ਸਿਹਤ ਵਿਭਾਗ ਵਲੋਂ "ਵਰਡ ਸਟਰੋਕ ਦਿਵਸ" ਮਨਾਇਆ

ਬਟਾਲਾ,29 ਅਕਤੂਬਰ (ਨੀਰਜ ਸ਼ਰਮਾ, ਜਸਬੀਰ ਸਿੰਘ) ਸਿਵਲ ਸਰਜਨ ਗੁਰਦਾਸਪੁਰ ਡਾ. ਹਰਭਜਨ ਰਾਮ ਮਾਂਡੀ ਦੀਆਂ ਹਦਾਇਤਾਂ ਤੇ ਸੀਨੀਅਰ ਮੈਡੀਕਲ਼ ਅਫਸਰ ਡਾ. ਵਿਕਰਮਜੀਤ ਸਿੰਘ ਦੀ ਰਹਿਨੁਮਾਈ ਹੇਠ "ਵਰਡ ਸਟਰੋਕ ਦਿਵਸ" ਪੀ. ਐਚ. ਸੀ. ਭੁੱਲਰ ਵਿਖ਼ੇ ਮਨਾਇਆ ਗਿਆ ਇਸ ਮੌਕੇ ਐਸ. ਐਮ. ਓ. ਡਾ ਵਿਕਰਮਜੀਤ ਸਿੰਘ ਨੇ ਪਿੰਡ ਭੁੱਲਰ ਤੇ ਆਸ ਪਾਸ ਦੇ ਪਿੰਡਾਂ ਦੇ ਆਏ ਹੋਏ ਲੋਕਾਂ ਨੂੰ ਲੱਕਵੇ ਦੇ ਰੋਗ ਬਾਰੇ ਇਹ ਰੋਗ ਕਿਵੇ ਹੁੰਦਾ ਹੈ ਇਸ ਰੋਗ ਦੀਆਂ ਨਿਸ਼ਾਨੀਆਂ ਤੇ ਇਸ ਤੋਂ ਬਚਾਓ ਬਾਰੇ ਵਿਸਥਾਰ ਪੂਰਵਕ ਜਾਣਕਾਰੀ ਦਿੱਤੀ ਗਈ। ਉਨ੍ਹਾਂ ਅੱਗੇ ਦੱਸਿਆ ਕਿ ਡੇਂਗੂ ਦਾ ਸੀਜ਼ਨ ਚੱਲ ਰਿਹਾ ਹੈ ਇਸ ਤੋਂ ਬਚਾਓ ਬਾਰੇ ਆਪਣੇ ਆਲੇ -ਦੁਆਲੇ ਦੀ ਸਫ਼ਾਈ ਤੇ ਪਾਣੀ ਇਕੱਠਾ ਨਾ ਹੋਣ ਦਿੱਤਾ ਜਾਵੇ ਹਰ ਸ਼ੁਕਵਾਰ ਡਰਾਈ-ਡੇ ਦੇ ਤੌਰ ਤੇ ਮਨਾਇਆ ਜਾਵੇ ਆਪਣੇ ਘਰਾਂ ਵਿੱਚ ਪਏ ਕੁਲਰਾਂ ਵਿੱਚ, ਪਾਣੀ ਫਰਿਜਾ ਦੀਆਂ ਵੇਸਟ ਪਾਣੀ ਵਾਲੀਆਂ ਟਰੇਅ,ਟੁੱਟੇ ਭੱਜੇ ਬਰਤਨਾਂ ਵਿੱਚ ਬਰਸਾਤਾਂ ਦੇ ਪਏ ਪਾਣੀ ਵਿੱਚ, ਟਾਇਰਾਂ ਦੇ ਪਾਣੀ ਵਿੱਚ, ਪਾਣੀ ਦੀਆਂ ਹੋਦੀਆਂ ਵਿੱਚ ਪਏ ਪਾਣੀ ਨੂੰ ਹਰ ਸ਼ੁੱਕਰਵਾਰ ਕੱਢ ਕਿ ਚੰਗੀ ਤਰ੍ਹਾਂ ਸਾਫ਼ ਕੀਤਾ ਜਾਵੇ, ਖੜ੍ਹੇ ਪਾਣੀ ਉਪਰ ਸੜ੍ਹਿਆ ਤੇਲ ਪਾਇਆ ਜਾਵੇ ਤਾਂ ਜੋ ਕਿ ਮੱਛਰ ਦੀ ਪੈਦਾਵਾਰ ਨੂੰ ਰੋਕਿਆ ਜਾਂ ਸਕੇ l ਬਚਾਓ ਲਈ ਸਰੀਰ ਨੂੰ ਪੂਰੇ ਢੱਕਣ ਵਾਲੇ ਕੱਪੜੇ ਪਾਏ ਜਾਣ, ਟੀ. ਬੀ. ਵਾਲੇ ਮਰੀਜ਼ ਇਲਾਜ਼ ਲਈ ਗੋਦ ਲਏ ਜਾਣ, ਟੀ. ਬੀ. ਦੀ ਅਤੇ ਡੇਂਗੂ ਦੀ ਦਵਾਈ ਸਾਰੇ ਸਰਕਾਰੀ ਹਸਪਤਾਲ ਤੋਂ ਮੁਫ਼ਤ ਦਿੱਤੀ ਜਾਂਦੀ ਹੈ l ਮੀਟਿੰਗ ਵਿੱਚ ਆਏ ਸਿਹਤ ਕਰਮਚਾਰੀਆਂ ਨੂੰ ਕਿਹਾ ਗਿਆ ਕਿ ਇਹ ਸਭ ਜਾਣਕਾਰੀ ਦੇ ਕੇ ਲੋਕਾਂ ਨੂੰ ਵੱਧ ਤੋਂ ਵੱਧ ਜਾਗਰੂਕਿਤ ਕੀਤਾ ਜਾਵੇ l ਇਸ ਮੌਕੇ ਤਰਸੇਮ ਸਿੰਘ ਗਿੱਲ ਹੈਲਥ ਇੰਸਪੈਕਟਰ,ਜਗਪਾਲ ਰਾਏ ਹੈਲਥ ਇੰਸਪੈਕਟਰ, ਅਮਰੀਕ ਰਾਜ ਹੈਲਥ ਇੰਸਪੈਕਟਰ,ਹਰਦੇਵ ਸਿੰਘ ਤੇ ਹੋਰ ਸਿਹਤ ਕਰਮਚਾਰੀ ਹਾਜ਼ਰ ਸਨ l