ਸਮਾਜ ਸੇਵਾ ਸੋਸਾਇਟੀ ਜੇਠੂਵਾਲ ਵਲੋਂ ਮੱਛਰ ਤੋਂ ਬਚਾਅ ਲਈ ਦਵਾਈ ਦਾ ਛਿੜਕਾਅ।

ਅੰਮ੍ਰਿਤਸਰ , 2 ਨਵੰਬਰ ( ਵਿੱਕੀ ਪੱਡਾ )ਇੰਨੀ ਦਿਨੀ ਸੂਬੇ ਵਿਚ ਡੇਂਗੂ ਨੇ ਆਪਣਾ ਕਹਿਰ ਮਚਾਇਆ ਹੋਇਆ ਹੈ ਤੇ ਕੋਰੋਨਾ ਤੋਂ ਬਾਅਦ ਲੋਕ ਸਭ ਤੋਂ ਵੱਧ ਡੇਂਗੂ ਨਾਲ ਪ੍ਰਭਾਵਿਤ ਹੋ ਰਹੇ ਹਨ ।ਜਿਸਦੇ ਮੱਦੇਨਜ਼ਰ ਸਮਾਜ ਸੇਵਾ ਸੋਸਾਇਟੀ ਜੇਠੂਵਾਲ ਦੇ ਮੈਂਬਰਾ ਵਲੋਂ ਅੱਜ

ਪਿੰਡ ਜੇਠੂਵਾਲ ਵਿਖੇ ਵੱਖ ਵੱਖ ਗਲੀਆਂ ਬਾਜ਼ਾਰਾਂ ਵਿੱਚ ਮੱਛਰ ਮਾਰ ਦਵਾਈ ਦਾ ਛਿੜਕਾਅ ਕੀਤਾ ਗਿਆ ।ਸਮਾਜ ਸੇਵਾ ਸੋਸਾਇਟੀ ਦੇ ਮੁੱਖ ਸੇਵਾਦਾਰ ਭਾਈ ਮਨਜੀਤ ਸਿੰਘ ਜੇਠੂਵਾਲ ਨੇ ਇਸ ਦੌਰਾਨ ਪਿੰਡ ਵਾਸੀਆਂ ਨੂੰ ਜਾਗਰੂਕ ਕਰਦਿਆਂ ਕਿਹਾ ਕਿ ਡੇਂਗੂ ਇਕ ਖਾਸ ਕਿਸਮ ਦੇ ਮੱਛਰ ਦੇ ਕੱਟਣ ਨਾਲ ਹੁੰਦਾ ਹੈ ।ਇਸਦਾ ਲਾਰਵਾ ਪੈਦਾ ਨਾ ਹੋ ਸਕੇ ਇਸ ਲਈ ਸਾਨੂੰ ਆਪਣੇ ਆਲੇ ਦੁਆਲੇ ਪਾਣੀ ਨਹੀਂ ਖੜਾ ਹੋਣ ਦੇਣਾ ਚਾਹੀਦਾ ।ਸਰੀਰ ਨੂੰ ਢੱਕਣ ਲਈ ਪੂਰੇ ਕੱਪੜੇ ਪਾਏ ਜਾਣ ਤੇ ਇਸਤੋਂ ਇਲਾਵਾ ਸੌਣ ਵੇਲੇ ਮੱਛਰਦਾਨੀ ਤੇ ਮੱਛਰ ਬਚਾਉਣ ਲਈ ਕਰੀਮ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ । ਇਸ ਮੌਕੇ ਤੇ ਡਾਕਟਰ ਤਲਵਿੰਦਰ ਸਿੰਘ ,ਸੰਦੀਪ ਸਿੰਘ,ਸੁਖਰਾਜ ਸਿੰਘ ,ਬਿਕਰਮਜੀਤ ਸਿੰਘ,ਹਰਜੀਤ ਸਿੰਘ ਮੋਨੂੰ ,ਸੁੱਚਾ ਸਿੰਘ ਮੈਂਬਰ ,ਨਿਰਮਲ ਸਿੰਘ ਲਾਲੀ ਆਦਿ ਹਾਜਰ ਸਨ । ਕੈਪਸਨ ਸਮਾਜ ਸੇਵਾ ਸੋਸਾਇਟੀ ਜੇਠੂਵਾਲ ਦੇ ਸੇਵਾਦਾਰ ਪਿੰਡ ਜੇਠੂਵਾਲ ਵਿਖੇ ਮੱਛਰ ਤੋਂ ਬਚਾਅ ਲਈ ਦਵਾਈ ਦਾ ਛਿੜਕਾਅ ਕਰਨ ਮੌਕੇ ।