ਆਟੋ ਯੂਨੀਅਨ ਨੇ ਕੀਤਾ ਰੋਸ ਪ੍ਰਦਰਸ਼ਨ,ਕਿਰਾਇਆ ਫਿਕਸ ਕਰਨ ਤੇ ਤੇਲ ਤੇ ਸਬਸਿਡੀ ਦੇਣ ਦੀ ਕੀਤੀ ਮੰਗ

ਅੰਮ੍ਰਿਤਸਰ,29 ਜੁਲਾਈ (ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ, ਨੀਰਜ ਸ਼ਰਮਾ ਜਸਬੀਰ ਸਿੰਘ) - ਆਟੋ ਯੂਨੀਅਨ ਅੰਮ੍ਰਿਤਸਰ ਦੇ ਪ੍ਰਧਾਨ ਪਰਮਜੀਤ ਸਿੰਘ ਦੀ ਅਗਵਾਈ ਹੇਠ ਨਵੀਂ ਆਬਾਦੀ ਰਤਨ ਸਿੰਘ ਚੌਂਕ ਵਿਖੇ ਅੱਜ ਆਟੋ ਚਾਲਕਾਂ ਵਲੋ ਰੋਸ ਵਜੋਂ ਆਪਣੇ ਆਟੋ ਰਿਕਸ਼ੇ ਬੰਦ ਕਰਕੇ ਸਰਕਾਰ ਵਿਰੁੱਧ ਰੋਹ ਭਰਪੂਰ ਰੋਸ ਪ੍ਰਦਰਸ਼ਨ ਕੀਤਾ ਗਿਆ।ਜਿਸ ਵਿੱਚ ਉਨ੍ਹਾਂ ਕਿਹਾ ਸਰਕਾਰ ਵੱਲੋ ਨਿੱਤ ਦਿਨ ਪੈਟਰੋਲ ਅਤੇ ਡੀਜ਼ਲ ਦੀਆਂ ਵਧਾਈਆਂ ਜਾ ਰਹੀਆਂ ਕੀਮਤਾਂ ਕਾਰਨ ਆਟੋ ਚਾਲਕਾਂ ਦਾ ਕਾਰੋਬਾਰ ਖਤਮ ਹੋਣ ਕਿਨਾਰੇ ਜਾ ਪੁੱਜਾ ਹੈ। ਤੇਲ ਮਹਿੰਗਾ ਅਤੇ ਆਟੋ ਕਿਰਾਇਆ ਘੱਟ ਹੋਣ ਕਰਕੇ ਘਰਾਂ ਦਾ ਗੁਜ਼ਾਰਾ ਕਰਨਾ ਵੀ ਮੁਸ਼ਕਲ ਹੋ ਗਿਆ ਹੈ।ਬਿਜਲੀ ਬਿੱਲ,ਦਵਾਈ ਅਤੇ ਪੜ੍ਹਾਈ

ਦੇ ਖਰਚਿਆਂ ਨੂੰ ਪੂਰਾ ਕਰਨਾ ਤਾਂ ਦੂਰ ਦੀ ਗੱਲ ਹੈ,ਪ੍ਰੀਵਾਰ ਦੀ ਦੋ ਟਾਈਮ ਰੋਟੀ ਰੋਜ਼ੀ ਵੀ ਪੂਰੀ ਨਹੀਂ ਹੋ ਰਹੀ।ਸਰਕਾਰ ਵੱਲੋ ਵੀ ਕੋਈ ਆਰਥਿਕ ਸਹੂਲਤ ਨਹੀਂ ਮਿਲ ਰਹੀ।ਉਨ੍ਹਾਂ ਨੇ ਸਰਕਾਰ ਪਾਸੋਂ ਮੰਗ ਕੀਤੀ ਹੈ ਆਟੋ ਚਾਲਕਾਂ ਨੂੰ ਡੀਜ਼ਲ ਅਤੇ ਪੈਟਰੋਲ ਤੇ ਸਬਸਿਡੀ ਦਿੱਤੀ ਜਾਵੇ।ਅਤੇ ਆਟੋ ਰਿਕਸ਼ੇ ਦੇ ਕਿਰਾਏ ਨਿਰਧਾਰਿਤ ਕੀਤੇ ਜਾਣ।ਇਸ ਮੌਕੇ ਰੋਸ ਧਰਨੇ ਵਿੱਚ ਉਚੇਚੇ ਤੌਰ ਪਹੁੰਚੇ ਬਸਪਾ ਆਗੂ ਹਰਜੀਤ ਸਿੰਘ ਅਬਦਾਲ,ਇੰਜੀ: ਰਾਮ ਸਿੰਘ, ਮਨਜੀਤ ਸਿੰਘ ਨੇ ਯੂਨੀਅਨ ਨੂੰ ਵਿਸ਼ਵਾਸ ਦਿਵਾਉਂਦੇ ਹੋਏ ਕਿਹਾ ਕਿ ਬਹੁਜਨ ਸਮਾਜ ਪਾਰਟੀ ਅੰਮ੍ਰਿਤਸਰ ਵੱਲੋ ਪ੍ਰਸ਼ਾਸ਼ਨ ਨਾਲ ਤਾਲਮੇਲ ਕਰਕੇ ਆਟੋ ਚਾਲਕਾਂ ਨੂੰ ਟਰੈਫਿਕ ਸੰਬੰਧੀ ਆ ਰਹੀਆਂ ਮੁਸਕਲਾਂ ਤੋਂ ਇਲਾਵਾ ਆਟੋ ਦੇ ਕਿਰਾਏ ਫਿਕਸ ਕਰਵਾਉਣ ਲਈ ਵੀ ਉਪਰਾਲਾ ਕੀਤਾ ਜਾਵੇਗਾ। ਇਸ ਮੌਕੇ ਯੂਨੀਅਨ ਦੇ ਮੀਤ ਪ੍ਰਧਾਨ ਸੋਨੂੰ, ਖਜਾਨਚੀ ਰਾਜ ਕੁਮਾਰ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਆਟੋ ਚਾਲਕ ਮੌਜੂਦ ਸਨ। ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।