ਬੀ ਐਲ ਓ ਵਲੋਂ ਤਹਿਸੀਲ ਮਜੀਠਾ ਇਕਾਈ ਦੀ ਯੂਨੀਅਨ ਦਾ ਗਠਿਤ ਕੀਤਾ ਗਿਆ

ਅੰਮ੍ਰਿਤਸਰ,23 ਫਰਵਰੀ (ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ,ਨੀਰਜ ਸ਼ਰਮਾ) - ਵਿਧਾਨ ਸਭਾ ਹਲਕਾ ਮਜੀਠਾ ਦੇ ਬੀ ਐਲ ਓ ਦੀ ਇਕ ਹੰਗਾਮੀ ਮੀਟਿੰਗ ਅੱਜ ਮਾਈ ਭਾਗੋ ਪੋਲੀਟੈਕਨਿਕ ਕਾਲਜ ਵਿਖੇ ਹੋਈ ।ਇਸ ਮੌਕੇ ਤੇ ਹਲਕਾ ਮਜੀਠਾ ਦੇ ਬੀ ਐਲ ਓ ਨੂੰ ਦਰਪੇਸ਼ ਮੁਸ਼ਕਿਲਾਂ ਤੇ ਵਿਚਾਰ ਚਰਚਾ ਕੀਤੀ ਗਈ ਤੇ ਇਹ ਫੈਸਲਾ ਲਿਆ ਗਿਆ ਇਹਨਾ ਮੁਸ਼ਕਿਲਾਂ ਦੇ ਹੱਲ ਲਈ ਛੇਤੀ ਹੀ ਇਕ ਵਫਦ

ਐਸ ਡੀ ਐਮ ਮਜੀਠਾ ਨੂੰ ਮਿਲੇਗਾ ।ਮੀਟਿੰਗ ਦੌਰਾਨ ਤਹਿਸੀਲ ਮਜੀਠਾ ਦੀ ਬੀ ਐਲ ਓ ਯੂਨੀਅਨ ਦਾ ਗਠਨ ਕੀਤਾ ਗਿਆ। ਜਿਸ ਵਿਚ ਹਾਲ ਦੀ ਘੜੀ ਸਰਵਸੰਮਤੀ ਨਾਲ ਰਾਜਦੀਪ ਸਿੰਘ ਚੰਦੀ ,ਹਰਵਿੰਦਰ ਸਿੰਘ ਕੱਥੂਨੰਗਲ ,ਗੁਰਪ੍ਰੀਤ ਸਿੰਘ ਕੁਲਵਿੰਦਰ ਸਿੰਘ ਕੱਥੂਨੰਗਲ , ਜਗਜੀਤ ਸਿੰਘ ,ਗੁਰਪ੍ਰੀਤ ਕੌਰ ,ਅਰਵਿੰਦਰ ਸਿੰਘ ,ਗੁਰਬੀਰ ਸਿੰਘ ,ਜਗਦੀਪ ਸਿੰਘ ਅਤੇ ਨਿਰਮਲ ਕੌਰ ਨੂੰ ਬਤੌਰ ਕਨਵੀਨਰ ਚੁਣਿਆ ਗਿਆ ਅਤੇ ਬਾਕੀ ਬਾਡੀ ਦਾ ਛੇਤੀ ਗਠਨ ਕਰਨ ਦਾ ਫੈਸਲਾ ਲਿਆ ਗਿਆ ।ਇਸ ਮੌਕੇ ਤੇ ਯੂਨੀਅਨ ਵਲੋਂ ਵਿਧਾਨ ਸਭਾ ਚੋਣਾਂ ਦੌਰਾਨ ਵੈੱਬ ਕਾਸਟਿੰਗ ਦੀ ਬੀ ਐਲ ਓ ਵਲੋਂ ਨਿਭਾਈ ਗਈ ਡਿਊਟੀ ਦਾ ਮਾਣ ਭੱਤਾ ਦੇਣ ਲਈ ਰਿਟਰਨਿੰਗ ਅਫ਼ਸਰ ਮਜੀਠਾ ਦੇ ਨਾ ਤੇ ਇਕ ਮੰਗ ਪੱਤਰ ਚੋਣ ਕਾਨੂੰਗੋ ਦੀਪਕ ਮੋਹਨ ਨੂੰ ਦਿੱਤਾ ਗਿਆ । ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।