ਸਿੱੱਧੂ ਦੀ ਅਗਵਾਈ ਹੇਠ ਸੂਬਾਈ ਚੋਣਾਂ ‘ਚ ਦਲਿਤ ਅਹਿਮ ਭੂਮਿਕਾ ਨਿਭਾਉਂਣਗੇ ਸਿਆਲਕਾ

ਡਾ ਸਿਆਲਕਾ ਤੇ ਸਿੱਧੂ ਦੀ ਅਹਿਮ ਮੁੱਦਿਆਂ ਨੂੰ ਲੈਕੇ ਹੋਈ ਮੀਟਿੰਗ ਸਰਕਾਰੀ ਤੇ ਸਿਆਸੀ ਹਲਕਿਆਂ ‘ਚ ਦਲਿਤਾਂ ਨੂੰ ਮਿਲੇ ਪੂਰਾ ਮਾਣ :ਸਿਆਲਕਾ ਅੰਮ੍ਰਿਤਸਰ, 4, ਅਗਸਤ (ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ, ਨੀਰਜ ਸ਼ਰਮਾ ਜਸਬੀਰ ਸਿੰਘ) - ਪੰਜਾਬ ਪ੍ਰਦੇਸ਼ ਕਾਂਗਰਸ ਐਸਸੀ ਸ਼ੈੱਲ ਦੇ ਐਕਟਿੰਗ ਚੇਅਰਮੈਨ ਤੇ ਪੰਜਾਬ ਐਸਸੀ ਕਮਿਸ਼ਨ ਦੇ ਮੈਂਬਰ ਡਾ ਤਰਸੇਮ ਸਿੰਘ ਸਿਆਲਕਾ ਨੇ ਹਾਲ ਹੀ ‘ਚ ਪੰਜਾਬ ਪ੍ਰਦੇਸ਼ ਕਾਂਗਰਸ ਦੇ ਪ੍ਰਧਾਨ ਬਣੇ ਸ੍ਰ ਨਵਜੋਤ ਸਿੰਘ ਸਿੱਧੂ ਦੇ ਨਾਲ ਪਲੇਠੀ ਮੁਲਾਕਾਤ ਕੀਤੀ।

ਇਸ ਮਿਲਣੀ ਮੌਕੇ ਡਾ ਸਿਆਲਕਾ ਨੇ ਪਾਰਟੀ ਦੇ ਸੂਬਾ ਪ੍ਰਧਾਨ ਨਾਲ ਪੰਜਾਬ ਦੇ ਸਿਆਸੀ ਗਲਿਆਰਿਆਂ ਅਤੇ ਪ੍ਰਸਾਸਕੀ ਹਲਕਿਆਂ ਦਲਿਤ ਭਾਈਚਾਰੇ ਨਾਲ ਹੋ ਰਹੇ ਤਿੱਖੇ ਵਿਤਕਰੇ ਦੇ ਵਿਸ਼ੇ ਤੇ ਚਰਚਾ ਕੀਤੀ ਅਤੇ ਸਮਾਜਿਕ ਦ੍ਰਿਸ਼ਟੀਕੋਣ ਦੇ ਮਾਧਿਅਮ ਰਾਹੀਂ ਜਾਤੀ ਭਿੰਨ-ਭੇਦ ਖਿਲਾਫ ਮੌਰਚਾ ਖੌਲ੍ਹਣ ਦੀ ਤਾਕੀਦ ਕੀਤੀ। ਐਸਸੀ ਕਮਿਸ਼ਨ ਦੇ ਮੈਂਬਰ ਡਾ ਸਿਆਲਕਾ ਨੇ ਸ੍ਰ ਸਿੱਧੂ ਕੋਲ ਮੰਗ ਰੱਖੀ ਕਿ ਜੇਕਰ ਸਹੀ ਅਰਥਾਂ ‘ਚ ਅਨੁਸੂਚਿਤ ਜਾਤੀ ਸਮੁਦਾਇ ਦਾ ਭਲਾ ਕਰਨਾ ਹੈ ਤਾਂ ਫਿਰ ਪੰਜਾਬ ਰਾਜ ਅਨੁਸੂਚਿਤ ਜਾਤੀ ਕਮਿਸ਼ਨ ਨੂੰ ‘ਜੁਡੀਸ਼ਰੀ’ ਤਾਕਤ ਦੇ ਨਾਲ ਲੈੱਸ ਕਰਨ ਦੀ ਸ਼ਿਫਾਰਸ਼ ਪੰਜਾਬ ਸਰਕਾਰ ਨੂੰ ਕਰਦੇ ਹੋਏ, ਕਮਿਸ਼ਨ ਦੇ ਸੰਵਿਧਾਨ ‘ਚ ਲੋੜੀਦੀ ਸੋਧ ਕਰਵਾਉਂਦੇ ਹੋਏ ਗੈਰ-ਸਰਕਾਰੀ ਮੈਂਬਰ ਨੂੰ ਕੈਬਨਿਟ ਰੈਂਕ ਦਾ ਦਰਜਾ ਅਤੇ ਮੰਤਰੀ ਦੇ ਪ੍ਰੋਟੋਕਾਲ ਅਨੁਸਾਰ ਸਮੂਹ ਸੁੱਖ ਸਹੂਲਤਾਂ ਅਤੇ ਆਜੀਵਨ ਕਾਲ ਪੈਨਸ਼ਨਰ ਸਕੀਮ ਦੇ ਲਾਭਪਾਤਰੀ ਬਣਾਇਆ ਜਾਵੇ। ਡਾ ਤਰਸੇਮ ਸਿੰਘ ਸਿਆਲਕਾ ਸੂਬਾ ਪ੍ਰਧਾਨ ਪੰਜਾਬ ਕਾਂਗਰਸ ਕੋਲ ਇਹ ਮੁੱਦਾ ਉਠਾਇਆ ਕਿ ਦਲਿਤ ਸਮਾਜ ਦਾ ਅਨਿੱਖੜਵਾਂ ਅੰਗ ਮੱਜ੍ਹਬੀ ਸਿੱਖ ਭਾਈਚਾਰੇ ਦਾ ਸਮੂਹ ਵਿਭਾਗਾਂ ‘ਚ ਭਰਤੀ ਕੋਟਾ ਪਹਿਲਾਂ ਜਿੰਨ੍ਹਾ ਹੀ ਬਹਾਲ ਕੀਤਾ ਜਾਵੇ। ਦਲਿਤ ਸਮਾਜ ਦੇ ਨਾਲ ਸਬੰਧਤ ਪ੍ਰਸਾਸ਼ਨਿਕ ਅਧਿਕਾਰੀ ਅਫਸਰ ਸਾਹਿਬਾਨਾ ਅਤੇ ਕਰਮਚਾਰੀਆਂ ਦੀਆਂ ਰੁੱਕੀਆ ਵਿਭਾਗੀ ਤਰੱਕੀਆਂ ਨੂੰ ਬਹਾਲ ਕਰਨ, ਡ੍ਰੋਪ ਕੀਤੀ ਗਈ ਸੀਨੀਆਰਟੀ ਨੂੰ ਪਹਿਲ ਦੇ ਆਧਾਰ ਤੇ ਲਾਗੂ ਕਰਵਾਉਂਣ ਬੈਕ-ਲਾਗ ਅਤੇ ਰਾਖਵੇਂ ਕੋਟੇ ਦਾ ਲਾਭ ਸਰਕਾਰੀ ਲਾਭਪਾਤਰੀਆਂ ਨੂੰ ਦਿੱਤੇ ਜਾਣ ਦੀ ਵਕਾਲਤ ਕਰਦਿਆਂ ਸਿਆਲਕਾ ਨੇ ਸਿੱਧੂ ਨੂੰ ਕਿਹਾ ਕਿ ਸਮੂਹ ਦਲਿਤ ਲਾਬੀ ਨਾਲ ਮੀਟਿੰਗ ਕਰਕੇ ਉਨ੍ਹਾ ਨੂੰ ਇੱਕਸਾਰ ਸੁਣਿਆ ਜਾਵੇ। ਸਿਆਲਕਾ ਨੇ ਸ੍ਰ ਸਿੱਧੂ ਨੂੰ ਭਰੋਸਾ ਦਿੱਤਾ ਕਿ ਜੇਕਰ ਬਤੌਰ ਕਾਂਗਰਸ ਪ੍ਰਧਾਨ ਪੰਜਾਬ ਉਹ ਦਲਿਤ ਵਰਗ ਦੀ ਨਮਾਈਂਦਾ ਜ਼ਮਾਤ ਨੂੰ ਬਣਦਾ ਮਾਣ ਸਤਿਕਾਰ ਦੇਣਗੇ ਤਾਂ 2022 ‘ਚ ਪੰਜਾਬ ‘ਚ ਕਾਂਗਰਸ ਦੀ ਸਰਕਾਰ ਰਪੀਟ ਹੋ ਸਕਦੀ ਹੈ ਕਿਉਂ ਕਿ ਫੈਸਲਾ-ਕੁੰਨ ਨਤੀਜੇ ਦਾ ਮੁੱਢ੍ਹ ਦਲਿਤ ਸਮਾਜ ਦੀ ਵੋਟ ਬੈਂਕ ਹੀ ਬੰਨ ਸਕਦੀ ਹੈ। ਚੇਤੇ ਰਹੇ ਸ੍ਰ ਸਿੱਧੂ ਨੇ ਸੂਬੇ ਦੇ ਰਾਖਵੇਂ ਹਲਕਿਆਂ ਚੋਂ ਮਿਲਣ ਲਈ ਪਹੁੰਚੇ ਵਿਧਾਇਕਾਂ ਅਤੇ ਪੰਜਾਬ ਰਾਜ ਅਨੁਸੂਚਿਤ ਜਾਤੀ ਕਮਿਸ਼ਨ ਦੇ ਮੈਂਬਰ ਡਾ ਟੀਐਸ ਸਿਆਲਕਾ ਨੂੰ ਮਿਲਣ ਮੌਕੇ ਇਸ ਗੱਲ ਦਾ ਭਰੋਸਾ ਦਿੱਤਾ ਹੈ ਕਿ ਜੋ ਮਾਣ ਸਤਿਕਾਰ ਅਜੇ ਤੱਕ ਉਨ੍ਹਾ ਨੂੰ ਨਹੀਂ ਮਿਲ ਸਕਿਆ ਹੈ, ਆਉਂਣ ਵਾਲੇ ਦਿਨਾਂ ‘ਚ ਦਲਿਤ ਹਲਕਿਆਂ ‘ਚ ਸਰਕਾਰ ਦੀ ਵਡਿਆਈ ਦੇ ਚਰਚੇ ਹੋਣਗੇ। ਅੰਤ ‘ਚ ਸਿਆਲਕਾ ਅਤੇ ਸਿੱਧੂ ਦਰਮਿਆਨ 20 ਮਿੰਟ ਬੰਦ ਕਮਰਾ ਮੀਟਿੰਗ ਵੀ ਹੋਈ ਹੈ ਕਿਸ ਵਿਸ਼ੇ ਤੇ ਬੰਦ ਕਮਰਾ ਚਰਚਾ ਹੈ ਇਹ ਭੇਦ ਅਜੇ ਬਰਕਰਾਰ ਹੈ। ਪ੍ਰੈਸ ਨੂੰ ਮੁਖਾਤਿਬ ਹੁੰਦਿਆਂ ਡਾ ਸਿਆਲਕਾ ਨੇ ਕਿਹਾ ਕਿ ਸ੍ਰ ਨਵਜੋਤ ਸਿੰਘ ਸਿੱਧੂ ਦੀ ਅਗਵਾਈ ਹੇਠ ਪੰਜਾਬ ਦਾ ਸਮੁੱਚਾ ਦਲਿਤ ਭਾਈਚਾਰਾ ਪੰਜਾਬ ਵਿਧਾਨ ਸਭਾ ਦੀਆਂ 2022 ‘ਚ ਹੋਣ ਜਾ ਰਹੀਆਂ ਸੰਭਾਵੀਂ ਚੋਣਾਂ ‘ਚ ਕਾਂਗਰਸ ਜਿੱਤ ਦਾ ਪ੍ਰਚੰਮ ਲਹਿਰਾਏਗੀ। ਫੋਟੋ ਕੈਪਸ਼ਨ : ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਸ੍ਰ ਨਵਜੋਤ ਸਿੰਘ ਸਿੱਧੂ ਪੰਜਾਬ ਦੇ ਉੱਚ ਕੋਟੀ ਦੇ ਦਲਿਤ ਨੇਤਾ ਡਾ ਤਰਸੇਮ ਸਿੰਘ ਸਿਆਲਕਾ ਤੋਂ ਵਧਾਈ ਕਬੂਲਦੇ ਹੋਏ। ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।