ਅੰਮ੍ਰਿਤਸਰ,13 ਮਾਰਚ(ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ, ਨੀਰਜ ਸ਼ਰਮਾ)- ਕੌਮਾਂਤਰੀ ਮਹਿਲਾ ਦਿਵਸ ਸਮੇਂ ਆਂਗਨਵਾੜੀ ਸਕੂਲ ਪੰਚਾਇਤ ਘਰ ਜੇਠੂਵਾਲ ਵਿਖੇ ਸਮਾਜ ਸੇਵਿਕਾ ਅਵਨੀਤ ਲਿਖਾਰੀ ਅਤੇ ਸਹਿਯੋਗੀ ਗੁਰਵਿੰਦਰਜੀਤ ਕੌਰ ਦੇ ਸਹਿਯੋਗ ਨਾਲ ਮਹਿਲਾ ਸ਼ਕਤੀ ਦਿਵਸ ਮਨਾਇਆ ਗਿਆ। ਇਸ ਸਮੇਂ ਆਂਗਨਵਾੜੀ ਦੀਆਂ ਲਾਭਪਾਤਰੀ ਕਰੀਬ 70 ਅੋਰਤਾਂ ਨੇ ਹਿੱਸਾ ਲਿਆ। ਇਸ ਮੌਕੇ ਗ੍ਰਾਮ ਪੰਚਾਇਤ ਜੇਠੂਵਾਲ ਦੇ ਸਰਪੰਚ ਜਸਬੀਰ ਸਿੰਘ ਨੇ ਅਵਨੀਤ ਲਿਖਾਰੀ
ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਜਦੋਂ ਵੀ ਸਰਕਾਰ ਵੱਲੋਂ ਲਾਭਪਾਤਰੀ ਬੀਬੀਆਂ ਅਤੇ ਬੱਚਿਆਂ ਵਾਸਤੇ ਸਹੂਲਤਾਂ ਆਉਂਦੀਆਂ ਹਨ ਤਾਂ ਇਹਨਾ ਵੱਲੋਂ ਮੌਕੇ ਤੇ ਹੀ ਮਹੱਈਆ ਕਰਵਾ ਦਿੱਤੀਆਂ ਜਾਂਦੀਆਂ ਹਨ। ਇਸ ਮੌਕੇ ਅਵਨੀਤ ਲਿਖਾਰੀ ਨੇ ਔਰਤਾਂ ਨੂੰ ਆਪਣੇ ਹੱਕਾਂ ਪ੍ਰਤੀ ਜਾਗਰਿਤ ਕੀਤਾ ਅਤੇ ਸਰਕਾਰ ਵੱਲੋਂ ਜੋ ਸਹੂਲਤਾਂ ਆਉਂਦੀਆਂ ਹਨ। ਉਹਨਾ ਬਾਰੇ ਭਰਪੂਰ ਜਾਣਕਾਰੀ ਦਿੱਤੀ। ਉਹਨਾ ਨੇ ਰੈਡ ਕਰਾਸ ਸੁਸਾਇਟੀ ਵੱਲੋਂ ਵੈਕਸੀਨ ਕੈਂਪ ਵਿੱਚ ਲਾਈ ਗਈ ਡਿਊਟੀ ਦੌਰਾਨ ਲੋਕਾਂ ਨੂੰ ਵੈਕਸੀਨ ਪ੍ਰਤੀ ਪ੍ਰੇਰਿਤ ਕੀਤਾ। ਜਿਲਾ ਕਨੂੰਨੀ ਸੇਵਾਵਾਂ ਅਥਾਰਿਟੀ ਅੰਮ੍ਰਿਤਸਰ ਵੱਲੋਂ ਮਿਲ ਰਹੀਆਂ ਮੁਫਤ ਸੇਵਾਵਾਂ ਪ੍ਰਤੀ ਵੀ ਜਾਗਰਿਤ ਕਰਾਇਆ ਗਿਆ। ਇਸ ਮੌਕੇ ਏਕਲ ਅਭਿਆਨ ਤੋਂ ਅਮਨਦੀਪ ਕੌਰ ਪ੍ਰਮੁਖ ਅੰਚਲ ਪ੍ਰਸਿਕਸ਼ਨ ਵੀ ਪਹੁੰਚੇ। ਜਿਹਨਾ ਏਕਲ ਅਭਿਆਨ ਦੀ ਰੂਪ-ਰੇਖਾ ਅਤੇ ਗਤੀਵਿਧੀਆਂ ਬਾਰੇ ਵਿਸਥਾਰ ਪੂਰਵਕ ਦੱਸਿਆ।
ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।
COMMENTS