ਸਿੱਧੀ ਬਿਜਾਈ ਵਾਲੇ ਝੋਨੇ ਦੇ ਖੇਤਾਂ ਦਾ ਨਿਰੀਖਣ ਕੀਤਾ ਹੈ

ਅੰਮ੍ਰਿਤਸਰ,9ਅਗਸਤ(ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ, ਨੀਰਜ ਸ਼ਰਮਾ) - ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਵਿਭਾਗ, ਬਲਾਕ ਮਜੀਠਾ ਦੇ ਅਧਿਕਾਰੀਆਂ ਵੱਲੋਂ ਸਿੱਧੀ ਬਿਜਾਈ ਵਾਲੇ ਝੋਨੇ ਦੇ ਖੇਤਾਂ ਦਾ ਨਿਰੀਖਣ ਕੀਤਾ।ਇਸ ਦੌਰਾਨ ਖੇਤੀਬਾੜੀ ਵਿਕਾਸ ਅਫਸਰ ਹਰਜਿੰਦਰ ਸਿੰਘ ਅਤੇ ਅਮਨਪ੍ਰੀਤ ਸਿੰਘ ਨੇ ਪਿੰਡ ਕੋਟਲਾ ਸੈਦਾਂ ਦੇ ਝੋਨੇ ਦੀ ਸਿੱਧੀ ਬਿਜਾਈ ਕਰਨ ਵਾਲੇ ਕਿਸਾਨ ਸਵਿੰਦਰ ਸਿੰਘ,ਰਾਜਦੀਪ ਸਿੰਘ, ਹੈਪੀ ਸਿੰਘ,ਮਨਿੰਦਰ ਸਿੰਘ ਦੇ ਖੇਤਾਂ ਦਾ ਨਿਰੀਖਣ ਕਰਕੇ ਝੋਨੇ ਦੀ ਫਸਲ ਬਾਰੇ ਜਾਣਕਾਰੀ ਦਿੱਤੀ।ਕਿਸਾਨ ਭਰਾਵਾਂ ਨੂੰ ਅਪੀਲ ਕੀਤੀ ਕਿ ਝੋਨੇ ਵਿੱਚ ਫੋਕ ਘਟਾਉਣ ਲਈ ਜਦੋ ਝੋਨਾ ਗੋਭ ਵਿੱਚ ਹੋਵੇ ਤਾਂ 1.5% ਪੋਟਾਸੀਅਮ ਨਾਈਟ੍ਰੇੇੇੇਟ (3 ਕਿਲੋ ਪੋਟਾਸ਼ੀਅਮ ਨਾਈਟ੍ਰੇੇੇੇਟ) 200 ਲਿਟਰ ਪਾਣੀ ਵਿੱਚ ਪ੍ਰਤੀ ਏਕੜ ਦਾ ਛਿੜਕਾਅ ਕਰੋ।ਇਸ ਦੇ ਨਾਲ ਕਿਸਾਨਾ ਨੂੰ ਦੱਸਿਆ ਕਿ ਇਸ ਸਮੇ ਝੋਨੇ ਦੇ ਤਨੇ ਦੁਆਲੇ ਝੁਲਸ ਰੋਗ ਕੁਝ ਖੇਤਾਂ ਵਿੱਚ ਦੇਖਣ ਨੂੰ ਮਿਲ ਰਹਿਆ ਹੈ।ਇਸ ਬਿਮਾਰੀ ਦੀ ਪਛਾਣ ਤਣੇ ਉਪਰ ਸਲੇਟੀ ਰੰਗ ਦੇ ਧੱਬੇ ਪਾਣੀ ਦੀ ਸਤਾਂ ਉਪਰ ਪੈ ਜਾਂਦੇ ਹਨ।ਇਹ ਧੱਬੇ ਬਾਅਦ ਵਿੱਚ ਵੱਧ ਕੇ ਇੱਕ ਦੂਜੇ ਨਾਲ ਮਿਲ ਜਾਂਦੇ ਹਨ।ਇਸ ਰੋਗ ਨੂੰ ਰੋਕਣ ਲਈ ਜੇ ਇਹ ਬਿਮਾਰੀਆਂ ਦੀ ਨਿਸ਼ਾਨੀਆਂ ਨਜ਼ਰ ਆਉਣ 150 ਮਿਲੀਲਿਟਰ ਪਲੱਸਰ 24 ਐਸ ਸੀ (ਥਾਈਫਲੂਜਾਮਾਈਡ) ਜਾਂ 80 ਗਾਮ੍ਰ ਨਟੀਵੋ 75 ਡਬਲਜੂ ਜੀ ਨੂੰ 200 ਲਿਟਰ ਪਾਣੀ ਵਿੱਚ ਘੋਲ ਕੇ ਪ੍ਰਤੀ ਏਕੜ ਛਿੜਕਾਅ ਕਰਨ ਦੀ ਸ਼ਿਫਾਰਸ ਕੀਤੀ । ਇਸ ਤੋ ਇਲਾਵਾ ਪਰਾਲੀ ਨੂੰ ਖੇਤਾਂ ਵਿੱਚ ਮਿਲਾਉਣ ਲਈ ਪੰਜਾਬ ਸਰਕਾਰ ਵੱਲੋਂ ਦਿੱਤੀ ਜਾਣ ਵਾਲੀ ਸਬਸਿਡੀ 15 ਅਗਸਤ ਤੱਕ ਅਪਲਾਈ ਕਰਕੇ ਲਾਭ ਲੈਣ ਲਈ ਜਾਣੂ ਕਰਵਾਇਆ ਗਿਆ। ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।