ਹੈੱਡਮਾਸਟਰਜ਼ ਐਸੋਸੀਏਸ਼ਨ ਵੱਲੋਂ ਸਟੇਟ ਐਵਾਰਡੀ ਹੈਡਮਾਸਟਰ ਜਸਵਿੰਦਰ ਸਿੰਘ ਭੁੱਲਰ ਦਾ ਸਨਮਾਨ

ਬਟਾਲਾ 19 ਸਤੰਬਰ ( ਜਗਜੀਤ ਸਿੰਘ ਪੱਡਾ) ਹੈੱਡਮਾਸਟਰਜ਼ ਐਸੋਸੀਏਸ਼ਨ ਪੰਜਾਬ ਇਕਾਈ ਗੁਰਦਾਸਪੁਰ ਵੱਲੋਂ ਪਿਛਲੀ 5 ਸਤੰਬਰ ਨੂੰ ਪੰਜਾਬ ਸਰਕਾਰ ਵੱਲੋਂ ਸਟੇਟ ਐਵਾਰਡ ਨਾਲ ਸਨਮਾਨਿਤ ਜਸਵਿੰਦਰ ਸਿੰਘ ਭੁੱਲਰ, ਹੈੱਡਮਾਸਟਰ ਸਹਸਸ ਗਿਲਾਂਵਾਲੀ ਕਿਲਾ ਦਰਸ਼ਨ ਸਿੰਘ ਬਟਾਲਾ ਅਤੇ ਬੀ ਐਨ ਓ ਬਟਾਲਾ-1 ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ‌। ਇਸ ਮੌਕੇ ਹੈੱਡਮਾਸਟਰ ਐਸੋਸੀਏਸ਼ਨ ਗੁਰਦਾਸਪੁਰ ਦੇ ਜ਼ਿਲ੍ਹਾ ਪ੍ਰਧਾਨ ਮਨਪ੍ਰੀਤ ਸਿੰਘ ਬੀ ਐਨ ਓ ਅਤੇ ਜਨਰਲ ਸਕੱਤਰ ਦਵਿੰਦਰ ਕੁਮਾਰ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਹੈੱਡਮਾਸਟਰ ਜਸਵਿੰਦਰ ਸਿੰਘ ਭੁੱਲਰ ਨੇ ਆਪਣੀ ਸਰਕਾਰੀ ਸਰਵਿਸ ਸਾਲ 2006 ਤੋਂ ਬਤੌਰ ਸਾਇੰਸ ਮਾਸਟਰ ਸਹਸ ਧਰਮਕੋਟ ਬੱਗਾ ਵਿਖੇ ਸ਼ੁਰੂ ਕੀਤੀ ਅਤੇ ਇਸ ਦੌਰਾਨ ਵਿਦਿਆਰਥੀਆਂ ਨੂੰ ਪ੍ਰਤੀਯੋਗਤਾਵਾਂ ਪ੍ਰੀਖਿਆਵਾਂ ਦੀ ਤਿਆਰੀ ਸ਼ੁਰੂ ਕਰਵਾ ਕੇ ਬਹੁੁਤ ਗਿਣਤੀ ਵਿਚ ਵਿਦਿਆਰਥੀਆ ਨੂੰ ਸਲੈਕਟ ਕਰਵਾ ਕੇ ਇਲਾਕੇ ਵਿੱਚ ਆਪਣੀ ਵੱਖਰੀ ਪਛਾਣ ਬਣਾਈ। ਸਾਲ 2020 ਵਿੱਚ ਪੀ ਪੀ ਐੱਸ ਸੀ ਰਾਹੀਂ ਹੋਈ 672 ਹੈੱਡਮਾਸਟਰਾਂ ਦੀ ਭਰਤੀ ਲਈ ਟੈੱਸਟ ਕਲੀਅਰ ਕਰਨ ਉਪਰੰਤ ਮਿਤੀ 24/01/2020 ਨੂੰ ਸਹਸ ਭੋਲ ਬਾਘੇ ਬਤੌਰ ਹੈੱਡਮਾਸਟਰ ਜੁਆਇੰਨ ਕਰਨ ਉਪਰੰਤ ਸਕੂਲ ਦੀ ਨੁਹਾਰ ਹੀ ਬਦਲ ਦਿੱਤੀ। ਇਸ ਉਪਰੰਤ ਜਿਸ ਸਕੂਲ ਵਿੱਚ ਪੜ੍ਹਦੇ ਰਹੇ ਸਨ ਉਸੇ ਸਕੂਲ ਸਹਸ ਗਿਲਾਂਵਾਲੀ ਕਿਲਾ ਦਰਸ਼ਨ ਸਿੰਘ ਦੇ ਹੈੱਡਮਾਸਟਰ ਵਜੋਂ ਮਿਤੀ 27/04/2020 ਨੂੰ ਕਮਾਂਡ ਸੰਭਾਲੀ। ਆਪਣੀ ਪ੍ਰਤੀਯੋਗਤਾਵਾ ਪ੍ਰੀਖਿਆਵਾ ਵਿਚ ਕਾਮਯਾਬੀ ਦੀ ਕਲਾ ਨੂੰ ਇਥੇ ਦੋ ਸਾਲਾ ਵਿੱਚ ਖੂਬ ਨਿਖਾਰਿਆ ਅਤੇ ਸਫਲਤਾ ਦੇ ਨਵੇ ਮੀਲ ਪੱਥਰ ਸਥਾਪਿਤ ਕੀਤੇ,ਐਨ ਟੀ ਐਸ ਈ ਦੀ ਵੱਕਾਰੀ ਪ੍ਰੀਖਿਆ ਵਿੱਚ ਵੀ ਇਥੇ ਸਫਲਤਾ ਪ੍ਰਾਪਤ ਕੀਤੀ ਅਤੇ ਆਪਣੀ ਅਤੇ ਸਟਾਫ ਦੀ ਮਿਹਨਤ ਨਾਲ ਵਿਦਿਆਰਥੀਆ ਦੀ ਗਿਣਤੀ ਵਿੱਚ ਹੁਣ ਤੱਕ 62% ਦਾ ਵਾਧਾ ਦਰਜ ਕੀਤਾ।ਅਧਿਆਪਕਾ,ਰਿਸ਼ਤੇਦਾਰਾ,ਨਗਰ ਨਿਵਾਸੀਆਂ ਦੇ ਸਹਿਯੋਗ ਅਤੇ ਸਰਕਾਰ ਦੁਆਰਾ ਜਾਰੀ ਕੀਤੀਆਂ ਗਈਆਂ ਗ੍ਰਾਂਟਾਂ ਦੀ ਸੁਹਿਰਦਤਾ ਨਾਲ਼ ਵਰਤੋਂ ਕਰਦਿਆਂ ਸਕੂਲ ਦੀ ਦਿੱਖ ਹੀ ਬਦਲ ਦਿੱਤੀ। ਪੰਜਾਬ ਸਰਕਾਰ ਵੱਲੋਂ ਉਨ੍ਹਾਂ ਦੇ ਕੰਮ ਨੂੰ ਪਛਾਣ ਦਿੱਤੀ ਗਈ ਅਤੇ ਅਧਿਆਪਕ ਦਿਵਸ ਮੌਕੇ ਉਨ੍ਹਾਂ ਨੂੰ ਸਟੇਟ ਐਵਾਰਡ ਨਾਲ ਨਿਵਾਜਿਆ ਗਿਆ। ਇਸ ਉਪਲੱਬਧੀ ਲਈ ਗੁਰਦਾਸਪੁਰ ਜ਼ਿਲ੍ਹੇ ਦਾ ਨਾਂ ਸਮੁੱਚੇ ਪੰਜਾਬ ਵਿੱਚ ਉੱਚਾ ਹੋਇਆ ਅਤੇ ਹੈੱਡਮਾਸਟਰ ਕਾਡਰ ਸਾਥੀ ਦੀ ਇਸ ਉਪਲੱਬਧੀ ਲਈ ਮਾਣ ਮਹਿਸੂਸ ਕਰਦਾ ਹੈ ‌। ਇਸ ਸਨਮਾਨ ਸਮਾਰੋਹ ਵਿੱਚ ਬੋਲਦਿਆਂ ਸਟੇਟ ਅਵਾਰਡੀ ਹੈੱਡਮਾਸਟਰ ਜਸਵਿੰਦਰ ਸਿੰਘ ਭੁੱਲਰ ਜਨਰਲ ਸਕੱਤਰ ਹੈਡਮਾਸਟਰ ਐਸੋਸੀਏਸ਼ਨ ਪੰਜਾਬ ਨੇ ਆਪਣੇ ਅਧਿਆਪਨ ਦੇ ਸਫ਼ਰ ਦੀਆਂ ਕੁਝ ਰੌਚਿਕ ਝਲਕਾਂ ਸਭ ਨਾਲ਼ ਸਾਂਝੀਆਂ ਕੀਤੀਆਂ ਅਤੇ ਆਪਣੇ ਨਾਲ਼ ਕੰਮ ਕਰਦੇ ਰਹੇ ਸਹਿ-ਕਰਮੀਆਂ ਅਤੇ ਸਕੂਲ ਮੁਖੀਆਂ ਦੇ ਸਕਾਰਾਤਮਕ ਰੋਲ ਬਾਰੇ ਵੀ ਜ਼ਿਕਰ ਕੀਤਾ। ਸਨਮਾਨ ਸਮਾਰੋਹ ਵਿੱਚ ਹੈੱਡਮਾਸਟਰਜ਼ ਐਸੋਸੀਏਸ਼ਨ ਗੁਰਦਾਸਪੁਰ ਦੇ ਜ਼ਿਲ੍ਹਾ ਕਮੇਟੀ ਨੁਮਾਇੰਦਿਆਂ ਵਿੱਚੋਂ ਹੈੱਡਮਾਸਟਰਜ਼ ਨਵਦੀਪ ਸਿੰਘ,ਜਿੰਮੀ ਖਜੂਰੀਆ,ਨਿਰਮਲ ਸਿੰਘ,ਇਕਬਾਲ ਸਿੰਘ, ਰਮਨਦੀਪ ਬਾਜਵਾ,ਦਿਵਜੋੋਤ ਕੌਰ,ਰੇਖਾ ਸਲਹੋਤਰਾ,ਬੀ ਐਨ ਓ ਗਗਨਦੀਪ ਸਿੰਘ ਅਤੇ ਹਰਭਜਨ ਲਾਲ ਮੌਜੂਦ ਸਨ।