ਬਸਪਾ-ਅਕਾਲੀ ਦਲ ਦੀ ਸਰਕਾਰ ਬਣਨ ਤੇ ਲੋਕਾਂ ਦੀਆਂ ਮੁਸ਼ਕਲਾ ਦਾ ਪਹਿਲ ਤੇ ਹੋਵੇਗਾ ਹੱਲ- ਇੰਜੀ: ਸ਼ੇਰਗਿੱਲ

ਅੰਮ੍ਰਿਤਸਰ, 28(ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ, ਨੀਰਜ ਸ਼ਰਮਾ ਜਸਬੀਰ ਸਿੰਘ) - :ਬਹੁਜਨ ਸਮਾਜ ਪਾਰਟੀ ਅਤੇ ਸ਼੍ਰੋਮਣੀ ਅਕਾਲੀ ਦਲ ਦੀ ਇਕ ਹੰਗਾਮੀ ਮੀਟਿੰਗ ਇੰਦਰਾ ਕਲੋਨੀ ਮਜੀਠਾ ਰੋਡ ਵਿਖੇ ਪਾਸਟਰ ਅਸ਼ੋਕ ਰਵੀ ਦੀ ਪ੍ਰਧਾਨਗੀ ਹੇਠ ਹੋਈ,ਜਿਸ ਵਿੱਚ ਗਠਜੋੜ ਦੇ ਹਲਕਾ ਉੱਤਰੀ ਤੋਂ ਸੰਭਾਵੀ ਉਮੀਦਵਾਰ ਇੰਜ: ਗੁਰਬਖਸ਼ ਸਿੰਘ ਸੇਰਗਿੱਲ ਉਚੇਚੇ ਤੌਰ ਤੇ ਸਾਮਲ ਹੋਏ। ਇੰਜੀ: ਸ਼ੇਰਗਿੱਲ ਵੱਲੋ ਹਲਕਾ ਉੱਤਰੀ ਵਿੱਚ ਬਸਪਾ ਦੀ ਮਜਬੂਤੀ ਨੂੰ ਲੈਕੇ ਲੋਕ ਮਿਲਣੀ ਹਰ ਰੋਜ਼ ਦੇ ਨਾਮ ਨਾਲ ਅਰੰਭੇ ਪ੍ਰੋਗਰਾਮ ਦੌਰਾਨ ਇਲਾਕੇ ਦੇ ਲੋਕਾਂ ਦੀਆਂ ਮੁਸ਼ਕਲਾ ਸੁਣੀਆਂ ਜਿਸ ਵਿੱਚ ਇਲਾਕੇ ਦੇ ਲੋਕਾਂ ਨੇ ਬਿਜਲੀ,ਪਾਣੀ, ਵਧ ਰਹੀ ਅਥਾਹ ਮਹਿੰਗਾਈ ਅਤੇ ਹੋਰ ਆ ਰਹੀਆਂ ਬਹੁਤ ਸਾਰੀਆਂ ਮੁਸ਼ਕਲਾਂ ਤੋ ਉਨ੍ਹਾਂ ਨੂੰ ਜਾਣੂ ਕਰਵਾਇਆ ਗਿਆ। ਮੀਟਿੰਗ ਦੌਰਾਨ

ਬਲਦੇਵ ਸਿੰਘ ਨੇ ਕਿਹਾ ਕਿ ਲੋਕ ਮਹਿੰਗਾਈ ਨਾਲ ਪਿੱਸ ਰਹੇ ਹਨ,ਮਹਿੰਗਾਈ ਦਿਨ ਬਦਿਨ ਵੱਧਦੀ ਜਾ ਰਹੀ ਹੈ ਅਤੇ ਕਾਂਗਰਸ ਸਰਕਾਰ ਦਾ ਇਸ ਪਾਸੇ ਕੋਈ ਧਿਆਨ ਨਹੀ ਹੈ। ਲੋਕ ਦੋ ਟਾਈਮ ਦੀ ਰੋਟੀ ਰੋਜ਼ੀ ਤੋ ਵੀ ਆਤਰ ਬੈਠੇ ਹਨ।