ਹਾਕੀ ਲੀਗ ਦਾ ਫਾਈਨਲ ਮੈਚ ਕਾਦਰਾਂਬਾਦ ਖੁਰਦ ਦੀ ਟੀਮ ਨੇ ਜਿੱਤਿਆ।

ਅੰਡਰ 14 ਲੜਕੀਆਂ ਦਾ ਸ਼ੋਅ ਮੈਚ ਵੀ ਕਰਵਾਇਆ। ਅੰਮ੍ਰਿਤਸਰ,7 ਜੂਨ (ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ, ਨੀਰਜ ਸ਼ਰਮਾ) - ਲਾਇਨਜ ਹਾਕੀ ਕਲੱਬ ਪਿੰਡ ਕਾਦਰਾਂਬਾਦ ਖੁਰਦ ਵੱਲੋਂ ਕਲੱਬ ਦੇ ਪ੍ਰਧਾਨ ਕੁਲਵਿੰਦਰ ਸਿੰਘ ਅਤੇ ਹਾਕੀ ਖੇਡ ਪ੍ਰਮੋਟਰ ਮਾਸਟਰ ਸਵਿੰਦਰ ਸਿੰਘ ਦੀ ਅਗਵਾਈ ਹੇਠ ਪਿੰਡ ਦੇ ਕੌਮੀ ਹਾਕੀ ਖਿਡਾਰੀ ਸੁਖਦੇਵ ਸਿੰਘ ਏਅਰ ਫੋਰਸ, ਧਰਮਿੰਦਰ ਸਿੰਘ ਰੇਲਵੇ, ਅੰਗਰੇਜ਼ ਸਿੰਘ ਐਨ. ਆਰ.ਆਈ, ਜਰਨੈਲ ਸਿੰਘ ਅਤੇ ਜਗਜੀਤ ਸਿੰਘ ਦੀ ਦੇ ਸਹਿਯੋਗ ਨਾਲ ਮਾਝੇ ਵਿੱਚ ਹਾਕੀ ਖੇਡ ਨੂੰ ਪ੍ਰਫੁੱਲਿਤ ਕਰਨ ਲਈ ਪਹਿਲੀ ਹਾਕੀ ਲੀਗ ਕਾਰਵਾਈ ਗਈ, ਜਿਸ ਵਿੱਚ ਪਿੰਡ ਕੋਟਲੀ ਮੱਲੀਆਂ, ਸੇਖਪੁਰ, ਕਾਦਰਾਂਬਾਦ ਕਲਾਂ ਅਤੇ ਕਾਦਰਾਂਬਾਦ ਖੁਰਦ ਹਾਕੀ ਕਲੱਬਾਂ ਦੀਆਂ ਟੀਮਾਂ ਨੇ ਭਾਗ ਲਿਆ। ਇਸ ਮੌਕੇ ਫਾਈਨਲ ਮੈਚ ਪਿੰਡ ਕਾਦਰਾਂਬਾਦ ਕਲਾਂ ਅਤੇ ਕਾਦਰਾਂਬਾਦ ਖੁਰਦ ਦੀਆਂ ਟੀਮਾਂ ਵਿਚਕਾਰ ਹੋਇਆ, ਜਿਸ ਵਿੱਚ 0 ਦੇ ਮੁਕਾਬਲੇ 3 ਗੋਲ ਕਰਕੇ ਪਿੰਡ ਕਾਦਰਾਂਬਾਦ ਖੁਰਦ ਦੀ ਟੀਮ ਨੇ ਕਾਦਰਾਂਬਾਦ ਕਲਾਂ ਦੀ ਟੀਮ ਨੂੰ ਹਰਾ ਕੇ ਇਸ ਹਾਕੀ ਲੀਗ ਦਾ ਫਾਈਨਲ ਮੈਚ ਜਿੱਤਿਆ।ਇਸ ਮੌਕੇ ਅੰਡਰ 14 ਲੜਕੀਆਂ ਦਾ ਸ਼ੋਅ ਮੈਚ ਵੀ ਕਰਵਾਇਆ ਗਿਆ, ਜਿਸ ਵਿੱਚ 1 ਦੇ ਮੁਕਾਬਲੇ 2 ਗੋਲ ਕਰਕੇ ਹੋਲੀਵੁੱਡ ਸਕੂਲ ਹਰਦੋਝੰਡੇ ਦੀ ਟੀਮ ਨੇ ਕਾਦਰਾਂਬਾਦ ਖੁਰਦ ਦੀ ਟੀਮ ਨੂੰ ਹਰਾ ਕੇ ਜਿੱਤ ਪ੍ਰਾਪਤ ਕੀਤੀ। ਇਸ ਮੌਕੇ ਪਹਿਲੇ, ਦੂਜੇ,ਤੀਜੇ ਅਤੇ ਚੌਥੇ ਸਥਾਨ ਤੇ ਆਉਣ ਵਾਲੀ ਹਰ ਟੀਮ ਨੂੰ ਨਗਦ ਇਨਾਮ ਅਤੇ ਟਰੋਫੀਆਂ ਦੇ ਕੇ ਸਨਮਾਨਿਤ ਕਰਨ ਦੀ ਰਸਮ ਮੁੱਖ ਮਹਿਮਾਨ ਲਖਬੀਰ ਸਿੰਘ ਗਿੱਲ ਸਿਆਸੀ ਸਕੱਤਰ ਹਲਕਾ ਵਿਧਾਇਕ ਮਜੀਠਾ ਬੀਬਾ ਗੁਨੀਵ ਕੌਰ ਮਜੀਠੀਆ, ਮਾਸਟਰ ਸਤਨਾਮ ਸਿੰਘ ਪਾਖਰਪੁਰਾ ਸਟੇਟ ਐਵਾਰਡੀ, ਕੈਪਟਨ ਕੰਵਲਜੀਤ ਸਿੰਘ, ਤਰਸੇਮ ਮਸੀਹ ਪੰਜਾਬ ਪੁਲਿਸ,ਮਾਸਟਰ ਗੁਰਦਰਸ਼ਨ ਸਿੰਘ ਕਾਦਰਾਂਬਾਦ, ਮਾਸਟਰ ਸਵਿੰਦਰ ਸਿੰਘ ਅਤੇ ਕਲੱਬ ਪ੍ਰਧਾਨ ਕੁਲਵਿੰਦਰ ਸਿੰਘ ਨੇ ਸਾਂਝੇ ਤੌਰ ਤੇ ਕੀਤੀ। ਫੋਟੋ ਕੈਪਸਨ ਕਾਦਰਾਂਬਾਦ ਖੁਰਦ ਵਿਖੇ ਹਾਕੀ ਲੀਗ ਦੀ ਜੇਤੂ ਟੀਮ ਨੂੰ ਸਨਮਾਨਿਤ ਕਰਦੇ ਹੋਏ ਮੁੱਖ ਮਹਿਮਾਨ, ਕਲੱਬ ਪ੍ਰਧਾਨ ਅਤੇ ਸੰਮੁਹ ਮੈਂਬਰ। ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।