ਅੰਮ੍ਰਿਤਸਰ: ਨਾਬਾਲਗ ਬੱਚੇ ਕੋਲੋਂ 15 ਕਿਲੋ ਹੈਰੋਇਨ ਬਰਾਮਦ, ਪੜ੍ਹੋ ਵੇਰਵਾ

ਅੰਮ੍ਰਿਤਸਰ, 10 ਫਰਵਰੀ,( ਬਲਜੀਤ ਸਿੰਘ ,ਨੀਰਜ ਸ਼ਰਮਾ, ਜਸਬੀਰ ਸਿੰਘ) ਖੁਫੀਆ ਮੁਹਿੰਮ ਦੀ ਬਦੌਲਤ ਅੰਮਿਤਸਰ ਵਿਚ ਇਕ ਨਾਬਾਲਗ ਬੱਚੇ ਕੋਲੋਂ 15 ਕਿਲੋ ਹੈਰੋਇਨ ਬਰਾਮਦ ਕੀਤੀ ਗਈ ਹੈ। ਰਾਮ ਤੀਰਥ ਰੋਡ ਅੰਮ੍ਰਿਤਸਰ 'ਤੇ ਨਾਕੇ 'ਤੇ ਫੜੇ ਇਸ ਨਾਬਾਲਗ ਬੱਚੇ ਕੋਲੋਂ 8.4 ਲੱਖ ਰੁਪਏ ਡਰੱਗ ਮਨੀ ਵੀ ਬਰਾਮਦ ਹੋਈ ਹੈ।ਇਹ ਪ੍ਰਗਟਾਵਾ ਪੰਜਾਬ ਦੇ ਡੀ ਜੀ ਪੀ ਗੌਰਵ ਯਾਦਵ ਨੇ ਕੀਤਾ ਹੈ। ਉਹਨਾਂ ਟਵੀਟ ਵਿਚ ਦੱਸਿਆ ਕਿ ਇਹ ਨਸ਼ਾ ਰੈਕਟ ਪਾਕਿਸਤਾਨ ਬੈਠਾ ਰੇਸ਼ਮ ਸਿੰਘ ਚਲਾ ਰਿਹਾ ਹੈ। ਉਹਨਾਂ ਦੱਸਿਆ ਕਿ ਅੰਮ੍ਰਿਤਸਰ ਵਿਚ ਪੁਲਿਸ ਥਾਣਾ ਐਸ ਐਸ ਓ ਸੀ ਵਿਖੇ ਇਸ ਮਾਮਲੇ ਵਿਚ ਐਫ ਆਈ ਆਰ ਨੰਬਰ 6 ਅਧੀਨ ਧਾਰਾ 21, 25, 29, 61 ਅਤੇ 85 ਐਨ ਡੀ ਪੀ ਐਸ ਦਰਜ ਕੀਤੀ ਗਈ ਹੈ।