ਫੀਲਡ ਰੇਕਲਾਮੇਸਨ ਸਹਾਇਕਾਂ ਦੀ ਪਦ ਉੱਨਤੀ ਸੰਬੰਧੀ ਮੰਤਰੀ ਜਲ ਸਰੋਤ ਵਿਭਾਗ ਨੂੰ ਦਿੱਤਾ ਮੰਗ ਪੱਤਰ

ਅੰਮ੍ਰਿਤਸਰ4 ਅਪ੍ਰੈਲ (ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ, ਨੀਰਜ ਸ਼ਰਮਾ) - ਨਹਿਰੀ ਪਟਵਾਰ ਯੂਨੀਅਨ (ਰਜਿ:) ਪੰਜਾਬ ਅਤੇ ਅਨੁਸੂਚਿਤ ਜਾਤੀਆਂ ਅਤੇ ਪਛੜੀਆਂ ਸ਼੍ਰੇਣੀਆਂ ਕਰਮਚਾਰੀ ਫੈਡਰੇਸ਼ਨ ਪੰਜਾਬ ਦੇ ਇਕ ਉਚ ਪੱਧਰੀ ਵਫਦ ਵੱਲੋ ਸੂਬਾ ਪ੍ਰਧਾਨ ਜਸਕਰਨ ਸਿੰਘ ਗਹਿਰੀ ਬੁੱਟਰ ਅਤੇ ਸੂਬਾ ਪ੍ਰਧਾਨ ਹਰਵਿੰਦਰ ਸਿੰਘ ਰੌਣੀ ਦੀ

ਅਗਵਾਈ ਹੇਠ ਜਲ ਸਰੋਤ ਵਿਭਾਗ ਪੰਜਾਬ ਦੇ ਕੈਬਨਿਟ ਮੰਤਰੀ ਸ੍ਰੀ ਬ੍ਰਹਮ ਸੰਕਰ ਜਿੰਪਾ ਜੀ ਨੂੰ ਦਿੱਤੇ ਇੱਕ ਲਿਖਤੀ ਮੰਗ ਪੱਤਰ ਰਾਹੀਂ ਮੰਗ ਕੀਤੀ ਹੈ ਕਿ ਪੰਜਾਬ ਸਰਕਾਰ ਵੱਲੋ ਜਲ ਸਰੋਤ ਵਿਭਾਗ ਦੇ ਪੁਨਰਗਠਨ ਦੌਰਾਨ ਭੰਗ ਕੀਤੇ ਭੌਂ ਸੁਧਾਰ ਮੰਡਲ ਵਿੱਚ ਲੰਬੇ ਸਮੇਂ ਤੋਂ ਕੰਮ ਕਰਦੇ ਫੀਲਡ ਰੇਕਲਾਮੇਸਨ ਸਹਾਇਕਾਂ ਦੀਆਂ ਪੋਸਟਾਂ ਵੀ ਖਤਮ ਕਰ ਦਿੱਤੀਆਂ ਗਈਆਂ ਹਨ।ਜਿਸ ਨਾਲ ਇਨ੍ਹਾਂ ਕਰਮਚਾਰੀਆਂ ਵਿੱਚ ਬੜੀ ਬੇਚੈਨੀ ਅਤੇ ਮਾਯੂਸੀ ਪਾਈ ਜਾ ਰਹੀ ਹੈ।ਜਦ ਕਿ ਇਹਨਾਂ ਕਰਮਚਾਰੀਆਂ ਦਾ ਨਹਿਰੀ ਪਟਵਾਰੀਆਂ ਨਾਲ ਮਿਲਦਾ ਜੁਲਦਾ ਕੰਮ ਹੈ ਅਤੇ ਇਹਨਾਂ ਕਰਮਚਾਰੀਆਂ ਦੀ ਗਿਣਤੀ ਵੀ ਹੁਣ ਸਾਰੇ ਮਹਿਕਮੇ ਵਿੱਚ ਸਿਰਫ 9 ਦੇ ਕਰੀਬ ਬਣਦੀ ਹੈ, ਨੂੰ ਵਿੱਦਿਅਕ ਯੋਗਤਾ ਵਿੱਚ ਛੋਟ ਦੇ ਕੇ ਤਜਰਬੇ ਦੇ ਅਧਾਰ ਤੇ ਨਹਿਰੀ ਪਟਵਾਰੀ ਪਦ ਉਨਤ ਕੀਤਾ ਜਾਵੇ।