ਬਟਾਲਾ 'ਚ ਸੀਵਰੇਜ ਖਰਾਬੀ ਦਾ ਖਮਿਆਜਾ ਭੁਗਤ ਰਹੇ ਲੋਕ

ਬਟਾਲਾ 9 ਸਤੰਬਰ(ਡਾ ਬਲਜੀਤ ਸਿੰਘ .ਨੀਰਜ ਸ਼ਰਮਾ ਜਸਬੀਰ ਸਿੰਘ ) ਬਟਾਲਾ ਦੇ ਮੁਹੱਲਾ ਕਿਲਾ ਮੰਡੀ ਵਿਖੇ ਸੀਵਰੇਜ ਦੀ ਲੀਕੇਜ ਕਾਰਨ 10 ਦੇ ਕਰੀਬ ਘਰਾਂ ਦੀਆਂ ਛੱਤਾਂ ਅਤੇ ਦੀਵਾਰਾਂ ਵਿੱਚ ਦਰਾਰਾਂ ਆ ਚੁੱਕੀਆਂ ਹਨ, ਮਕਾਨਾਂ ਦੇ ਫ਼ਰਸ਼ ਅਤੇ ਗਲੀਆਂ ਬੈਠ ਚੁੱਕੀਆਂ ਹਨਇਸ ਦੇ ਕਾਰਨ ਕਦੇ ਵੀ ਕੋਈ ਵੱਡਾ ਹਾਦਸਾ ਵਾਪਰ ਸਕਦਾ ਹੈ। ਉਥੇ ਹੀ ਮੂਹੱਲਾ ਨਿਵਾਸੀਆਂ ਵੱਲੋਂ ਐਸ ਡੀ ਐਮ ਬਟਾਲਾ ਨੂੰ ਕੀਤੀਆਂ ਲਿਖਤੀ ਸ਼ਿਕਾਇਤਾਂ ਦੇ ਬਾਵਜੂਦ ਘਰਾਂ ਦੇ ਮਾਲਿਕਾਂ ਦੀ ਕੀਤੇ ਕੋਈ ਸੁਣਵਾਈ ਨਹੀਂ ਹੋ ਰਹੀ। ਸ਼ਾਇਦ ਬਟਾਲਾ ਪ੍ਰਸ਼ਾਸਨ ਕਿਸੇ ਵੱਡੇ ਹਾਦਸੇ ਦੇ ਵਾਪਰਨ ਤੋਂ ਬਾਅਦ ਵੀ ਜਾਗੇਗਾ ਅਤੇ ਇਸ ਵੱਲ ਧਿਆਨ ਦੇਵੇਗਾ। ਕਿਲਾ ਮੰਡੀ ਬਟਾਲਾ ਦੇ 10 -12 ਘਰਾਂ ਦੀਆਂ ਦੀਵਾਰਾਂ ਛੱਤਾਂ ਅਤੇ ਫ਼ਰਸ਼ ਵਿਚ ਮੋਟੀਆਂ-ਮੋਟੀਆਂ ਦਰਾਰਾਂ ਆ ਗਈਆਂ ਹਨ। ਇਨ੍ਹਾਂ ਘਰਾਂ ਦੇ ਇਹ ਹਾਲਾਤ ਬਣਨ ਦੇ ਪਿੱਛੇ ਕਾਰਨ ਹੈ ਇਥੇ ਪਾਇਆ ਗਿਆ ਸੀਵਰੇਜ।ਸੀਵਰੇਜ ਦੇ ਵਿੱਚ ਵੱਡੀ ਹੋ ਰਹੀ ਭਾਰੀ ਲੀਕੇਜ ਕਾਰਨ ਹੀ ਇਨ੍ਹਾਂ ਮਕਾਨਾਂ ਵਿੱਚ ਰਹਿਣ ਵਾਲੇ ਸਹਿਮ ਭਰੀ ਜ਼ਿੰਦਗੀ ਜੀ ਰਹੇ ਹਨ ਕਿਉਂਕਿ ਦੀਵਾਰਾਂ ਅਤੇ ਛੱਤਾਂ ਵਿਚ ਦਰਾਰਾਂ ਆਉਣ ਕਾਰਨ ਕਦੇ ਵੀ ਕੋਈ ਵੱਡਾ ਹਾਦਸਾ ਵਾਪਰ ਸਕਦਾ ਹੈ।ਇਨ੍ਹਾਂ ਘਰਾਂ ਦੇ ਪੀੜਤ ਮਾਲਕਾਂ ਵਲੋਂ ਦੱਸਿਆ ਗਿਆ ਕਿ ਸੀਵਰੇਜ ਦੀ ਲੀਕੇਜ ਕਾਰਨ ਇਨ੍ਹਾਂ ਘਰਾਂ ਦੀਆਂ ਛੱਤਾਂ ਅਤੇ ਦੀਵਾਰਾਂ ਵਿੱਚ ਵੱਡੀਆ ਵੱਡੀਆ ਤਰੇੜਾਂ ਪੈ ਚੁਕੀਆਂ ਹਨ, ਮਕਾਨਾਂ ਦੇ ਫ਼ਰਜ਼ ਵੀ ਬੈਠਦੇ ਜਾ ਰਹੇ ਹਨ।ਕਈ ਵਾਰ ਪ੍ਰਸ਼ਾਸਨ ਅਤੇ ਬਟਾਲਾ ਐਸ ਡੀ ਐਮ ਨੂੰ ਲਿਖਤੀ ਸ਼ਿਕਾਇਤਾਂ ਕੀਤੀਆਂ ਗਈਆਂ ਕਿ ਇਸ ਸੀਵਰੇਜ ਦੀ ਹੋ ਰਹੀ ਲੀਕੇਜ ਨੂੰ ਠੀਕ ਕਰਵਾਇਆ ਜਾਵੇ ਪਰ ਸਾਡੀ ਕੀਤੇ ਕੋਈ ਸੁਣਵਾਈ ਨਹੀਂ ਹੋਈ ਅਤੇ ਹੁਣ ਜਿਵੇ ਜਿਵੇ ਸਮਾਂ ਬੀਤ ਰਿਹਾ ਹੈ ਤੇ ਘਰਾਂ ਦੇ ਹਾਲਾਤ ਇਹ ਹੋ ਰਹੇ ਹਨ ਕਿ ਸਾਨੂੰ ਡਰ ਲਗਦਾ ਹੈ ਕੇ ਇਹ ਘਰ ਕਦੇ ਵੀ ਡਿਗ ਜਾਣਗੇ।ਇਕ ਦੋ ਘਰਾਂ ਦੇ ਪਰਿਵਾਰ ਤਾਂ ਆਪਣੇ ਘਰਾਂ ਨੂੰ ਤਾਲੇ ਮਾਰ ਕੇ ਕਿਤੇ ਹੋਰ ਚਲੇ ਗਏ ਹਨ। ਉਹਨਾ ਸਰਕਾਰ ਅਤੇ ਪ੍ਰਸ਼ਾਸਨ ਅੱਗੇ ਗੁਹਾਰ ਲਗਾਈ ਹੈ ਕਿ ਜਲਦ ਤੋਂ ਜਲਦੀ ਇਸ ਮੁਹੱਲੇ ਦਾ ਸੀਵਰੇਜ ਠੀਕ ਕਰਵਾ ਕੇ ਦਿੱਤਾ ਜਾਵੇ।