ਕਿਹਾ, ਬਿਨਾਂ ਦਫਤਰ ਤੋਂ ਮੁਲਾਜਮ ਕਿੱਥੇ ਰੱਖਣ ਦਫਤਰੀ ਸਮਾਨ ਹੁਣ ਅਰੰਭਾਗੇ ਸੰਘਰਸ਼
ਅੰਮ੍ਰਿਤਸਰ,23 ਦਸੰਬਰ (ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ, ਨੀਰਜ ਸ਼ਰਮਾ) - ਜਲ ਸਰੋਤ ਵਿਭਾਗ ਅੰਮ੍ਰਿਤਸਰ ਦੇ ਦਫਤਰ ਵਿੱਚ ਕੰਮ ਕਰਦੇ ਕਰਮਚਾਰੀਆਂ ਦੀਆਂ ਵੱਖ ਵੱਖ ਕੈਟਾਗਿਰੀਆਂ ਦੀਆਂ ਜਥੇਬੰਦੀਆਂ ਦੀ ਇਕ ਸਾਂਝੀ ਹੰਗਾਮੀ ਮੀਟਿੰਗ ਹੋਈ।ਜਿਸ ਵਿੱਚ ਵੱਡੀ
ਗਿਣਤੀ 'ਚ ਮੁਲਾਜ਼ਮਾਂ ਨੇ ਭਾਗ ਲਿਆ।ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਪੰਜਾਬ ਕਲੈਰੀਕਲ ਐਸੋਸੀਏਸ਼ਨ ਦੇ ਪ੍ਰਧਾਨ ਮੁਨੀਸ਼ ਕੁਮਾਰ ਸੂਦ,ਜਨਰਲ ਸਕੱਤਰ ਗੁਰਵੇਲ ਸਿੰਘ ਸੇਖੋਂ,ਸੀਨੀ: ਮੀਤ ਪ੍ਰਧਾਨ ਰਾਜਮਹਿੰਦਰ ਸਿੰਘ ਮਜੀਠਾ, ਪੰਜਾਬ ਸੁਬਾਰਡੀਨੇਟ ਸਰਵਿਸਿਜ਼ ਫੈਡਰੇਸ਼ਨ ਦੇ ਜਿਲ੍ਹਾ ਪ੍ਰਧਾਨ ਜੋਗਿੰਦਰ ਸਿੰਘ,ਐਸ ਸੀ ਬੀ ਸੀ ਕਰਮਚਾਰੀ ਫੈਡਰੇਸ਼ਨ ਦੇ ਜਿਲ੍ਹਾ ਪ੍ਰਧਾਨ ਨਿਸ਼ਾਨ ਸਿੰਘ ਰੰਧਾਵਾ,ਸੂਬਾ ਮੀਤ ਪ੍ਰਧਾਨ ਰਾਕੇਸ਼ ਕੁਮਾਰ ਬਾਬੋਵਾਲ,ਦੀ ਕਲਾਸ ਫੋਰ ਗੌਰਮਿੰਟ ਇੰਪਲਾਈਜ਼ ਯੂਨੀਅਨ ਦੇ ਪ੍ਰਧਾਨ ਵਿਜੈ ਕੁਮਾਰ,ਜਨਰਲ ਸਕੱਤਰ ਰਿਸ਼ੂ ਵਰਮਾ,ਮਹਿਲਾ ਵਿੰਗ ਜਲ ਸਰੋਤ ਵਿਭਾਗ ਦੇ ਪ੍ਰਧਾਨ ਮੈਡਮ ਸਰੋਜ ਸ਼ਰਮਾ,ਡਰਾਫਟਸਮੈਨ ਐਸੋਸੀਏਸ਼ਨ ਦੇ ਜਨਰਲ ਸਕੱਤਰ ਭੁਪਿੰਦਰ ਸਿੰਘ, ਨਹਿਰੀ ਪਟਵਾਰੀ ਯੂਨੀਅਨ ਦੇ ਸੀਨੀ: ਮੀਤ ਪ੍ਰਧਾਨ ਰਾਜਦੀਪ ਸਿੰਘ ਚੰਦੀ ਆਦਿ ਆਗੂਆਂ ਨੇ ਕਿਹਾ ਕਿ ਪੰਜਾਬ ਸਰਕਾਰ ਵੱਲੋਂ ਜਲ ਸਰੋਤ ਵਿਭਾਗ ਦਾ ਸਥਾਨਿਕ ਦਫਤਰ ਪੁੱਡਾ ਮਹਿਕਮੇ ਨੂੰ ਵੇਚੇ ਜਾਣ ਉਪਰੰਤ ਹੁਣ ਨਹਿਰੀ ਮਹਿਕਮੇ ਦੇ ਉਚ ਅਧਿਕਾਰੀਆਂ ਵੱਲੋਂ ਬਿਨਾਂ ਕੋਈ ਪ੍ਰਬੰਧ ਕੀਤੇ ਇਸ ਦਫਤਰ ਨੂੰ ਖਾਲੀ ਕਰਨ ਦਾ ਮੁਲਾਜ਼ਮਾਂ ਤੇ ਸਖਤੀ ਨਾਲ ਜ਼ੋਰ ਪਾਇਆ ਜਾ ਰਿਹਾ ਹੈ।ਜਦਕਿ 70 ਪ੍ਰਤੀਸ਼ਤ ਦਫਤਰ ਪਹਿਲਾਂ ਹੀ ਰਿਹਾਇਸ਼ੀ ਕੁਆਰਟਰਾਂ ਵਿੱਚ ਸਿਫਟ ਕੀਤਾ ਜਾ ਚੁੱਕਾ ਹੈ।ਜਿਸ ਦਾ ਦਫਤਰੀ ਰਿਕਾਰਡ ਪਹਿਲਾਂ ਹੀ ਰੁਲਦਾ ਫਿਰ ਰਿਹਾ ਹੈ ਅਤੇ ਹੁਣ ਪੁਰਾਣਾ ਦਫਤਰ ਖਾਲੀ ਕਰਕੇ ਰਿਕਾਰਡ ਸੰਭਾਲਣਾ ਤਾਂ ਦੂਰ ਦੀ ਗੱਲ ਹੈ ਮੁਲਾਜ਼ਮਾਂਂ ਨੂੰ ਦਫਤਰੀ ਕੰਮ ਕਾਜ ਕਰਨ ਲਈ ਬੈਠਣ ਲਈ ਵੀ ਭਾਰੀ ਮੁਸ਼ਕਲ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।ਉਨ੍ਹਾਂ ਕਿਹਾ ਕਿ ਜੋ ਦਫਤਰ ਇੱਥੋਂ ਪਹਿਲਾਂ ਸ਼ਿਫਟ ਕੀਤੇ ਗਏ ਹਨ,ਉਸ ਦੇ ਰਿਕਾਰਡ ਅਤੇ ਹੋਰ ਕੀਮਤੀ ਸਮਾਨ ਦੀਆਂ ਰੋਜ਼ਾਨਾ ਵੱਡੇ ਪੱਧਰ ਤੇ ਚੋਰੀਆਂ ਹੋ ਰਹੀਆਂ ਹਨ।ਜੋ ਕਿ ਉਚ ਅਧਿਕਾਰੀਆਂ ਦੇ ਧਿਆਨ ਵਿੱਚ ਲਿਆਉਣ ਤੇ ਵੀ ਕੋਈ ਉਨ੍ਹਾਂ ਵੱਲੋ ਪੁਖਤਾ ਪ੍ਰਬੰਧ ਨਹੀਂ ਕੀਤੇ ਜਾ ਰਹੇ।ਉਕਤ ਆਗੂਆਂ ਨੇ ਕਿਹਾ ਕਿ ਪੁਰਾਣੇ ਦਫਤਰ ਵਿਖੇ ਦੋ ਏਕੜ ਵਿੱਚ ਨਵਾਂ ਦਫਤਰ ਬਣਾਏ ਜਾਣ ਸੰਬੰਧੀ ਵੀ ਇਹਨਾਂ ਅਧਿਕਾਰੀਆਂ ਵੱਲੋ ਲਾਰਾ ਲੱਪਾ ਲਾ ਕੇ ਹੀ ਸਾਰਿਆਂ ਜਾ ਰਿਹਾ ਹੈ।