ਕਾਂਗਰਸ਼ ਹਾਈ ਕਮਾਨ ਚਰਨਜੀਤ ਸਿੰਘ ਚੰਨੀ ਨੂੰ ਆ ਰਹੀਆਂ ਚੋਣਾਂ ਲਈ ਮੁੱਖ ਮੰਤਰੀ ਐਲਾਨ ਕਰੇ

ਅੰਮ੍ਰਿਤਸਰ,4 ਜਨਵਰੀ (ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ,ਨੀਰਜ ਸ਼ਰਮਾ) - ਪ੍ਰਸਿੱਧ ਕਾਂਗਰਸ਼ੀ ਵਰਕਰ ਅਤੇ ਸਾਬਕਾ ਸਰਪੰਚ ਜਸਬੀਰ ਸਿੰਘ ਗੁਰੂ ਨਾਨਕ ਨਗਰ, ਸੋਹੀਆਂ ਖੁਰਦ ਨੇ ਆਪਣੇ ਹਮਾਇਤੀਆਂ ਦਾ ਇਕੱਠ ਕਰਕੇ ਆਪਣੇ ਘਰ ਤੋਂ ਜਰਨੈਲੀ ਸੜਕ ਤੱਕ ਇੱਕ ਮਾਰਚ ਕੱਢਿਆਂ।ਜਿਸ ਵਿੱਚ ਇਲਾਕੇ ਦੇ ਸੂਝਵਾਨ ਲੋਕਾਂ ਨੇ ਸਮੂਲੀਅਤ ਕੀਤੀ।ਇਸ ਮੌਕੇ ਉਹਨਾ ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ

ਕਾਂਗਰਸ਼ ਹਾਈ ਕਮਾਨ ਸੋਨੀਆਂ ਗਾਂਧੀ,ਰਾਹੁਲ ਗਾਂਧੀ,ਪ੍ਰਿੰਕਾ ਗਾਂਧੀ ਅਤੇ ਨਵਜੋਤ ਸਿੰਘ ਸਿੱਧੂ ਤੋਂ ਮੰਗ ਕੀਤੀ ਕਿ ਪੰਜਾਬ ਵਿੱਚ ਆ ਰਹੀਆਂ ਵਿਧਾਨ ਸਭਾ ਚੋਣਾਂ ਲਈ ਮੁੱਖ ਮੰਤਰੀ ਦਾ ਚਿਹਰਾ ਚਰਨਜੀਤ ਸਿੰਘ ਚੰਨੀ ਨੂੰ ਐਲਾਨਿਆ ਜਾਵੇ।ਉਹਨਾ ਕਿਹਾ ਕਿ ਕਾਂਗਰਸ਼ ਨੇ ਪੰਜਾਬ ਵਿੱਚ ਪਹਿਲੀ ਵਾਰ ਗਰੀਬ ਅਤੇ ਪੱਛੜੇ ਪਰਿਵਾਰ ਦੇ ਸੂਝਵਾਨ ਵਿਅਕਤੀ ਨੁੰ ਮੁੱਖ ਮੰਤਰੀ ਬਣਾਕੇ ਇੱਕ ਨਵਾਂ ਇਤਿਹਾਸ ਸਿਰਜਿਆ ਹੈ।ਜਦੋਂ ਕਿ ਮੁੱਖ ਮੰਤਰੀ ਸਰਦਾਰ ਚਰਨਜੀਤ ਸਿੰਘ ਨੇ ਵੀ ਕਾਂਗਰਸ਼ ਹਾਈਕਮਾਨ ਦੀਆਂ ਆਸਾਂ ਉੱਤੇ ਖਰੇ ਉੱਤਰਦਿਆਂ ਪੰਜ ਸਾਲਾਂ ਜਿੰਨੇ ਕੰਮ ਤਿੰਨ ਮਹੀਨਿਆਂ ਵਿੱਚ ਕਰ ਦਿੱਤੇ ਹਨ।ਜਿਸ ਕਾਰਣ ਪੰਜਾਬ ਦੇ ਹਰ ਵਰਗ ਦੇ ਲੋਕ ਬਹੁਤ ਖੁਸ਼ ਹਨ। ਕੁਝ ਸਮਾਂ ਪਹਿਲਾਂ ਜੋ ਲੋਕ ਕੈਪਟਨ ਸਮੇਂ ਕਾਂਗਰਸ਼ ਤੋਂ ਦੂਰ ਜਾ ਰਹੇ ਸਨ। ਹੁਣ ਉਹੀ ਲੋਕ ਕਾਂਗਰਸ਼ ਦੀ ਸਰਕਾਰ ਬਣਾਉਣ ਲਈ ਕਾਹਲੇ ਹਨ ਪਰ ਉਹ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੂੰ ਵੇਖਣਾ ਚਾਹੁੰਦੇ ਹਨ। ਇਸ ਕਰਕੇ ਕਾਂਗਰਸ਼ ਲੋਕਾਂ ਦੀਆਂ ਭਾਵਨਾਵਾਂ ਨੂੰ ਸਮਝਦਿਆਂ ਅਗਲੀਆਂ ਚੋਣਾਂ ਲਈ ਮੁੱਖ ਮੰਤਰੀ ਦਾ ਚਿਹਰਾ ਚੰਨੀ ਨੂੰ ਐਲਾਨੇ। ਜੇ ਇਹ ਐਲਾਨ ਪੰਜਾਬ ਪ੍ਰਦੇਸ਼ ਕਾਂਗਰਸ਼ ਦੇ ਪ੍ਰਧਾਨ ਨਵਜੋਤ ਸਿੰਘ ਆਪਣੇ ਮੂੰਹੋਂ ਕਰਨ ਤਾਂ ਕਾਂਗਰਸ਼ ਅਤੇ ਪੰਜਾਬ ਵਾਸੀਆਂ ਲਈ ਸੋਨੇ ਤੇ ਸੁਹਾਗਾ ਹੋਵੇਗਾ।ਇਸ ਮੌਕੇ ਉਹਨਾ ਨਾਲ ਸਾਬਕਾ ਪੰਚ ਚੈਂਚਲ ਸਿੰਘ,ਹਰਭਜਨ ਸਿੰਘ,ਗੁਰਮੁਖ ਸਿੰਘ,ਗੁਡੂ,ਅਮਨਦੀਪ ਸਿੰਘ, ਦਰਸ਼ਨ ਸਿੰਘ, ਨਿਸ਼ਾਨ ਸਿੰਘ,ਬੂਟਾ ਸਿੰਘ,ਬਲਕਾਰ ਸਿੰਘ,ਅਮਰੀਕ ਸਿੰਘ, ਤਰਸੇਮ ਸਿੰਘ, ਕੁਲਵੰਤ ਕੌਰ, ਪਰਮਜੀਤ ਕੌਰ,ਗੋਗੀ,ਮਨਦੀਪ ਕੌਰ, ਬਲਜੀਤ ਕੋਰ ਆਦਿ ਹਾਜਰ ਸਨ। ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।