ਪਿੰਡ ਢਡਿਆਲਾ ਨੱਤ ਵਿਖੇ ਕਬੱਡੀ ਟਰੇਨਿੰਗ ਅਤੇ ਫਿਟਨੈੱਸ ਕੈਂਪ ਸ਼ੁਰੂ >> ਕਬੱਡੀ ਕੋਚ ਲਖਣ ਢਡਿਆਲਾ

ਬਟਾਲਾ,13 ਜੁਲਾਈ ( ਬਲਜੀਤ ਸਿੰਘ ) ਇਥੋਂ ਨਜ਼ਦੀਕ ਪਿੰਡ ਢਡਿਆਲਾ ਨੱਤ ਵਿਖੇ ਕਬੱਡੀ ਟਰੇਨਿੰਗ ਅਤੇ ਫਿਟਨੈੱਸ ਕੈਂਪ ਸ਼ੁਰੂ ਕੀਤਾ ਗਿਆ ਪ੍ਰੈੱਸ ਨੂੰ ਜਾਣਕਾਰੀ ਦਿੰਦਿਆਂ ਇੰਟਰਨੈਸ਼ਨਲ ਕਬੱਡੀ ਪਲੇਅਰ ਤੇ ਕਬੱਡੀ ਕੋਚ ਲਖਣ ਸਿੰਘ ਢਡਿਆਲਾ ਨੇ ਦੱਸਿਆ ਕਿ ਅਸੀਂ ਕਬੱਡੀ ਟਰੇਨਿੰਗ ਅਤੇ ਫਿਟਨੈੱਸ ਕੈਂਪ ਪਿੰਡ ਢਡਿਆਲਾ ਨੱਤ ਦੀ ਗਰਾਊਂਡ ਵਿੱਚ ਸ਼ੁਰੂ ਕੀਤਾ ਹੈ ਇਸ ਕੈਂਪ ਵਿੱਚ ਪ੍ਰੈਕਟਿਸ ਦਾ ਟਾਇਮ ਸ਼ਾਮ 5 ਵਜੇ ਤੋਂ ਸ਼ਾਮ 7 ਵਜੇ ਤੱਕ ਹੋਵੇਗਾ। ਇਸ ਕੈਂਪ ਵਿੱਚ ਅਸੀਂ ਜਿਨ੍ਹਾਂ ਬੱਚਿਆਂ ਨੇ ਫੌਜ ਵਿੱਚ ਭਰਤੀ ਹੋਣਾ ਹੈ ਜਾਂ ਫਿਰ ਕਬੱਡੀ ਖੇਡਣੀ ਜਾਂ ਸਰੀਰ ਨੂੰ ਫਿੱਟ ਰੱਖਣਾ ਹੈ ਉਹ ਵੀ ਇਹ ਕੈਂਪ ਵਿੱਚ ਆ ਸਕਦੇ ਹਨ। ਕੈਂਪ ਵਿੱਚ ਰਿਹਾਇਸ਼ ਦਾ ਪ੍ਰਬੰਧ ਨਹੀਂ ਹੈ ਉਨ੍ਹਾਂ ਅੱਗੇ ਕਿਹਾ ਕਿ ਇਸ ਕੈਂਪ ਵਿਚ ਕਿਸੇ ਕੋਲੋਂ ਕੋਈ ਫੀਸ ਨਹੀਂ ਲਈ ਜਾਵੇਗੀ ਕੈਂਪ ਬਿਲਕੁਲ ਫਰੀ ਹੈ।ਉਨ੍ਹਾਂ ਕਿਹਾ ਕਿ ਸਾਨੂੰ ਸਾਰਿਆਂ ਨੂੰ ਮਿਲ ਕੇ ਸਾਥ ਦੇਣਾ ਚਾਹੀਦਾ ਹੈ ਤਾਂ ਜੋ ਨੌਜਵਾਨ ਪੀੜ੍ਹੀ ਨਸ਼ੇ ਤਿਆਗ ਕੇ ਕੈਂਪ ਵਿੱਚ ਸ਼ਾਮਲ ਹੋ ਕੇ ਖੇਡਾਂ ਵੱਲ ਖਾਸ ਧਿਆਨ ਦੇਣ। ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।