10 ਸਾਲ ਦੀ ਧੀ ਨੇ ਕੀਤਾ ਬਟਾਲਾ ਦਾ ਨਾਮ ਰੋਸ਼ਨ: ਸੁਪਰ ਸਟਾਰ ਸਿੰਗਰ ਦੇ ਸੈਮੀਫਾਇਨਲ ਤੱਕ ਪਹੁੰਚੀ

ਗੁਰਦਾਸਪੁਰ 2 ਸਤੰਬਰ(ਡਾ ਬਲਜੀਤ ਸਿੰਘ .ਨੀਰਜ ਸ਼ਰਮਾ.ਜਸਬੀਰ ਸਿੰਘ) ਕਹਿੰਦੇ ਨੇ ਪਰਮਾਤਮਾ ਦਾ ਜਿਸਦੇ ਸਿਰ ਉੱਤੇ ਹੱਥ ਹੋਵੇ, ਉਸ ਨੂੰ ਕੋਈ ਨਹੀਂ ਰੋਕ ਸਕਦਾ। ਰਾਹ ਵਿੱਚ ਜਿੰਨੀਆਂ ਮਰਜੀ ਔਕੜਾਂ ਆ ਜਾਣ ਉਸਨੂੰ ਪਾਰ ਕਰ ਹੀ ਜਾਂਦਾ ਹੈ ।ਇਸੇ ਤਰ੍ਹਾਂ ਦੀਆਂ ਔਂਕੜਾਂ ਨਾਲ ਲੜਦੀ ਬਟਾਲੇ ਰਹਿਣ ਵਾਲੀ ਧੀ ਅੱਗੇ ਵਧੀ। ਜਿਸ ਨੇ ਆਪਣਾ ਕੋਈ ਵੀ ਉਸਤਾਦ ਨਹੀਂ ਧਾਰਿਆ ਅਤੇ ਲਗਾਤਾਰ ਯੂ ਟੂਬ ਦਾ ਸਹਾਰਾ ਲੈਕੇ ਅੱਗੇ ਵੱਧਦੀ ਰਹੀ ਅਤੇ ਸੋਨੀ ਚੈਨਲ ਦੇ ਸੁਪਰ ਸਟਾਰ ਸਿੰਗਰ ਦੇ ਸੇਮੀ ਫਾਈਨਲ ਤੱਕ ਪੁਹੰਚੀ ਪਰ ਇਸ ਛੋਟੀ ਜਿਹੀ ਧੀ ਨੇ ਆਪਣੀ ਉਮਰ ਤੋਂ ਵੱਧ ਕਰਕੇ ਜਿਥੇ ਘਰਦਿਆਂ ਦਾ ਨਾਮ ਰੋਸ਼ਨ ਕੀਤਾ ਉਸਦੇ ਨਾਲ ਨਾਲ ਪੂਰੇ ਬਟਾਲੇ ਅਤੇ ਪੰਜਾਬ ਦਾ ਨਾਮ ਰੋਸ਼ਨ ਕੀਤਾ । ਘਰ ਆਉਣ ਤੋਂ ਬਾਅਦ ਲਗਾਤਾਰ ਘਰ ਵਿੱਚ ਵਧਾਇਆਂ ਦੇਣ ਵਾਲਿਆਂ ਦਾ ਵੀ ਇਕੱਠ ਹੋਣਾ ਸ਼ੁਰੂ ਹੋਇਆ। ਰਾਜਨੀਤਕ ਲੀਡਰ ਅਤੇ ਸਮਾਜਸੇਵੀ ਲੋਕਾਂ ਨੇ ਵੀ ਧੀ ਦੇ ਘਰ ਪੁਹੰਚ ਕੇ ਉਸਦਾ ਹੌਂਸਲਾ ਵਧਾਇਆਂ ਅਤੇ ਨਾਲ ਹੀ ਪਰਿਵਾਰ ਨੂੰ ਵਧਾਈ ਵੀ ਦਿੱਤੀ । ਸਾਬਕਾ ਕੈਬਨਿਟ ਮੰਤਰੀ ਤ੍ਰਿਪਤ ਰਾਜਿੰਦਰ ਬਾਜਵਾ ਨੇ ਇਸ ਮੌਕੇ ਪਰਿਵਾਰ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਸਾਡੇ ਲਈ ਬੁਹਤ ਮਾਣ ਵਾਲੀ ਗੱਲ ਹੈ ਕਿ ਧੀ ਨੇ ਆਪਣੀ ਮਿਹਨਤ ਸਦਕਾ ਅੱਜ ਪੂਰੇ ਇਲਾਕੇ ਦਾ ਅਤੇ ਪੰਜਾਬ ਦਾ ਨਾਮ ਰੋਸ਼ਨ ਕੀਤਾ ਹੈ।ਇਹ ਧੀ ਸਾਡੇ ਬਟਾਲੇ ਦੀ ਲਤਾ ਮੰਗੇਸ਼ਕਰ ਹੈ ਇਸ ਵਾਰ ਨਹੀਂ ਤਾਂ ਅਗਲੀ ਵਾਰ ਜਰੂਰ ਪਹਿਲੇ ਦਰਜੇ ਤੇ ਆਵੇਗੀ । ਸਮਿਆਰਾ 6 ਸਾਲ ਦੀ ਸੀ ਜਦ ਇਸ ਵਿਚ ਗਾਉਣ ਦਾ ਸ਼ੋਕ ਹੈ ਅਤੇ ਸਿਰਫ ਸੋਸ਼ਲ ਮੀਡੀਆ ਦਾ ਸਹਾਰਾ ਲੈ ਕੇ ਅਗੇ ਵਧੀ ਹੈ। ਜੇਕਰ ਸੇਮੀ ਫਾਈਨਲ ਤੱਕ ਪੁਹੰਚੀ ਹੈ ਤਾਂ ਆਪਣੀ ਮਿਹਨਤ ਨਾਲ ਪਹੁੰਚੀ ਹੈ।