ਹਰੇਕ ਵਰਗ ਸਰਕਾਰ ਤੋ ਅਤਿਅੰਤ ਦੁੱਖੀ ਹੋ ਕੇ ਸੜਕਾਂ ਦੇ ਉੱਤਰ ਰੋਸ ਪ੍ਰਦਰਸ਼ਨ ਕਰ ਰਿਹਾ ਹੈ।ਮੁਲਾਜ਼ਮਾ ਅਤੇ ਪੈਨਸ਼ਨਰਾਂ ਦਾ ਮਹਿੰਗਾਈ ਭੱਤੇ ਦੀਆਂ ਕਿਸ਼ਤਾਂ ਬੰਦ ਕਰ ਦਿਤੀਆਂ ਗਈਆਂ ਹਨ, ਨਵੇ ਸਕੇਲ ਦੇਣ ਤੋਂ ਸਰਕਾਰ ਕੰਨੀ ਕਤਰਾਅ ਰਹੀ ਹੈ।ਕਾਗਰਸ ਦੇ ਰਾਜ ਵਿੱਚ ਸਭ ਲੋਕ ਦੁਖੀ ਹਨ।ਇਸ ਮੌਕੇ ਬਸਪਾ ਆਗੂ ਇੰਜੀ: ਗੁਰਬਖਸ਼ ਸਿੰਘ ਸੇਰਗਿੱਲ ਨੇ ਇਲਾਕਾ ਨਿਵਾਸੀਆ ਨੂੰ ਵਿਸਵਾਸ਼ ਦਿਵਾਇਆ ਕਿ ਤੁਸੀ ਤਗੜੇ ਹੋ ਕੇ ਬਹੁਜਨ ਸਮਾਜ ਪਾਰਟੀ ਅਤੇ ਸ਼੍ਰੋਮਣੀ ਅਕਾਲੀ ਦਲ ਗਠਜੋੜ ਦੀ ਸਰਕਾਰ ਬਣਾਓ ਇਲਾਕੇ ਦੀਆਂ ਅਤੇ ਬਾਕੀ ਮੁਸ਼ਕਲਾਂ ਪਹਿਲ ਦੇ ਅਧਾਰ ਤੇ ਹੱਲ ਕੀਤੀਆ ਜਾਣਗੀਆ।ਉਨ੍ਹਾਂ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਦੀ ਸਰਕਾਰ ਵੇਲੇ ਪੰਜਾਬ ਦੇ ਲੋਕਾਂ ਨੂੰ ਦਿੱਤੀਆ ਅਥਾਹ ਸਹੂਲਤਾਂ ਕਾਂਗਰਸ ਸਰਕਾਰ ਵੱਲੋ ਬੰਦ ਕੀਤੀਆਂ ਗਈਆਂ ਹਨ, ਤੋਂ ਇਲਾਵਾ ਹੋਰ ਵਿਕਾਸ ਦੇ ਰੁਕੇ ਕੰਮ ਗਠਜੋੜ ਦੀ ਸਰਕਾਰ ਬਣਨ ਤੇ ਦੁਬਾਰਾ ਸ਼ੁਰੂ ਕੀਤੇ ਜਾਣਗੇ।ਮੀਟਿੰਗ ਵਿੱਚ ਮਨਧੀਰ ਸਿੰਘ, ਵਿਕਰਮ ਸਿੰਘ,ਇੰਜੀ: ਰਾਮ ਸਿੰਘ, ਸਰਬਜੀਤ ਸਿੰਘ, ਬਿੱਟੂ,ਇੰਜ ਹਰਭਜਨ ਸਿੰਘ ਰਿਟਾਇਰ ਐੱਸ ਡੀ ਉ ਆਦਿ ਵੀ ਹਾਜ਼ਰ ਸਨ। ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।