ਕਸਬਾ ਕੱਥੂਨੰਗਲ ਦੇ ਆਸ ਪਾਸ ਦੇ ਇਲਾਕੇ ਚ ਭਾਰਤ ਬੰਦ ਦਾ ਦਿਸਿਆ ਅਸਰ

ਟੋਲ ਪਲਾਜ਼ਾ ਕੱਥੂਨੰਗਲ ਤੇ ਕਿਸਾਨਾਂ ਨੇ ਦਿੱਤਾ ਧਰਨਾ। ਅੰਮ੍ਰਿਤਸਰ 27 ਸਤੰਬਰ( ਵਿੱਕੀ/ ਪੱਡਾ) ,ਮੋਦੀ ਸਰਕਾਰ ਵਲੋਂ ਪਾਸ ਕੀਤੇ ਤਿੰਨ ਕਾਲੇ ਖੇਤੀ ਕਾਨੂੰਨਾਂ ਨੂੰ ਪੂਰਨ ਤੌਰ ਰੱਦ ਕਰਨ ਦੇ ਮੁੱਦੇ ਨੂੰ ਕੇ ਸੰਯੁਕਤ ਕਿਸਾਨ ਮੋਰਚੇ ਵੱਲੋਂ ਭਾਰਤ ਬੰਦ ਦੇ ਦਿੱਤੇ ਗਏ ਸਦੇ ਦਾ ਅਸਰ ਅੱਜ ਕਸਬਾ ਕੱਥੂਨੰਗਲ ਸਮੇਤ ਇਤਹਾਸਿਕ ਕਸਬਾ ਚਵਿੰਡਾ ਦੇਵੀ ਜੈਂਤੀਪੁਰ ਚ ਵੀ ਵੇਖਣ ਨੂੰ ਮਿਲਿਆ ਜਿੱਥੇ ਦੁਕਾਨਾਂ ਤੇ ਬਾਜ਼ਾਰ ਪੂਰਨ ਤੇ ਬੰਦ ਰਹੇ ਤੇ ਬਾਜ਼ਾਰਾਂ ਵਿਚ ਸੁਨਸਾਨ ਸ਼ਾਹੀ ਰਹੀ।ਇਸ ਮੌਕੇ ਤੇ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਵਲੋਂ ਕਿਸਾਨ ਨੇਤਾ ਰਸ਼ਪਾਲ ਸਿੰਘ ਤੇ ਬਲਾਕ ਪ੍ਰਧਾਨ ਹਰਪਾਲ ਸਿੰਘ ਗੋਂਸਲ ਜਿੰਮੀਦਾਰਾਂ ਦੀ ਪ੍ਰਧਾਨਗੀ ਹੇਠ ਅੰਮ੍ਰਿਤਸਰ ਪਠਾਨਕੋਟ ਰਾਸ਼ਟਰੀ ਰਾਜ ਮਾਰਗ ਤੇ ਪੈਂਦੇ ਕੱਥੂਨੰਗਲ

ਟੋਲ ਪਲਾਜ਼ਾ ਤੇ ਆਵਾਜਾਈ ਬੰਦ ਕਰਕੇ ਰੋਸ ਧਰਨਾ ਦਿੱਤਾ ਗਿਆ ।ਧਰਨੇ ਦੌਰਾਨ ਵੱਖ ਵੱਖ ਕਿਸਾਨ ਆਗੂਆਂ ਨੇ ਸੰਬੋਧਨ ਕਰਦਿਆਂ ਹੋਇਆਂ ਕਿਹਾ ਕੇ ਇਹ ਕਿਸਾਨੀ ਸੰਘਰਸ਼ ਓਹਨੀ ਦੇਰ ਤੱਕ ਚਲਦਾ ਰਹੇਗਾ ਜਦੋਂ ਤੱਕ ਕੇਂਦਰ ਦੀ ਮੋਦੀ ਸਰਕਾਰ ਵਲੋਂ ਤਿੰਨੇ ਕਾਲੇ ਖੇਤੀ ਕਾਨੂੰਨਾਂ ਨੂੰ ਪੂਰਨ ਤੌਰ ਤੇ ਰੱਦ ਨਹੀ ਕਰ ਦਿੱਤਾ ਜਾਂਦਾ ।ਓਹਨਾ ਅੱਗੇ ਕਿਹਾ ਖੇਤੀ ਕਾਨੂੰਨਾਂ ਸਮੇਤ ਬਿਜਲੀ ਸੋਧ ਬਿੱਲ 2020 ਦਾ ਮਾਰੂ ਅਸਰ ਹਰੇਕ ਵਰਗ ਤੇ ਪਵੇਗਾ ।ਇਸ ਮੌਕੇ ਤੇ ਮੰਗਲ ਸਿੰਘ, ਦਲਬੀਰ ਸਿੰਘ ਮੰਜਵਿੰਡ,ਗੁਰਮੇਜ ਸਿੰਘ ,ਨਿਰਮਲ ਸਿੰਘ,ਸੁਖਪਾਲ ਸਿੰਘ ,ਰਜਿੰਦਰਪਾਲ ਸਿੰਘ ਸ਼ੇਖੂਪੁਰ ,ਮਨਜੀਤ ਸਿੰਘ,ਬਲਵਿੰਦਰ ਸਿੰਘ ,ਹਰਪਾਲ ਸਿੰਘ, ਵਰਿਆਮ ਸਿੰਘ,ਸੂਬਾ ਸਿੰਘ ,ਸਵਰਨ ਸਿੰਘ ,ਮਲਕੀਤ ਸਿੰਘ,ਤਰਲੋਚਨ ਸਿੰਘ,ਗੁਰਪ੍ਰੀਤ ਸਿੰਘ ਆਦਿ ਕਿਸਾਨ ਹਾਜਰ ਸਨ । ਕੈਪਸਨ ਟੋਲ ਪਲਾਜ਼ਾ ਕੱਥੂਨੰਗਲ ਤੇ ਧਰਨਾ ਦਿੰਦੇ ਹੋਏ ਕਿਸਾਨ l