ਰੂਰਲ ਵੈਟਨਰੀ ਫਾਰਮਾਸਿਸਟ ਦਰ ਦਰ ਦੀਆਂ ਠੋਕਰਾਂ ਖਾਣ ਲਈ ਮਜਬੂਰ

ਅੰਮ੍ਰਿਤਸਰ ,5 ਜੁਲਾਈ (ਵਿੱਕੀ / ਪੱਡਾ )ਰੂਰਲ ਵੈਟਨਰੀ ਫਾਰਮਾਸਿਸਟ ਯੂਨਾਇੰਟਡ ਫਰੰਟ ਪੰਜਾਬ ਦੀ ਜ਼ਿਲਾ ਅੰਮ੍ਰਿਤਸਰ ਇਕਾਈ ਦੀ ਇਕ ਹੰਗਾਮੀ ਮੀਟਿੰਗ ਅੱਜ ਕਸਬਾ ਜੇਠੂਵਾਲ ਵਿਖੇ ਯੂਨੀਅਨ ਦੇ ਜਿਲਾ ਪ੍ਰਧਾਨ ਸਿਮਰਨਜੀਤ ਸਿ਼ੰਘ ਮਾਹਲ ਦੀ ਅਗਵਾਈ ਹੇਠ ਹੋਈ ।ਇਸ ਮੌਕੇ ਤੇ ਯੂਨਾਇੰਟਡ ਫਰੰਟ ਪੰਜਾਬ ਦੇ ਵੱਖ-ਵੱਖ ਬੁਲਾਰਿਆ ਨੇ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਵੈਟਨਰੀ ਫਾਰਮਾਸਿਸਟ ਪਿਛਲ਼ੇ ਡੇਢ ਦਹਾਕੇ ਤੋਂ ਪਸ਼ੂ ਹਸਪਤਾਲਾਂ ਵਿਚ ਨਿਗੂਣੀਆਂ ਤਨਖਾਹਾਂ ਤੇ ਕੰਮ ਕਰਦੇ ਆ ਰਹੇ ਹਨ । ਜਿੱਥੇ ਪਿਛਲੀਆਂ ਸਰਕਾਰਾਂ ਨੇ ਓਹਨਾ ਦਾ ਰੱਜ ਕੇ ਸ਼ੋਸ਼ਣ ਕੀਤਾ ਉਥੇ ਹੀ ਹੁਣ ਮੌਜੂਦਾ ਆਮ ਆਦਮੀ ਪਾਰਟੀ ਸਰਕਾਰ ਵੀ ਓਹਨਾ ਦੀਆਂ ਮੰਗਾਂ ਵੱਲ ਕੋਈ ਧਿਆਨ ਨਹੀਂ ਦੇ ਰਹੀ । ਓਹਨਾਂ ਅੱਗੇ ਕਿਹਾ ਕਿ ਯੂਨੀਅਨ ਦਾ ਇਕ ਵਫ਼ਦ ਛੇਤੀ ਹੀ ਪਸੂ ਪਾਲਣ ਵਿਭਾਗ ਦੇ ਨਵੇਂ ਬਣੇ ਮੰਤਰੀ ਸ੍ਰ ਲਾਲਜੀਤ ਸਿੰਘ ਭੁੱਲਰ ਨੂੰ ਮਿਲ ਕੇ ਆਪਣੀਆਂ ਮੰਗਾਂ ਤੋਂ ਜਾਣੂ ਕਰਵਾਏਗਾ ਤਾਂ ਜੋ ਪਿਛਲੇ ਲੰਬੇ ਸਮੇਂ ਤੋਂ ਯੂਨੀਅਨ ਦੀਆ ਲਟਕ ਰਹੀਆਂ ਮੰਗਾਂ ਨੂੰ ਪੂਰਾ ਕਰਵਾਇਆ ਜ ਸਕੇ । ਇਸ ਮੀਟਿੰਗ ਵਿਚ ਯੂਨਾਇੰਟਡ ਫਰੰਟ ਪੰਜਾਬ ਦੇ ਕਮੇਟੀ ਮੈਬਰ ਬਲਰਾਜ ਸਿ਼ੰਘ ਫਰੀਦਕੋਟ ,ਗੁਰਵਰਿੰਦਰ ਸਿ਼ੰਘ ਰਿਆੜ ਅਮਿ੍ਤਸਰ,ਸੁਖਰਾਜ ਸਿ਼ੰਘ ਤਰਨਤਾਰਨ,ਮਨਪ੍ਰੀਤ ਸਿ਼ੰਘ ,ਸਿਮਰਨਜੀਤ ਸਿ਼ੰਘ ਅਮ੍ਰਿਤਸਰ,ਗੁਰਜੀਤ ਸਿ਼ੰਘ ,ਰਾਜਵੰਤ ਸਿ਼ੰਘ ਤਰਨਤਾਰਨ ,ਗੁਰਿੰਦਰ ਸਿ਼ੰਘ ਤੋਂ ਇਲਾਵਾ ਜ਼ਿਲ੍ਹਾ ਅੰਮ੍ਰਿਤਸਰ ਦੇ ਫਾਰਮਾਸਿਸਟ ਵੱਡੀ ਗਿਣਤੀ ਚ ਹਾਜਰ ਸਨ । ਕੈਪਸਨ ਰੂਰਲ ਵੈਟਰਨਰੀ ਫਾਰਮਾਸਿਸਟ ਫਰੰਟ ਦੇ ਪ੍ਰਧਾਨ ਸਿਮਰਨਜੀਤ ਸਿੰਘ ਮਾਹਲ, ਸਟੇਟ ਕਮੇਟੀ ਮੈਂਬਰ ਬਲਰਾਜ ਸਿੰਘ ਫਰੀਦਕੋਟ ਤੇ ਹੋਰ ਫਾਰਮਾਸਿਸਟ ਮੀਟਿੰਗ ਚ ਹਿੱਸਾ ਲੈਣ ਉਪਰੰਤ ।