ਜਦ ਕਿ ਹੁਣ ਇਹ ਕਰਮਚਾਰੀਆਂ ਵੱਲੋ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।ਸਮੂੰਹ ਜਥੇਬੰਦੀਆਂ ਦੇ ਆਗੂਆਂ ਨੇ ਨਵਾਂ ਨਹਿਰੀ ਦਫਤਰ ਬਣਾਉਣ ਸੰਬੰਧੀ ਫੈਸਲਾ ਲਿਆ ਹੈ ਕਿ ਉਚ ਅਧਿਕਾਰੀਆਂ ਨਾਲ ਮੀਟਿੰਗ ਕਰਕੇ ਉਨ੍ਹਾਂ ਨੂੰ ਇਕ ਹਫਤੇ ਦਾ ਸਮਾਂ ਦਿੱਤਾ ਜਾਵੇਗਾ।ਜੇਕਰ ਫਿਰ ਵੀ ਇਹਨਾਂ ਸੰਬੰਧਤ ਅਧਿਕਾਰੀਆਂ ਵੱਲੋ ਅਣਗੌਲਿਆ ਕੀਤਾ ਗਿਆ ਤਾਂ ਜਥੇਬੰਦੀਆਂ ਦੇ ਆਗੂ ਸਮੂਹ ਮੁਲਾਜ਼ਮਾਂ ਨੂੰ ਨਾਲ ਲੈ ਕੇ ਸੰਬੰਧਤ ਨਿਗਰਾਨ ਇੰਜੀਨੀਅਰਾਂ ਦੇ ਦਫਤਰਾਂ ਸਾਹਮਣੇ ਅਣਮਿੱਥੇ ਸਮੇਂ ਲਈ ਧਰਨਾ ਲਗਾਉਣ ਲਈ ਮਜਬੂਰ ਹੋਣਗੇ।ਮੀਟਿੰਗ ਵਿੱਚ ਹੋਰਨਾਂ ਤੋਂ ਇਲਾਵਾ ਹਰਪਾਲ ਸਿੰਘ,ਬਲਜਿੰਦਰ ਸਿੰਘ ਵਿਰਦੀ,ਗੁਰਦਿਆਲ ਸਿੰਘ,ਪੂਰਨ ਸਿੰਘ,ਰਕੇਸ਼ ਕੁਮਾਰ,ਰਮਨ ਕੁਮਾਰ,ਦਰਸ਼ਨ ਸਿੰਘ,ਦਿਆ ਰਾਮ ਮੁਨਸ਼ੀ,ਹਰਜਿੰਦਰ ਸਿੰਘ,ਜੋਗਿੰਦਰ ਸਿੰਘ ਬਾਬਾ,ਹਰਪਾਲ ਸਿੰਘ ਪੱਟੀ,ਸੰਦੀਪ ਕੁਮਾਰ,ਦੇਸ ਰਾਜ, ਪਰਮਜੀਤ ਸਿੰਘ,ਦੀਪਕ ਕੁਮਾਰ,ਬਲਜੀਤ ਸਿੰਘ,ਹਰਵਿੰਦਰ ਮਸੀਹ,ਮੈਡਮ ਅਨੀਤਾ ਸ਼ਰਮਾ,ਰਜਨੀ ਪ੍ਰਭਾ,ਰਜਨੀ ਭਾਰਦਵਾਜ,ਨਰਿੰਦਰ ਸਿੰਘ ਗਿੱਲ ਆਦਿ ਵੀ ਹਾਜ਼ਰ ਸਨ।
ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।
COMMENTS