ਅੰਮ੍ਰਿਤਸਰ,27 ਸਤੰਬਰ (ਡਾ ਬਲਜੀਤ ਸਿੰਘ, ਨੀਰਜ ਸ਼ਰਮਾ) -ਮਜ਼ਦੂਰ ਮੁਕਤੀ ਮੋਰਚਾ ਦੀ ਅਗਵਾਈ ਵਿੱਚ ਤਹਿਸੀਲ ਮਜੀਠਾ ਦੇ ਪਿੰਡ ਪਾਖਰਪੁਰਾ ਦੇ ਮਜ਼ਦੂਰਾਂ ਨੇ ਇੱਕ ਮੀਟਿੰਗ ਕਰਕੇ ਮੰਗ ਕੀਤੀ ਹੈ ਕਿ ਉਨ੍ਹਾਂ ਦੇ ਪਿੰਡ ਵਿੱਚ ਦੋ ਡੀਪੂ ਹੋਲਡਰਾ ਵਲੋਂ ਡੀਪੂ ਆਧਾਰਿਤ ਕਾਰਡ ਹੋਲਡਰਾ ਨੂੰ ਕਣਕ ਨਹੀਂ ਦਿੱਤੀ ਗਈ। ਜਦੋਂ ਕਿ
ਆਲੇ ਦੁਆਲੇ ਦੇ ਪਿੰਡਾਂ ਵਿੱਚ ਡੀਪੂ ਹੋਲਡਰਾਂ ਵੱਲੋਂ ਕਣਕ ਵੰਡੀ ਜਾ ਚੁੱਕੀ ਹੈ। ਇਸ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਮੋਰਚਾ ਦੇ ਜ਼ਿਲਾ ਆਗੂ ਮਦਨਜੀਤ ਸਿੰਘ ਕਾਦਰਬਾਦ ਨੇ ਕਿਹਾ ਕਿ ਪਿੰਡ ਵਾਸੀਆਂ ਨੂੰ ਸ਼ੱਕ ਹੈ ਕਿ ਉਨ੍ਹਾਂ ਦੇ ਹਿੱਸੇ ਦੀ ਕਣਕ ਕਿਤੇ ਖ਼ੁਰਦ ਬੁਰਦ ਹੀ ਨਾਂ ਕਰ ਦਿੱਤੀ ਜਾਵੇ। ਕਾਮਰੇਡ ਕਾਦਰਬਾਦ ਨੇ ਕਿਹਾ ਕਿ ਕਣਕ ਦੇ ਕੋਟੇ ਦੀ ਫੌਰੀ ਵੰਡ ਕੀਤੀ ਜਾਵੇ।ਇਸ ਮੌਕੇ ਪ੍ਰੇਮ ਸਿੰਘ ਬਚਨ ਸਿੰਘ, ਚਰਨਜੀਤ ਕੌਰ, ਰਾਣੀ,ਸਲਾਮਤ ਸਿੰਘ, ਸੁਰਿੰਦਰ ਸਿੰਘ, ਤਰਸੇਮ ਸਿੰਘ ਅਤੇ ਕੰਵਲਜੀਤ ਕੌਰ ਆਦਿ ਵੀ ਮੀਟਿੰਗ ਵਿੱਚ ਹਾਜ਼ਰ ਸਨ।
COMMENTS