ਬਲਾਕ ਪੱਧਰ ਕਬੱਡੀ ਮੈਚ ਵਿਚ ਪਿੰਡ ਢਡਿਆਲਾ ਨੱਤ ਦੀਆਂ ਟੀਮਾਂ ਜੇਤੂ ਰਹੀਆਂ .> ਕੋਚ ਲਖਨ ਢਡਿਆਲਾ

ਬਟਾਲਾ 27 ਸਤੰਬਰ (ਡਾ ਬਲਜੀਤ ਸਿੰਘ ਢਡਿਆਲਾ.ਨੀਰਜ ਸ਼ਰਮਾ. ਜਸਬੀਰ ਸਿੰਘ ) ਖੇਡਾਂ ਵਤਨ ਪੰਜਾਬ ਦੀਆਂ 2022 ਦੇ ਤਹਿਤ ਹਲਕਾ ਫਤਿਹਗੜ੍ਹ ਚੂੜੀਆਂ ਦੇ ਬਲਾਕ ਪੱਧਰ ਤੇ ਕਬੱਡੀ ਮੈਚ ਗੁਰੂ ਨਾਨਕ ਕਾਲਜ ਕਾਲਾ ਅਫਗਾਨਾ ਵਿਖੇ ਕਰਵਾਇਆ ਗਿਆ .ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆਂ ਇੰਟਰਨੈਸ਼ਨਲ ਕਬੱਡੀ ਖਿਡਾਰੀ ਅਤੇ ਕਬੱਡੀ ਕੋਚ ਲਖਨ ਸਿੰਘ ਢਡਿਆਲਾ ਨੇ ਦੱਸਿਆ ਕਿ ਅੰਡਰ 14 ਸਾਲ ਅਤੇ ਅੰਡਰ 17 ਸਾਲ ਅਤੇ ਅੰਡਰ 21 ਸਾਲ ਬਾਬਾ ਸ੍ਰੀ ਚੰਦ ਕਬੱਡੀ ਕਲੱਬ ਢਡਿਆਲਾ ਨੱਤ ਦੀਆਂ ਟੀਮਾਂ ਜੇਤੂ ਰਹੀਆਂ ਅਤੇ ਇਸੇ ਤਰ੍ਹਾਂ ਹੀ ਇਹ ਤਿੰਨੇ ਟੀਮਾਂ ਗੁਰਦਾਸਪੁਰ ਜ਼ਿਲ੍ਹਾ ਪੱਧਰ ਤੇ ਜੋ ਗੌਰਮਿੰਟ ਕਾਲਜ ਗੁਰਦਾਸਪੁਰ ਵਿਖੇ ਕਬੱਡੀ ਮੈਚ ਹੋਏ ਉਨ੍ਹਾਂ ਵਿੱਚੋਂ ਵੀ ਜੇਤੂ ਰਹੀਆਂ ਅਤੇ ਇਹ ਟੀਮਾਂ ਹੁਣ ਸਟੇਟ ਖੇਡਣ ਦੀ ਤਿਆਰੀ ਕਰ ਰਹੀਆਂ ਹਨ .ਕਬੱਡੀ ਕੋਚ ਲਖਨ ਢਡਿਆਲਾ ਨੇ ਅੱਗੇ ਕਿਹਾ ਕਿ ਨੌਜਵਾਨ ਪੀੜ੍ਹੀ ਨੂੰ ਨਸ਼ਿਆਂ ਨੂੰ ਤਿਆਗ ਕੇ ਖੇਡਾਂ ਵੱਲ ਖਾਸ ਧਿਆਨ ਦਿਓ ਅਤੇ ਸਾਡੇ ਨਾਲ ਜੁੜੋ ਤਾਂ ਜੋ ਅਸੀਂ ਤੁਹਾਨੂੰ ਚੰਗੇ ਕਬੱਡੀ ਖਿਡਾਰੀ ਬਣਾ ਸਕੀਏ .