ਪਾਖਰਪੁਰਾ ਵਿਖੇ ਸੀ ਪੀ ਆਈ ਐਮ ਐਲ ਲਿਬਰੇਸ਼ਨ ਦਾ ਹੋਇਆ ਇਲਾਕਾ ਇਜਲਾਸ

ਪਾਖਰਪੁਰਾ ਵਿਖੇ ਹਾਈਵੇਅ ਤੇ ਬਣਾਏ ਹੋਏ ਬੱਸ ਅੱਡੇ ਉਪਰ ਹੀ ਬੱਸਾਂ ਰੋਕੀਆਂ ਜਾਣ - ਕਾਮਰੇਡ ਆਗੂ ਅੰਮ੍ਰਿਤਸਰ,31ਜੁਲਾਈ(ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ,ਨੀਰਜ ਸ਼ਰਮਾ) - ਪਿੰਡ ਪਾਖਰਪੁਰਾ ਵਿਖੇ ਸੀ‌ ਪੀ ਆਈ ਐਮ ਐਲ ਲਿਬਰੇਸ਼ਨ ਦਾ ਇਲਾਕਾ ਇਜਲਾਸ ਕਾਮਰੇਡ ਮਦਨਜੀਤ ਸਿੰਘ ਕਾਦਰਾਬਾਦ ਪ੍ਰੇਮ ਸਿੰਘ ਪਾਖਰਪੁਰਾ ਅਤੇ ਸਤਨਾਮ ਸਿੰਘ ਸਰਹਾਲਾ ਦੀ ਸਾਂਝੀ ਪ੍ਰਧਾਨਗੀ ਹੇਠ ਹੋਇਆ।ਇਜਲਾਸ ਵਿੱਚ ਵਿਸ਼ੇਸ਼ ਤੌਰ ਤੇ ਪਹੁੰਚੇ ਲਿਬਰੇਸ਼ਨ ਦੇ ਕੇਂਦਰੀ ਕਮੇਟੀ ਮੈਂਬਰ ਕਾਮਰੇਡ ਗੁਰਮੀਤ ਸਿੰਘ ਬੱਖਤਪੁਰਾ ਨੇ ਕਿਹਾ ਕਿ ਜਿਸ ਪੱਧਰ ਉੱਪਰ‌‌ ਆਰ ਐਸ ਐਸ ਅਤੇ ਭਾਜਪਾ ਦੇਸ਼ ਨੂੰ ਫਿਰਕਾਪ੍ਰਸਤੀ ਅਤੇ ਹਿੰਦੂ ਰਾਸ਼ਟਰ ਬਣਾਉਣ ਵੱਲ ਧੱਕਣ‌‌‌ ਦੀ ਸਰਪਟ ਰਾਜਨੀਤੀ ਦੀ ਦੌੜ,ਦੌੜ ਰਹੀ ‌ਹੈ,ਉਸਨੂੰ ਰੋਕਣ ਲਈ ਕਮਿਊਨਿਸਟ ਲਹਿਰ ‌ਦੀ ਮਜ਼ਬੂਤੀ ਕਰਨਾ ਸਮੇਂ ਦੀ ਅਹਿਮ ਲੋੜ ਹੈ। ਉਨ੍ਹਾਂ ਕਿਹਾ ਕਿ ਦੇਸ਼ ਮੋਦੀ ਦੀ ਅਗਵਾਈ ਵਿਚ ਸੁਰਖਿਅਤ ਨਹੀਂ ਹੈ ਬਲਕਿ ਹਰ ਤਰ੍ਹਾਂ ਦੇ ‌ ਸਰਕਾਰੀ ਅਦਾਰਿਆਂ ਨੂੰ ਵੇਚਿਆ ਜਾ ਰਿਹਾ ਹੈ। ਡਾਲਰ ਦੇ ਮੁਕਾਬਲੇ ਰੁਪਿਆ ਅੱਸੀ ਰੁਪਏ ਤੱਕ ਲੁੜਕ ਗਿਆ ਹੈ ਸੋ ਅਜੇ‌ ਹੋਰ ਗਿਰਨ ਵੱਲ਼ ਵੱਧਦਾ ਜਾ ਰਿਹਾ ਹੈ। ਬੱਖਤਪੁਰਾ ਨੇ ਪੰਜਾਬ ਸਰਕਾਰ ਦੀ ਚਰਚਾ ਕਰਦਿਆਂ ਕਿਹਾ ਕਿ ਸਰਕਾਰ ਲਗਾਤਾਰ ਮਸਲੇ ਦਰ ਮਸਲੇ ਵਿੱਚ ਘਿਰ‌ ਰਹੀ ਹੈ ਜਿਸ ਦਾ ਵੱਡਾ ਕਾਰਨ ਦਿੱਲੀ ਦਾ‌ ਬੇਲੋੜਾ ਦੱਖਲ‌ ਕਿਹਾ ਜਾ ਸਕਦਾ ਹੈ, ਸਰਕਾਰ ਦੇ ਮੰਤਰੀ ਅਤੇ ਐਮ ਐਲ ਏਜ ਰਾਜਨੀਤੀ ‌ਦੇ ਅਨਾੜੀ ਖਿਡਾਰੀ ਸਾਬਿਤ ਹੋ ਰਹੇ ਹਨ। ਇਸ ਸਮੇਂ ਇਜਲਾਸ ਵਿੱਚ ਵੱਖ ਵੱਖ ਮਤਿਆਂ ਰਾਹੀਂ ਮੰਗ ਕੀਤੀ ਗਈ ਕਿ ਸਰਕਾਰ ਦਾ ਟਰਾਂਸਪੋਰਟ ਵਿਭਾਗ ਕਰੀਬ ਦਰਜਨ ਪਿੰਡਾਂ ਦੇ ਕੇਦਰ ਪਾਖਰਪੁਰਾ ਵਿਖੇ ਬੱਸਾਂ ਦਾ ਖੜਨਾ ਜ਼ਰੂਰੀ ਬਣਾਵੇ, ਮਨਰੇਗਾ ਰੋਜ਼ਗਾਰ ਨੂੰ ਪਾਰਦਰਸ਼ੀ ਢੰਗ ਨਾਲ ਹਰ ਪਿੰਡ ਅਤੇ ਹਰ ਮਜ਼ਦੂਰ ਲਈ ਜ਼ਰੂਰੀ ਬਣਾਇਆ ਜਾਵੇ। ਇਸ ਸਮੇਂ ਪੰਦਰਾਂ ਮੈਂਬਰੀ ਕਮੇਟੀ ਦੀ ਚੋਣ ਕੀਤੀ ਗਈ ਜਿਸ ਦਾ ਸਕੱਤਰ ਪ੍ਰੇਮ ਸਿੰਘ ਨੂੰ ਚੁਣਿਆ ਗਿਆ। ਇਜਲਾਸ ਵਿੱਚ ਹੋਰਨਾਂ ਤੋਂ ਇਲਾਵਾ ਕੇਵਲ ਸਿੰਘ ਮੁਗੋਸੋਹੀ, ਬਲਦੇਵ ਸਿੰਘ ਭੰਗਾਲੀ, ਜੱਸਾ ਸਿੰਘ ਲਹਿਰਕਾ,ਜੌਨ ਪਾਖਰਪੁਰਾ ਅਤੇ ਚਰਨਜੀਤ ਕੌਰ ਹਾਜ਼ਰ ਸਨ। ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।