ਉਕਤ ਮੁਲਾਜ਼ਮ ਆਗੂਆਂ ਵੱਲੋਂ ਮੰਤਰੀ ਜਲ ਸਰੋਤ ਵਿਭਾਗ ਪੰਜਾਬ ਦੇ ਇਹ ਵੀ ਧਿਆਨ ਵਿੱਚ ਲਿਆਂਦਾ ਗਿਆ ਹੈ ਕਿ ਮਹਿਕਮੇ ਵਿੱਚ ਕਲੈਰੀਕਲ ਕਾਮਿਆਂ ਦੀ ਕਲਰਕ ਤੋਂ ਸੁਪਰਡੈਂਟ ਤੱਕ ਦੀ ਪਦ ਉੱਨਤੀ ਲਈ ਵਿੱਦਿਅਕ ਯੋਗਤਾ ਦਸਵੀਂ ਪਾਸ ਹੈ,ਪ੍ਰੰਤੂ ਮਹਿਕਮੇ ਵਿੱਚ ਕੰਮ ਕਰਦੇ ਦਰਜਾ ਤਿੰਨ ਫੀਲਡ ਰੇਕਲਾਮੇਸਨ ਸਹਾਇਕਾਂ ਜਿੰਨ੍ਹਾਂ ਦਾ ਨਹਿਰੀ ਪਟਵਾਰੀਆਂ ਨਾਲ ਮਿਲਦਾ ਜੁਲਦਾ ਕੰਮ ਹੈ, ਦੀ 15 ਪ੍ਰਤੀਸ਼ਤ ਕੋਟੇ ਅਧੀਨ ਪਦ ਉੱਨਤੀ ਲਈ ਵਿੱਦਿਅਕ ਯੋਗਤਾ ਬੀ ਏ ਰੱਖੀ ਗਈ ਹੈ।ਜੋ ਕਿ ਇਨ੍ਹਾਂ ਕਰਮਚਾਰੀਆਂ ਨਾਲ ਬਹੁਤ ਵੱਡੀ ਬੇਇਨਸਾਫ਼ੀ ਹੈ।ਜਦ ਕਿ ਇਸੇ ਹੀ ਮਹਿਕਮੇ ਵਿੱਚ ਪਟਵਾਰੀ ਤੋਂ ਐਚ ਆਰ ਸੀ ਤੱਕ ਦੀ ਪਦ ਉੱਨਤੀ ਲਈ ਵਿੱਦਿਅਕ ਯੋਗਤਾ ਦਸਵੀਂ ਪਾਸ ਹੀ ਹੈ।ਉਕਤ ਆਗੂਆਂ ਨੇ ਮੰਤਰੀ ਜਲ ਸਰੋਤ ਵਿਭਾਗ/ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਮਹਿਕਮੇ ਵਿੱਚ 15 - 20 ਸਾਲਾਂ ਤੋਂ ਕੰਮ ਕਰਦੇ ਫੀਲਡ ਰੇਕਲਾਮੇਸਨ ਸਹਾਇਕਾਂ ਦੇ ਤਜਰਬੇ ਨੂੰ ਮੁੱਖ ਰੱਖਦੇ ਹੋਏ ਵਿੱਦਿਅਕ ਯੋਗਤਾ ਵਿੱਚ ਛੋਟ ਦੇ ਕੇ ਕਲਰਕਾਂ ਦੀ ਤਰ੍ਹਾਂ ਦਸਵੀਂ ਪਾਸ ਵਿੱਦਿਅਕ ਯੋਗਤਾ ਦੇ ਅਧਾਰ ਤੇ ਹੀ ਨਹਿਰੀ ਪਟਵਾਰੀ ਪਦ ਉਨਤ ਕੀਤਾ ਜਾਵੇ।