ਖੇਡਾਂ ਵਤਨ ਪੰਜਾਬ ਦੀਆਂ ਤਹਿਤ ਖੇਡ ਟੂਰਨਾਮੈੱਟ 1 ਸਤੰਬਰ ਨੂੰ ਸ਼ੁਰੂ ਹੋਣਗੇ-ਐਸਡੀਐਮ ਬਟਾਲਾ

ਬਟਾਲਾ, 29 ਅਗਸਤ ( ਨੀਰਜ ਸ਼ਰਮਾ, ਜਸਬੀਰ ਸਿੰਘ, ਬਲਜੀਤ ਸਿੰਘ) ਖੇਡਾਂ ਵਤਨ ਪੰਜਾਬ ਦੀਆਂ ਤਹਿਤ ਪ੍ਰਸਾਸਨ ਵੱਲੋ ਖੇਡ ਟੂਰਨਾਮੈਟ ਕਰਵਾਉਣ ਦੀਆਂ ਤਿਆਰੀਆਂ ਪੂਰੀਆਂ ਕਰ ਲਈਆਂ ਗਈਆਂ ਹਨ। ਇਹ ਜਾਣਕਾਰੀ ਦਿੰਦਿਆਂ ਸ਼੍ਰੀਮਤੀ ਸ਼ਾਇਰੀ ਭੰਡਾਰੀ ਐਸਡੀਐਮ ਬਟਾਲਾ ਨੇ ਦੱਸਿਆਂ ਕਿ ਪਿੰਡ ਕੋਟਲੀ ਸਾਹੀਆਂ (ਬਟਾਲਾ ਰੂਰਲ) ਵਿਖੇ 1 ਤੋ 3 ਸਤੰਬਰ ਨੂੰ ਫੁੱਟਬਾਲ ,ਵਾਲੀਵਾਲ ,ਖੋ-ਖੋ ਅਤੇ ਟੈਗ ਆਫ ਵਾਰ ਦੇ ਮੁਕਾਬਲੇ ਵੀ ਹੋਣਗੇ। ਉਨ੍ਹਾਂ ਅੱਗੇ ਦੱਸਿਆ ਕਿ 5 ਤੋ 7 ਸਤੰਬਰ 2022 ਤੱਕ ਆਈ ਟੀ ਆਈ ਬਟਾਲਾ ਅਤੇ ਸਰਕਾਰੀ ਪੋਲੀਟੈਕਨਿਕ ਕਾਲਜ ਕਾਹਨੂੰਵਾਨ ਰੋਡ ਵਿਖੇ ਹੋਣਗੀਆਂ।ਪਹਿਲੇ ਦਿਨ 5 ਸਤੰਬਰ ਨੂੰ ਅੈਥਲੈਟਿਕਸ ,ਵਾਲੀਬਾਲ ਅਤੇ ਖੋ-ਖੋ, 6 ਸਤੰਬਰ ਨੂੰ ਫੁੱਟਬਾਲ , ਕਬੱਡੀ ਤੇ ਟੈਗ ਆਫ ਵਾਰ ਅਤੇ 7 ਸਤੰਬਰ 2022 ਨੂੰ ਫੁੱਟਬਾਲ ਤੇ ਕਬੱਡੀ ਦੇ ਮੁਕਾਬਲੇ ਹੋਣਗੇ। ਇਸੇ ਤਰਾ ਗੁਰੂ ਨਾਨਕ ਕਾਲਜ ਸਟੇਡੀਅਮ ਕਾਲਾ ਅਫਗਾਨਾ (ਫਹਿਤਗੜ ਚੂੜੀਆਂ )ਵਿਖੇ 5 ਤੋ 7 ਸਤੰਬਰ ਤੱਕ ਫੁੱਟਬਾਲ ,ਵਾਲੀਵਾਲ ,ਖੋ-ਖੋ ਅਤੇ ਟੈਗ ਆਫ ਵਾਰ ਦੇ ਮੁਕਾਬਲੇ ਵੀ ਹੋਣਗੇ। ਸਰਕਾਰੀ ਸੀਨੀਅਰ ਸਕੈਡਰੀ ਸਕੂਲ ਘੁਮਾਣ (ਸ੍ਰੀ ਹਰਗੋਬਿੰਦਪੁਰ )ਵਿਖੇ 1 ਤੋ 3 ਸਤੰਬਰ ਤੱਕ ਉਪਰੋਕਤ ਖੇਡਾਂ ਦੇ ਮੁਕਾਬਲੇ ਹੋਣਗੇ। ਇਸੇ ਤਰਾ ਸਪੋਰਟਸ ਸਟੇਡੀਅਮ ਕਾਦੀਆਂ ਵਿਖੇ 1 ਤੋ 3 ਸਤੰਬਰ ਤੱਕ ਉਪਰੋਕਤ ਖੇਡਾਂ ਦੇ ਮੁਕਾਬਲੇ ਹੋਣਗੇ। ਉਹਨਾ ਅੱਗੇ ਦੱਸਿਆ ਕਿ ਖੇਡ ਮੇਲੇ ਵਿੱਚ ਹਿੱਸਾ ਲੈਣ ਲਈ 30 ਅਗਸਤ ਤੱਕ www.punjabkhedmela2022.in.ਉਪਰ ਆਪਣੀ ਰਜਿਸਟ੍ਰੇਸਨ ਕਰਵਾਈ ਜਾ ਸਕਦੀ ਹੈ।