ਪੁਲਿਸ ਹੱਥੇ ਚੜ੍ਹਿਆ ਨਸ਼ੇ ਦਾ ਆਦੀ ਅਤੇ ਮੋਟਰਸਾਈਕਲ ਚੋਰ ਨੌਜਵਾਨ, 10 ਚੋਰੀ ਕੀਤੇ ਮੋਟਰਸਾਈਕਲ ਬਰਾਮਦ

ਗੁਰਦਾਸਪੁਰ, 4 ਦਸੰਬਰ (ਡਾ ਬਲਜੀਤ ਸਿੰਘ ,ਨੀਰਜ ਸ਼ਰਮਾ, ਜਸਬੀਰ ਸਿੰਘ-) ਪੁਲਿਸ ਜਿਲਾ ਬਟਾਲਾ ਦੇ ਸੀਆਈਏ ਸਟਾਫ ਵਲੋਂ ਮਿਲੀ ਗੁਪਤ ਸੂਚਨਾ ਦੇ ਇਕ ਨੌਜਵਾਨ ਸੰਦੀਪ ਸਿੰਘ ਉਰਫ ਨਿੱਕਾ ਨੂੰ ਚੋਰੀ ਦੇ ਮੋਟਰਸਾਈਕਲ ਨਾਲ ਗ੍ਰਿਫਤਾਰ ਕੀਤਾ ਗਿਆ, ਉਥੇ ਹੀ ਤਫਤੀਸ਼ ਚ ਸਾਮਣੇ ਆਇਆ ਕਿ ਉਕਤ ਗ੍ਰਿਫਤਾਰ ਨੌਜਵਾਨ ਨਸ਼ੇ ਦਾ ਆਦੀ ਅਤੇ ਮੋਟਰਸਾਈਕਲ ਚੋਰੀ ਦੀਆਂ ਵਾਰਦਾਤਾਂ ਪਿਛਲੇ 10 ਸਾਲ ਤੋਂ ਕਰ ਰਿਹਾ ਹੈ ਅਤੇ ਪੁੱਛਗਿੱਛ ਤੋਂ ਬਾਅਦ ਇਸ ਕੋਲੋਂ 10 ਚੋਰੀ ਕੀਤੇ ਮੋਟਰਸਾਈਕਲ ਬਰਾਮਦ ਕੀਤੇ ਗਏ ਜੋ ਬਟਾਲਾ ਅਤੇ ਗੁਰਦਾਸਪੁਰ ਦੇ ਇਲਾਕਿਆਂ ਚ ਚੋਰੀ ਕੀਤੇ ਗਏ ਸਨ ।ਇਹ ਨੌਜਵਾਨ ਅੱਗੇ ਇਹਨਾਂ ਨੂੰ 7- 8 ਹਜ਼ਾਰ ਰੁਪਏ ਚ ਵੇਚਦਾ ਸੀ | ਉਥੇ ਹੀ ਪੁਲਿਸ ਅਧਿਕਾਰੀਆਂ ਮੁਤਾਬਿਕ ਇਸ ਨੌਜਵਾਨ ਕੋਲੋਂ ਹੁਣ 10 ਚੋਰੀ ਕੀਤੇ ਮੋਟਰਸਾਈਕਲ ਬਰਾਮਦ ਕੀਤੇ ਹਨ ਜਦਕਿ ਇਸ ਨੌਜਵਾਨ ਸੰਦੀਪ ਦੇ ਖਿਲਾਫ ਪਹਿਲਾ ਵੀ ਕਰੀਬ ਵੱਖ ਵੱਖ ਥਾਣਿਆਂ ਚ 12 ਕੇਸ ਦਰਜ ਹਨ ,ਜਿਹਨਾਂ ਚ ਚੋਰੀ ਅਤੇ ਨਸ਼ੇ ਅਤੇ ਜੇਲ ਚ ਨਾਜਾਇਜ ਢੰਗ ਨਾਲ ਮੋਬਾਈਲ ਫੋਨ ਰੱਖਣ ਦੇ ਮਾਮਲੇ ਦਰਜ ਹਨ ਅਤੇ ਤਿੰਨ ਮਹੀਨੇ ਪਹਿਲਾ ਇਹ ਜਮਾਨਤ ਤੇ ਜੇਲ ਚੋ ਆਇਆ ਬਾਹਰ |