ਹੋਰਨਾਂ ਤੋਂ ਇਲਾਵਾ ਵਫਦ ਵਿੱਚ ਸੀਨੀਅਰ ਮੀਤ ਪ੍ਰਧਾਨ ਕ੍ਰਿਪਾਲ ਸਿੰਘ ਪਨੂੰ ਅਤੇ ਰਾਜਦੀਪ ਸਿੰਘ ਚੰਦੀ,ਸਰਪ੍ਰਸਤ ਸੰਤੋਸ਼ ਕੁਮਾਰ, ਚੇਅਰਮੈਨ ਸੁਭਾਸ਼ ਚੰਦਰ ਮੋਦਗਿੱਲ ਅਤੇ ਪ੍ਰਦੀਪ ਕੁਮਾਰ,ਨਿਸ਼ਾਨ ਸਿੰਘ ਰੰਧਾਵਾ, ਰਣਵੀਰ ਸਿੰਘ, ਹਰਨੇਕ ਸਿੰਘ,ਗੁਰਨਿਸਾਨ ਸਿੰਘ,ਹਰਜਿੰਦਰ ਸਿੰਘ ਵੇਰਕਾ,ਸੁਰਜੀਤ ਸਿੰਘ,ਬਲਦੇਵ ਸਿੰਘ ਫੌਜੀ,ਗੁਰਮੇਜ ਸਿੰਘ ਬੀ ਏ,ਸਤਿੰਦਰ ਸਿੰਘ,ਸੁਰਿੰਦਰਪਾਲ ਸਿੰਘ,ਸਰਬਜੀਤ ਸਿੰਘ,ਚੰਦਰ ਜੀ ਹੁਸ਼ਿਆਰਪੁਰ,ਦਵਿੰਦਰ ਮੰਡੇਰ,ਰਮਨ ਸਿੰਘ ਰੋਪੜ,ਹਰਪ੍ਰੀਤ ਸਿੰਘ ਬਠਿੰਡਾ,ਜਗਦੀਪ ਰਾਏਕੋਟ,ਰਜਿੰਦਰ ਸਰਮਾ,ਕੁਲਦੀਪ ਸਿੰਘ,ਜਗਮੋਹਨ ਸਿੰਘ ਢਿੱਲੋਂ,ਸੁਖਜੀਤ ਮੁਕਤਸਰ, ਉਂਕਾਰ ਸਿੰਘ ,ਚੰਦਰਦੀਪ ਸਿੰਘ, ਰਮਨ ਪਰਮਾਰ,ਅੰਕਿਤ ਸਰਮਾ, ਅਮ੍ਰਿਤਪਾਲ ਸਿੰਘ,ਵਿਸਾਲ ਭਨੋਟ,ਅਸ਼ਵਨੀ ਕੁਮਾਰ,ਰਣਜੋਧ ਸਿੰਘ ਢਿੱਲੋਂ,ਰਣਜੀਤ ਸਿੰਘ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਕਰਮਚਾਰੀ ਹਾਜ਼ਰ ਸਨ। ਫੋਟੋ ਕੈਪਸ਼ਨ-: ਜਲ ਸਰੋਤ ਵਿਭਾਗ ਦੇ ਮੰਤਰੀ ਸ੍ਰੀ ਬ੍ਰਹਮ ਸੰਕਰ ਜਿੰਪਾ ਨੂੰ ਮੰਗ ਪੱਤਰ ਦੇਂਦੇ ਹੋਏ ਯੂਨੀਅਨ ਦੇ ਸੂਬਾਈ ਆਗੂ ਜਸਕਰਨ ਸਿੰਘ ਗਹਿਰੀ ਬੁੱਟਰ,ਹਰਵਿੰਦਰ ਸਿੰਘ ਰੌਣੀ ਅਤੇ ਹੋਰ। ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।