇਲਾਕੇ ਦੇ ਨਾਲ ਸਮੁੱਚੇ ਜਿਲ੍ਹੇ ਅੰਦਰ ਇਸ ਸਫਲਤਾ ਦੇ ਗੁਣਗਾਣ ਹੋ ਰਹੇ ਹਨ। ਇਥੇ ਇਹ ਜ਼ਿਕਰਯੋਗ ਹੈ ਕਿ ਪਿਛਲੇ ਸਾਲ ਵੀ ਇਸੇ ਸਕੂਲ ਦੇ ਸਤ ਵਿਦਿਆਰਥੀ ਮੈਰੀਟੋਰੀਅਸ ਸਕੂਲਾ ਵਿੱਚ ਦਾਖਲੇ ਲਈ ਚੁਣੇ ਗਏ ਸਨ ਜੋ ਕਿ ਇਲਾਕੇ ਵਾਸਤੇ ਮਾਣ ਦੀ ਗੱਲ ਹੈ ਉਥੇ ਸਕੂਲ ਦੇ ਹੈਡਮਾਸਟਰ ਤੇ ਬਟਾਲਾ 1 ਦੇ ਨੋਡਲ ਅਫਸਰ ਜਸਵਿੰਦਰ ਸਿੰਘ ਭੁੱਲਰ ਨੂੰ ਮਿਹਨਤ ਦਾ ਸਿਹਰਾ ਜਾਂਦਾ ਹੈ। ਜਦੋਂ ਦੇ ਉਹਨਾਂ ਇਸ ਸਕੂਲ ਦੀ ਕਮਾਂਡ ਸੰਭਾਲੀ ਹੈ ਉਸ ਸਮੇਂ ਤੋਂ ਹੀ ਸਕੂਲ ਵਿੱਚ ਵਿਦਿਆਰਥੀਆਂ ਦੇ ਦਾਖਲੇ ਵਿੱਚ ਅਥਾਹ ਵਾਧਾ ਹੋਇਆ ਹੈ ਤੇ ਸਿੱਖਿਆ ਵਿਭਾਗ ਵਿੱਚ ਕੰਮ ਕਰ ਰਹੇ ਹੋਰ ਸਕੂਲ ਮੁਖੀਆ, ਅਧਿਆਪਕਾਂ ਅਤੇ ਸਰਪੰਚ ਸਾਹਿਬਾਨਾ ਦੇ ਬੱਚੇ ਨਾਮਵਰ ਸਕੂਲਾਂ ਤੋਂ ਹਟ ਕੇ ਇਸ ਸਕੂਲ ਵਿੱਚ ਵਿੱਦਿਆ ਪ੍ਰਾਪਤ ਕਰ ਰਹੇ ਹਨ। ਇਸ ਮੌਕੇ ਸਕੂਲ ਅੰਦਰ ਕਰਵਾਏ ਸਾਦੇ ਤੇ ਪ੍ਰਭਾਵ ਸ਼ਾਲੀ ਸਮਾਗਮ ਦੌਰਾਨ ਹੈਡਮਾਸਟਰ ਜਸਵਿੰਦਰ ਸਿੰਘ ਭੁੱਲਰ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸਕੂਲ ਅੰਦਰ ਹਰੇਕ ਕਲਾਸ ਲਈ ਇੰਗਲਿਸ਼ ਮੀਡੀਅਮ ਦੇ ਵੱਖਰੇ ਸੈਕਸ਼ਨਾਂ ਨਾਲ ਪੜ੍ਹਾਈ ਕਰਵਾਈ ਜਾ ਰਹੀ ਹੈ ਅਤੇ ਸਕੂਲ ਵਿੱਚ ਸਿੱਖਿਆ ਵਿਭਾਗ ਵੱਲੋਂ ਲਏ ਜਾਂਦੇ NTSE .NMMS. PSTSE.ਮੁਕਾਬਲੇ ਦੀਆਂ ਪ੍ਰੀਖਿਆ ਦੀ ਤਿਆਰੀ ਲਈ ਕੰਪੀਟੀਸ਼ਨ ਸੈੱਲ ਬਣਾਇਆ ਗਿਆ ਹੈ ਜਿਸ ਦੇ ਨੋਡਲ ਮੈਡਮ ਰੀਨਾ ਹਨ ਜਿਸ ਕਰਕੇ ਵਿਦਿਆਰਥੀਆ ਨੇ ਕੰਪੀਟੀਸ਼ਨਾਂ ਵਿਚ ਬਹੁਤ ਸਾਰੀਆਂ ਪੁਜੀਸ਼ਨਾ ਪੰਜਾਬ ਵਿੱਚੋਂ ਪਰਾਪਤ ਕੀਤੀਆਂ ਹਨ। ਇਸ ਮੌਕੇ ਮੈਰਟੋਰੀਅਸ ਸਕੂਲਾਂ ਲਈ ਚੁਣੇ ਗਏ ਵਿਦਿਆਰਥੀਆਂ ਤੇ ਉਹਨਾਂ ਦੇ ਮਾਪਿਆਂ ਨੂੰ ਸਕੂਲ ਮੁੱਖੀ ਵਲੋਂ ਮੁਬਾਰਕਬਾਦ ਦਿੱਤੀ ਤੇ ਬੱਚਿਆਂ ਦੇ ਉਜਵਲ ਭਵਿੱਖ ਲਈ ਕਾਮਨਾ ਕੀਤੀ। ਜਿਲ੍ਹਾ ਸਿੱਖਿਆ ਅਫਸਰ ਸੈ ਸਿ ਗੁਰਦਾਸਪੁਰ ਸਰਦਾਰ ਹਰਪਾਲ ਸਿੰਘ ਸੰਧਾਵਾਲੀਆ ਅਤੇ ਡਿਪਟੀ ਡੀ.ਈ.ਓ ਸਰਦਾਰ ਲਖਵਿੰਦਰ ਸਿੰਘ ਨੇ ਵੀ ਬੱਚਿਆਂ ਨੂੰ ਉਹਨਾਂ ਦੀ ਸਫਲਤਾ ਤੇ ਵਧਾਈ ਦਿੱਤੀ ਗਈ। ਇਸ ਮੌਕੇ ਤੇ ਸਕੂਲ ਅਧਿਆਪਕ ਹਰਭਜਨ ਲਾਲ, ਸੁਨੀਤਾ,ਸੁਭਾਸ਼ ਰਾਣੀ,ਅਰਸ਼ਪ੍ਰੀਤ ਕੌਰ ਮਨਿੰਦਰ ਕੌਰ, ਮੁਖਤਾਰ ਸਿੰਘ, ਸਿਮਰਨ ਕੌਰ ,ਗੁਰਵਿੰਦਰ ਕੌਰ,ਗੁਰਿੰਦਰ ਕੌਰ ਮਲਕੀਤ ਕੌਰ,ਨਰਿੰਦਰ ਕੌਰ,ਨਰਭਿੰਦਰ ਸਿੰਘ ਅਤੇ ਰਜਿੰਦਰ ਕੁਮਾਰ ਸ਼ਰਮਾ ਹਾਜਰ ਸਨ।