ਅੰਮ੍ਰਿਤਸਰ,25 ਜੂਨ (ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ, ਨੀਰਜ ਸ਼ਰਮਾ, ਜਸਬੀਰ ਸਿੰਘ) - ਟੈਕਨੀਕਲ ਸਰਵਿਸਜ ਯੂਨੀਅਨ ਦੇ ਬਾਰਡਰ ਜੋਨ ਅੰਮ੍ਰਿਤਸਰ (ਵਿਗਿਆਨਕ ਗਰੁੱਪ ) ਦੇ ਸਕੱਤਰ ਸ੍ਰ ਗੁਰਪ੍ਰੀਤ ਸਿੰਘ ਜੱਸਲ ਨੇ ਪ੍ਰੈਸ ਨੂੰ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਸਹਾਇਕ ਲਾਇਨਮੈਨਾ ਨੂੰ ਭਰਤੀ ਕਰਨ ਲੱਗਿਆਂ ਪਹਿਲਾਂ ਹੀ ਸਰਕਾਰ ਅਤੇ ਪਾਵਰਕਾਮ ਦੀ ਮੈਨੇਜਮੈਂਟ ਨੇ ਧੱਕੇਸ਼ਾਹੀ ਕਰਦਿਆਂ ਉਨ੍ਹਾਂ ਨੂੰ ਲਾਈਨਮੈਨ ਦੀ ਜਗ੍ਹਾ ਸਹਾਇਕ ਲਾਇਨਮੈਨ ਭਰਤੀ ਕੀਤਾ ਗਿਆ। ਫਿਰ ਉਸ ਤੋਂ ਬਾਅਦ ਉਨ੍ਹਾਂ ਨੂੰ ਤਿੰਨ ਸਾਲ ਦੇ ਪਰਖਕਾਲ ਦੇ ਰੂਪ ਵਿਚ ਸਖ਼ਤ ਸਜ਼ਾ ਦਿੱਤੀ ਗਈ ਅਤੇ ਸਕਿਲਡ ਵਰਕਰ ਤੋ
ਸੈਮੀ ਸਕਿਲਡ ਕਰ ਦਿੱਤਾ ਗਿਆ ਤੇ ਹੁਣ ਸਹਾਇਕ ਲਾਇਨਮੈਨਾ ਨੂੰ ਨਵਾਂ ਫ਼ਰਮਾਨ ਜਾਰੀ ਕਰ ਦਿੱਤਾ ਗਿਆ ਕਿ ਜਿਸ ਵਿਚ ਸਹਾਇਕ ਲਾਇਨਮੈਨਾ ਨੂੰ ਲਾਈਨਮੈਨਾ ਵਾਲਾ ਸਾਰਾ ਕੰਮ ਦੇ ਦਿੱਤਾ ਹੈ। ਸਰਕਾਰ ਜਾਂ ਤਾਂ ਇਹ ਨਵਾਂ ਫ਼ਰਮਾਨ ਵਾਪਸ ਲਵੇ ਨਹੀਂ ਤਾਂ ਉਨ੍ਹਾਂ ਨੂੰ ਲਾਈਨਮੈਨ ਬਣਾ ਕੇ ਤਨਖਾਹ ਵੀ ਲਾਈਨਮੈਨ ਦੀ ਦਿੱਤੀ ਜਾਵੇ,ਜੇਕਰ ਸਰਕਾਰ ਅਤੇ ਪਾਵਰਕਾਮ ਦੀ ਮੈਨੇਜਮੈਂਟ ਨੇ ਸਹਾਇਕ ਲਾਈਨਮੈਨਾ ਇਹ ਜਾਇਜ਼ ਮੰਗ ਨਾਂ ਮੰਨੀ ਤਾਂ ਜਥੇਬੰਦੀ ਇਸ ਦਾ ਸਖ਼ਤ ਵਿਰੋਧ ਕਰਦਿਆਂ ਹੋਇਆਂ ਸੰਘਰਸ਼ ਕਰਨ ਲਈ ਮਜਬੂਰ ਹੋਵੇਗੀ। ਇਸ ਮੌਕੇ ਮਦਨ ਲਾਲ ਪ੍ਰਧਾਨ ਸਿਟੀ ਸਰਕਲ ਅੰਮ੍ਰਿਤਸਰ ,ਕੁਲਵਿੰਦਰ ਸਿੰਘ ,ਰਾਮ ਕੁਮਾਰ,ਨਰਿੰਦਰ ਅਨੰਦ ਅਤੇ ਰਮੇਸ਼ ਕੁਮਾਰ ਹਾਜ਼ਰ ਸਨ।
ਪੱਤਰ ਪ੍ਰੇਰਕ ਬਲਵੰਤ ਸਿੰਘ ਭਗਤ ਪੰਜਾਬ।
COMMENTS