ਬਾਬੂ ਕਾਂਸੀ ਰਾਮ ਜੀ ਦਾ ਪ੍ਰੀ-ਨਿਰਵਾਣ ਦਿਵਸ 9 ਅਕਤੂਬਰ ਨੂੰ ਜਲੰਧਰ 'ਚ ਮਨਾਇਆ ਜਾਵੇਗਾ-ਚੌਹਾਨ

ਅੰਮ੍ਰਿਤਸਰ,1ਅਕਤੂਬਰ(ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ,ਨੀਰਜ ਸ਼ਰਮਾ ਜਸਬੀਰ ਸਿੰਘ) -ਬਹੁਜਨ ਸਮਾਜ ਪਾਰਟੀ ਦੀ ਜ਼ਿਲ੍ਹਾ ਪਠਾਨਕੋਟ ਦੀ ਜ਼ਿਲ੍ਹਾ ਪੱਧਰੀ ਮੀਟਿੰਗ ਗੁਰੂ ਰਵਿਦਾਸ ਮੰਦਿਰ ਸ਼ਾਹਪੁਰਕੰਡੀ ਟਾਊਨਸ਼ਿਪ ਵਿਖੇ ਧਰਮ ਪਾਲ ਭਗਤ ਜ਼ਿਲ੍ਹਾ ਪ੍ਰਧਾਨ ਦੀ ਪ੍ਰਧਾਨਗੀ ਹੇਠ ਹੋਈ। ਮੀਟਿੰਗ ਦੀ ਕਾਰਵਾਈ ਰੋਸ਼ਨ ਭਗਤ, ਜ਼ਿਲ੍ਹਾ ਇੰਚਾਰਜ਼ ਵੱਲੋਂ ਚਲਾਈ ਗਈ। ਮੀਟਿੰਗ ਵਿੱਚ ਭਗਵਾਨ ਸਿੰਘ ਚੌਹਾਨ ਜਨਰਲ ਸਕੱਤਰ ਪੰਜਾਬ ਬਤੌਰ ਮੁੱਖ ਮਹਿਮਾਨ ਅਤੇ ਹਲਕਾ ਸੁਜਾਨਪੁਰ ਤੋਂ ਅਕਾਲੀ- ਬਸਪਾ ਗਠਜੋੜ੍ਹ ਦੇ ਸਾਂਝੇ ਉਮੀਦਵਾਰ ਰਾਜ਼ ਕੁਮਾਰ ਗੁਪਤਾ ਬਤੌਰ ਵਿਸ਼ੇਸ਼ ਮਹਿਮਾਨ ਸ਼ਾਮਿਲ ਹੋਏ। ਭਗਵਾਨ ਸਿੰਘ ਚੌਹਾਨ ਨੇ ਆਪਣੇ ਵਿਚਾਰ ਪ੍ਰਗਟ ਕਰਦਿਆਂ ਕਿਹਾ ਕਿ ਬਾਮਸੇਫ, ਡੀ.ਐਸ.ਫੋਰ ਅਤੇ ਬਹੁਜਨ ਸਮਾਜ ਪਾਰਟੀ ਦੇ ਸੰਸਥਾਪਕ ਸਾਹਿਬ ਸ੍ਰੀ ਕਾਂਸ਼ੀ ਰਾਮ ਜੀ ਦਾ ਪਰਿ-ਨਿਰਵਾਣ ਦਿਵਸ 9 ਅਕਤੂਬਰ ਸੂਬਾ ਪੱਧਰ 'ਤੇ ਜਲੰਧਰ ਵਿਖੇ ਮਨਾਇਆ ਜਾਵੇਗਾ। ਜਿਸ ਵਿੱਚ ਹਲਕਾ ਸੁਜਾਨਪੁਰ ਤੋਂ ਸੈਂਕੜੇ ਗੱਡੀਆਂ ਦਾ ਕਾਫ਼ਲਾ ਪਹੁੰਚੇਗਾ। ਰਾਜ ਕੁਮਾਰ ਗੁਪਤਾ ਨੇ ਕਿਹਾ ਕਿ 2022 ਵਿੱਚ ਪੰਜਾਬ ਅੰਦਰ ਅਕਾਲੀ-ਭਾਜਪਾ

ਗੱਠਜੋੜ੍ਹ ਦੀ ਸਰਕਾਰ ਬਣਨ ਜਾ ਰਹੀ ਹੈ। ਸਰਕਾਰ ਬਣਦੇ ਹੀ ਸਰਦਾਰ ਸੁਖਬੀਰ ਸਿੰਘ ਬਾਦਲ ਵਲੋਂ ਐਲਾਨੇ ਗਏ 13 ਨੁਕਾਤੀ ਪ੍ਰੋਗਰਾਮ ਨੂੰ ਲਾਗੂ ਕੀਤਾ ਜਾਵੇਗਾ। ਭਗਵਾਨ ਸਿੰਘ ਚੌਹਾਨ ਤੇ ਰਾਜ਼ ਕੁਮਾਰ ਗੁਪਤਾ ਵੱਲੋਂ ਸਿਰੋਪਾ ਪਾ ਕੇ ਕੈਪਟਨ ਸੋਮ ਰਾਜ ਕਲਿਆਰੀ, ਮੈਨੇਜ਼ਰ ਤਰਸੇਮ ਲਾਲ (ਰਿਟਾ:), ਨੰਬਰਦਾਰ ਮੋਹਨ ਲਾਲ, ਸੂਬੇਦਾਰ ਕੇਵਲ ਕ੍ਰਿਸ਼ਨ (ਰਿਟਾ:) ਨੂੰ ਬਹੁਜਨ ਸਮਾਜ ਪਾਰਟੀ ਵਿੱਚ ਸ਼ਾਮਿਲ ਕਰਵਾਇਆ। ਚੌਹਾਨ ਨੇ ਕਿਹਾ ਕਿ ਪਾਰਟੀ ਵਿੱਚ ਸ਼ਾਮਿਲ ਹੋਣ ਵਾਲਿਆਂ ਦਾ ਪਾਰਟੀ ਵੱਲੋਂ ਬਣਦਾ ਮਾਣ-ਸਤਿਕਾਰ ਦਿੱਤਾ ਜਾਵੇਗਾ। ਇਸ ਮੌਕੇ 'ਤੇ ਭੁਪਿੰਦਰ ਸਿੰਘ ਪ੍ਰਧਾਨ ਹਲਕਾ ਸੁਜਾਨਪੁਰ, ਚਰਨਜੀਤ ਸਿੰਘ ਪ੍ਰਧਾਨ ਹਲਕਾ ਪਠਾਨਕੋਟ, ਮੁਨੀ ਲਾਲ ਪ੍ਰਧਾਨ ਹਲਕਾ ਭੋਆ, ਬਸਪਾ ਦੇ ਸੰਭਾਵੀ ਉਮੀਦਵਾਰ ਰਾਕੇਸ ਕੁਮਾਰ ਹਲਕਾ ਭੋਆ, ਭੂਰੀ ਸਿੰਘ, ਪ੍ਰੇਮ ਮਜੋਤਰਾ, ਚੈਨ ਸਿੰਘ, ਸਤਪਾਲ ਮਜੋਤਰਾ, ਸੁਰਿੰਦਰ ਮੋਹਨ ਯੋਗੀ, ਕੁਸ਼ਾਲ ਸਿੰਘ, ਰੋਹਿਤ ਭਗਤ ਹਾਜ਼ਰ ਸਨ। ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।