ਵੋਟਾਂ ਬਟੋਰ ਕੇ ਆਰ ਐੱਮ ਪੀ ਡਾਕਟਰਾਂ ਨੂੰ ਕੀਤਾ ਜਾ ਰਿਹਾ ਖੱਜਲ ਖੁਆਰ ,ਡਾ ਪਿਆਰਾ ਸਿੰਘ

ਬਟਾਲਾ 27 ਅਕਤੂਬਰ (ਡਾ ਬਲਜੀਤ ਸਿੰਘ.ਨੀਰਜ ਸ਼ਰਮਾ. ਜਸਬੀਰ ਸਿੰਘ ) ਮੈਡੀਕਲ ਪ੍ਰੈਕਟੀਸ਼ਨਰਜ਼ ਐਸੋਸੀਏਸ਼ਨ ਜ਼ਿਲਾ ਗੁਰਦਾਸਪੁਰ ਦੀ ਮਹੀਨਾਵਰ ਮੀਟਿੰਗ ਗੁਰਦੁਆਰਾ ਸੰਤ ਬਾਬਾ ਹਜ਼ਾਰਾ ਸਿੰਘ ਛੋਟੇ ਘੁੰਮਣ ਵਿਖ਼ੇ ਜਿਲ੍ਹਾ ਪ੍ਰਧਾਨ ਡਾ ਪਿਆਰਾ ਸਿੰਘ ਹੰਬੋਵਾਲ਼ ਦੀ ਪ੍ਰਧਾਨਗੀ ਹੇਠ ਹੋਈ। ਇਸ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਡਾ ਪਿਆਰਾ ਸਿੰਘ ਹੰਬੋਵਾਲ ਨੇ ਕਿਹਾ ਕਿ ਆਉਣ ਵਾਲੇ ਸਮੇਂ ਵਿਚ ਸਾਨੂੰ ਏਕਤਾ ਦੀ ਲੋੜ ਹੈ ਕਿਉਂਕਿ ਵੋਟ ਬਟੋਰੂ ਸਰਕਾਰਾ ਨੇ ਸਾਡਾ ਮਸਲਾ ਹੱਲ ਕਰਨ ਲਈ ਸਹਿਰਦ ਨਹੀਂ ਹੈ। ਇਸ ਮੌਕੇ ਸੂਬਾ ਮੀਤ ਪ੍ਰਧਾਨ ਡਾਕਟਰ ਅਵਤਾਰ ਕਿਲਾ ਲਾਲ ਸਿੰਘ , ਜਿਲ੍ਹਾ ਚੇਅਰਮੈਂਨ ਡਾ ਗੁਰਨੇਕ ਸਿੰਘ ਅਤੇ ਜਿਲ੍ਹਾ ਜਨਰਲ ਸਕੱਤਰ ਡਾ ਭੂਪਿੰਦਰ ਸਿੰਘ ਗਿੱਲ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਜਥੇਬੰਦੀ ਨੇ ਪਿਛਲੇ ਸਮੇਂ ਕਨਵੈਨਸ਼ਨ ਕਰਕੇ ਸਾਰੇ ਸੂਬੇ ਵਿਚ ਡਾਕਟਰਾਂ ਨੂੰ ਜਾਗਰੂਕ ਕੀਤਾ ਹੈ ਅਤੇ ਅਗਲੇ ਸਮੇਂ ਵਿੱਚ ਵੱਖ ਵੱਖ ਜਥਬੰਦੀਆਂ ਵਿੱਚ ਏਕਤਾ ਕਰਨ ਲਈ ਪੁਰਜ਼ੋਰ ਯਤਨ ਕੀਤੇ ਜਾਣਗੇ। ਇਸ ਮੀਟਿੰਗ ਵਿੱਚ ਹੋਰਨਾਂ ਤੋਂ ਇਲਾਵਾਜਿਲ੍ਹਾ ਖਜਾਨਚੀ ਡਾ ਕਸ਼ਮੀਰ ਸਿੰਘ ਕਾਹਲਵਾਂ ਸੀਨਿਅਰ ਮੀਤ ਪ੍ਰਧਾਨ ਡਾ ਸੰਤੋਖ਼ ਰਾਜ ਭਗਤ,ਜਿਲ੍ਹਾ ਸਲਾਹਕਾਰ ਡਾ ਸਤਪਾਲ , ਜਿਲ੍ਹਾ ਪ੍ਰੈਸ ਸਕੱਤਰ ਡਾ ਸਤਨਾਮ ਸਿੰਘ ਕੰਡੀਲਾ, ਮੁੱਖ ਬੁਲਾਰਾ ਡਾ ਭੂਪਿੰਦਰ ਸਿੰਘ ਕਲਾਨੌਰ, ਡਾ ਅਜ਼ੀਜ਼ ਮਸੀਹ ਜਨਰਲ ਸਕੱਤਰ ਬਲਾਕ ਕਲਾਨੌਰ , ਡਾ ਸੰਤੋਖ ਸਿੰਘ ਲੀਕ ਕਲਾ, ਡਾ ਭੁਪਿੰਦਰ ਸਿੰਘ ਘੋੜੇਵਾਹ, ਡਾ ਸਤਨਾਮ ਸਿੰਘ ਭੇਟ ਪੱਤਨ ਆਦਿ ਆਗੂ ਸ਼ਾਮਿਲ ਸਨ।