ਬਟਾਲਾ 8 ਅਪਰੈਲ(ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ, ਨੀਰਜ ਸ਼ਰਮਾ ) - ਡਾ ਗਗਨਦੀਪ ਖਿੰਦੜੀਆ ਅਤੇ ਡਾ ਬਲਜੀਤ ਸਿੰਘ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਜਦੋਂ ਕਦੇ ਬਿਜਲੀ ਬੰਦ ਹੁੰਦੀ ਹੈ ਤਾਂ ਪਹਿਲਾਂ ਖਪਤਕਾਰ ਗਾਲ ਕੱਢਦਾ ਹੈ ,
ਮਰ ਗਏ ਬਿਜਲੀ ਵਾਲੇ , ਫਿਰ ਅਫਸਰ ਕਹਿੰਦੇ ਨੇ ਜਲਦੀ ਜਲਦੀ ਹੱਲ ਕਰੋ ਫਾਲਟ ਜ਼ਿਆਦਾ ਦੇਰ ਨਹੀ ਲੱਗਣੀ ਚਾਹੀਦੀ , ਚਾਹੇ ਗਰਮੀ ਹੋਵੇ ਸਰਦੀ ਹੋਵੇ ਜਾਂ ਬਰਸਾਤ ਹੋਵੇ , ਗਾਲਾਂ ਗਾਲਾਂ ਬੱਸ ਗਾਲਾਂ , ਸਾਡੇ ਕਈ ਸਾਥੀ ਇਸ ਜਲਦਬਾਜੀ ਦੀ ਭੇਟ ਚੜੇ ਨੇ ਸਿੱਧਾ ਬੋਲਾਂ ਤਾਂ ਬਹੁਤ ਸਾਥੀ ਨੇ ਜ਼ਿਹਨਾਂ ਦੀ ਕਰੰਟ ਲੱਗਣ ਨਾਲ ਮੌਤ ਹੋਈ ਹੈ ਜਦੋਂ ਬਿਜਲੀ ਮੁਲਾਜ਼ਮ ਮਰ ਜਾਂਦਾ ਹੈ ਤਾਂ ਮਹਿਕਮਾ ਉਸਦੇ ਪਰਿਵਾਰ ਨੂੰ ਕੋਈ ਸਹੂਲਤ ਦੇਣ ਦੀ ਬਜਾਇ ਉਲਟਾ ਉਸਦਾ ਕਸੂਰ ਕੱਢ ਕੇ ਜ਼ਿੰਮੇਵਾਰ ਮਰ ਚੁੱਕੇ ਨੂੰ ਹੀ ਬਣਾ ਦਿੱਤਾ ਜਾਂਦਾ ਹੈ , ਇਸ ਮੁੱਦੇ ਤੇ ਕਦੇ ਕੋਈ ਨਹੀਂ ਬੋਲਦਾ ਖਪਤਕਾਰ ਤਾਂ ਕੀ ਕਾਹਲ਼ੀ ਪਾਉਣ ਵਾਲੇ ਅਫਸਰ ਵੀ ਚੁੱਪ ਹੋ ਜਾਂਦੇ ਨੇ , ਜਦੋਂ ਕੋਈ ਫ਼ੌਜੀ ਪੁਲਿਸ ਵਾਲਾ ਸ਼ਹੀਦ ਹੁੰਦਾ ਹੈ ਉਸਦਾ ਸਨਮਾਨ ਕੀਤਾ ਜਾਂਦਾ ਹੈ , ਜੋ ਬਿਲਕੁਲ ਸਹੀ ਹੈ ਸਨਮਾਨ ਯੋਗ ਕਦਮ ਹੈ ਉਸਨੇ ਦੇਸ਼ ਦੇ ਲੋਕਾਂ ਲਈ ਆਪਣਾ ਆਪ ਨਿਛਾਵਰ ਕੀਤਾ ਹੁੰਦਾ , ਪਰ ਕੀ ਬਿਜਲੀ ਮੁਲਾਜ਼ਮ ਨਾਲ ਜਦੋਂ ਇਸ ਤਰਾਂ ਹੁੰਦਾ ਉਹ ਸਨਮਾਨ ਦਾ ਹੱਕਦਾਰ ਨਹੀਂ ? ਕੀ ਉਸਦੇ ਘਰ-ਵਾਲੇ ਪਿੱਛੇ ਨਹੀਂ ਹੁੰਦੇ ? ਕੀ ਉਸਦੇ ਘਰ ਬੱਚੇ ਨਹੀਂ ਹੁੰਦੇ ? ਕੀ ਇਹ ਨੌਕਰੀ ਹੀ ਗਾਲਾਂ ਖਾਣ ਨੂੰ ਹੈ ? ਜੇਕਰ ਤੁਸੀਂ ਬਿਜਲੀ ਮੁਲਾਜ਼ਮ ਨੂੰ ਇਹ ਸਨਮਾਨ ਨਹੀਂ ਦਿਵਾ ਸਕਦੇ ਤਾਂ ਹੱਥ ਜੋੜ ਕੇ ਬੇਨਤੀ ਹੈ ਗਾਲਾਂ ਕੱਢਣ ਲੱਗਿਆ ਜ਼ਰੂਰ ਸੋਚ ਲਿਆ ਕਰੋ ਕਿ ਉਹ ਵੀ ਕਿਸੇ ਪਰਿਵਾਰ ਦਾ ਹਿੱਸਾ ਹੈ ਸਾਡੀ ਕਾਹਲ਼ੀ ਕਰਕੇ ਕਿਤੇ ਵਿਚਾਰਾ ਜ਼ਿੰਦਗੀ ਤੋਂ ਹੱਥ ਨਾ ਧੋ ਬੈਠੇ ਤੁਹਾਡੀ ਬੱਤੀ ਤਾਂ ਥੋੜੀ ਲੇਟ ਵੀ ਜਲ ਜਾਊ ਪਰ ਉਸ ਘਰ ਦਾ ਦੀਵਾ ਹਮੇਸ਼ਾ ਲਈ ਬੁੱਝ ਸਕਦਾ ਹੈ।
ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।
COMMENTS