ਅੰਮ੍ਰਿਤਸਰ,8 ਸਤੰਬਰ(ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ, ਨੀਰਜ ਸ਼ਰਮਾ ਜਸਬੀਰ ਸਿੰਘ) - ਬੀਤੇ ਦਿਨ ਧੰਨ ਧੰਨ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਪਹਿਲਾਂ ਪ੍ਰਕਾਸ ਪੁਰਬ ਪਿੰਡ ਮੱਤੇਵਾਲ ਦੀ ਸੰਗਤ ਵੱਲੋ ਗੁਰਦੁਆਰਾ ਬਾਬਾ ਜੀਵਨ ਸਿੰਘ ਜੀ ਵਿਖੇ ਬੜੇ ਸਤਿਕਾਰ ਤੇ ਸਰਧਾ ਭਾਵਨਾ ਨਾਲ ਮਨਾਇਆ ਗਿਆ । ਸੁਖਮਨੀ ਸੇਵਾ ਸੁਸਾਇਟੀ ਬੀਬੀਆ ਵੱਲੋ ਸ਼੍ਰੀ ਸੁਖਮਨੀ ਸਾਹਿਬ ਜੀ ਦਾ ਪਾਠ ਸੰਗਤੀ ਰੂਪ ਵਿੱਚ ਕੀਤਾ ਗਿਆ ਉਪਰੰਤ ਭਾਈ ਮਨਦੀਪ ਸਿੰਘ ਅਬਦਾਲ ਵੱਲੋ ਕਥਾ ਰਾਹੀ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਇਤਿਹਾਸ ਤੇ ਸਿਖਿਆਵਾਂ ਤੋ ਸੰਗਤਾ ਨੂੰ ਜਾਣੂ ਕਰਵਾਇਆ ਗਿਆ ਉਹਨਾ ਕਿਹਾ ਕੇ ਜਿਥੇ ਅੱਜ ਸੰਸਾਰ ਵਿੱਚ ਮਨੁੱਖੀ ਹੱਕ ਖੋੲੇ ਜਾ ਰਹੇ ਹਨ .ਧਰਮਾ ਦੇ ਨਾ
ਲੜਾਇਆ ਜਾ ਰਿਹਾ ਹੈ ਸਮਾਜ ਹਰੇਕ ਪੱਖ ਤੋ ਅਲਾਮਤਾ ਵਿੱਚ ਘਿਰ ਰਿਹਾ ਹੈ ਸਾਰਿਆਂ ਨੂੰ ਇਸ ਗੱਲ ਦੀ ਬੜੀ ਚਿੰਤਾ ਹੈ ਕਿ ਕਿਵੇਂ ਸਮਾਜ ਵਿੱਚ ਵਿਸਵੲੇਕਤਾ. ਭਾਈਚਾਰਕ ਸਾਝ. ਮਾਨਵਤਾਵਾਦੀ ਨਜ਼ਰੀਆ ਪੈਦਾ ਕੀਤਾ ਜਾਵੇ ਤਾ ਇੱਕੋ ਇੱਕ ਹੱਲ ਕੇਵਲ ਗੁਰੂ ਗ੍ਰੰਥ ਸਾਹਿਬ ਜੀ ਹੀ ਹਨ ਕਿਉਕਿ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬਾਣੀ ਸਾਨੂੰ ਸਚਿਆਰ ਮਨੁੱਖ ਬਨਾਉਦੀ ਹੈ ਤੇ ਸਚਿਆਰ ਮਨੁੱਖ ਹੀ ਇੱਕ ਸੱਜਰੇ ਸਮਾਜ ਦੀ ਸਿਰਜਨਾ ਕਰ ਸਕਦਾ ਹੈ ਕਿਉਕਿ ਪਾਵਨ ਬਾਣੀ ਉਪਦੇਸ ਸਰਬ ਪੱਖੀ ਸਰਬ ਕਾਲੀ ਹੈ ਤੇ ਸਾਨੂੰ ਅੈਸੇ ਮਹਾਨ ਗੁਰੂ ਦੇ ਲੜ ਲੱਗ ਕੇ ਆਪਣੇ ਜੀਵਨ ਨੂੰ ਸਫਲਾ ਬਣਾਉਣਾ ਚਾਹਿਦਾ ਹੈ.ਇਸ ਮੌਕੇ ਸੰਗਤਾ ਲਈ ਚਾਹ ਪਾਣੀ ਦਾ ਲੰਗਰ ਅਤੁੱਟ ਵਰਤਾਇਆ ਗਿਆ ਤੇ ਸਮੂਹ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪਤਿਵੰਤੇ ਸੱਜਣ ਤੇ ਗੁਰੂ ਘਰ ਦੇ ਗ੍ਰੰਥੀ ਗਿਆਨੀ ਮਲਕੀਤ ਸਿੰਘ ਵੱਲੋ ਸਾਰਿਆਂ ਦਾ ਧੰਨਵਾਦ ਕੀਤਾ ਗਿਆ।
ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।
COMMENTS